الزواج المحرم

الحلقة الأخيرة....

أول ما محمود يسمع الكلام ده يحس ان الدنيا بتلف بيه وانه مش قادر ياخد نفسه ... رجاء وفريده وريناد يسمعوا الاصوات وينزلوا جري يشوفوا في ايه... تسمع فريده اخر جملها قالها صلاح لادهم وتحس انها كرهت حياتها فاجئه وانها وسط ناس متعرفهومش... وفجأة تصرخ فريده بصوت عالي وتقول..

  بـــــــــــــــــــــــــــــابـــــــــــــــــــــــــا

يقع محمود من طوله وسطهم ... تجري عليه فريده تحاول تفوقه دون جدوي... الكل يبص عليه في زهول... يروح أدهم يطلب الاسعاف اللي يجوا وياخدوا محمود وتروح معاها ريناد وأدهم...

**************************************************************************

صلاح: أنا مش مصدق اللي بيحصل 

رجاء: ولا انا... مش مستوعبه اي حاجه حصلت

صلاح: .. انا مش عارف انا صح ولا غلط.. بس اللي متأكد منه ان الجوازة دي لا يمكن تتم

رجاء: صلاح.. محمود ده صاحب عمرك.. وعشرة متتقدرش بتمن.. وعمرنا في يوم ما شوفنا منه حاجه وحشه.. لو كان في نيته يغدر بيك او يطمع فيك كان عملها من زمان... انت دبحته بكلامك... الغلطه غلطة بنته... هو ملوش ذنب 

صلاح:......................

رجاء: راجع نفسك وروح صالحه قبل فوات الاوا ن

صلاح بانتباه وكأن الفكرة مخطرتش علي باله

صلاح: تقصدي ايه :o

رجاء بحزن..الاعمار بيد الله,,, ومحمود تعبان الله أعلم هيقوم منها ولا .. :(

صلاح:معاكي حق ... أنا قايم رايحلهم.. :(

رجاء : استني انا جايه معاك

**********************************************

في الوقت ده يكونوا وصلوا المستشفي والدوك دخل كشف علي محمود ويخرج يقول...

الدوك: أنسه فريده... أدخليله .. هو عايزك :(

فريده برعب: طب هو عامل ايه.. حالته ايه يا دوك .. ارجوك طمني :(

الدوك: مممم.. ربنا يتولاه :( 

تصعق فريده من رد الدوك وتحس انها مش حاسه بحاجه حواليها وتوازنها يختل.. يسندها أدهم ويطبطب عليها علشان يواسيها ... يكمل الدوك ويقول..

الدوك: انسه فريده.. انا مقدر حالتك.. بس انتي لازم تكوني أقوي.. هو خايف عليكي وقلقان.. حاولي تكوني قويه قدامه غلشان يطمن عليكي.. دي اقل حاجه نساعده بيها 

تهز فريده راسها من غير كلام وتمسح دموعها بسرعه وتحاول تبتسم وتدخل لمحمود...

أول محمود ما يشوفها يفتح دراعه ليها... تجري فريده عليه وتحضنه جامد وتقوله سامحني.. يضمها محمود أوي لصدره ويطبطب عليها ويقول..

محمود بتعب: أسمعيني يا فريده.. أنا مشش زعلان منك يا بنتي.. انتي مأجرمتيش.. انا بس عايزك تنفذي كلامي ليكي لو ليا غلاوة عندك.. عارف اني كده بظلمك.. بس انا متأكد اني بحافظ عليكي وبحميكي من جرح أكبر.. انا مش هطمن عليكي بالشكل ده ابدا.. انتي كده مبقاش ليكي حد.. كنت فاكر يا بنتي اني لو مت هيكون ليكي عيله تتسندي عليها.. بس طلعت غلطان.. صلاح جشع وبيحب الفوس طول عمره.. بس مكناش اتصور الموضوع كبر عنده كده...وخلاه يقلب علي أقرب الناس ليه..فريده.. لو ليا غلاوة عندك أبعدي.. الحب والجواز مش حرام.. بس الناس وامجمتع اللي احنا فيه بيحرموا اي ارتباط مخالف للتقاليد.. حرام بنت تتجوز واحد اصغر منها.. حرام تبص لحد اعلي منها.. مع ان دينا محلله.. . ابعدي عنهم وانفدي بكرامتك.. كفايه يا بنتي كرامة ابوكي اللي اتوحلت في التراب بعد العمر ده كله

ويتخنق صوت محمود بالعياط ودموعه تبدأ تنزل... تشوف فريده منظر باباها وقلبها يتوجع عليه وتحس انها السبب في كل اللي بيحصله

فريده: متخافش يا بابا .. انا هعمل كل اللي انت عاوزة بس خليك معايا.. انا مليش غيرك يا بابا... ارجووووك

محمود: أوعديني انك تبعدي.. وتشوفي مستقبلك وترتبطي.. كان نفسي اتطمن عليكي يا فريده قبل ما اموت :( 

فريده : هتطمن.. وانت اللي هتجوزني كمان... مش هتسيبني لوحدي يا بابا صح..

محمود:ـــــــــــــــــــــــــــــــ

فريده برعب: رد عليا يا بابا .. مش هتسيبني صح! 

محمود: ـــــــــــــــــــــــــــــــــ

فريده : بابا... لأ يا بابا ونبي ... أنا أسفه... مش هعمل حاجه تزعلك.. وهتجوز واعمل كل اللي انت عاوزة... بس قوووووووووووووم ... بابا .... يا بــــــــــــــــــــا بــــــــــــــــــــــا ... قوم يا بابا ونبي 

وتفضل فريده تصرخ بهستريا يدخل أدهم وريناد علي صوتها ويلاقوا محمود مغمض وفريده بتصرخ .. يدخل الدوك يجري...صوت ااجهزة بتصفر.. فريده في حضن ريناد.. أدهم دموعه علي خده..صلاح بينهج عند باب الاوضه ومبرق.. رجاء بتعيط ...

الدوك: البقــــــــاء لله

*************************************************************

في العزا تكون فريده اعده في حضن "قمر" مش حاسه انها تعرف حد تاني من اللي حواليها ... ريناد ورجاء اعدين شايفين حالتها ومش قادرين يساعدوها ... يخلص العزا والناس تمشي وبدور الحوار ده ..

رجاء: فريده يا حبيبتي .. كفايه يا بنتي هتموتي نفسك كده

فريده :...................

ريناد: طب تعالي معانا يا فري علشان خاطري.. مش هنقدر نسيبك هنا

فريده :......................

رجاء: خلاص باتي معاها يا ريناد

فريده تبص لقمر وتقولها... مش عايزة حد هنا

قمر: انا اسفه جدا.. بس الاحسن نعمل اللي هيا عاوزاه علشان متتعبش

رجاء: :(

ينزلوا من عندها ويكون ادهم عايز يطمن عليها يطلع ويحاول يكلمها بس برده تكون هيا ساكته ومش راضيه تتكلم

أدهم: يعني ايه يا فريده.. يعني دي النهايه كده؟؟ هنستسلم خلاص!

فريده تبصله ومتقدرش تمسك دموعها... ياخدها ادهم في حضنه وتمسك فيه هيا جامد وكأنها بتتحامي فيه.. 

**********************************************************

في مكتب المأذون..... يكون اعد اتنين قدامه والمأذون بيقول....

"بارك الله لكما وبارك عليكما وجمع بينكما في خير "

العريس: مبروك يا حبيبتي :)

العروسه: مبروك يا قلبي <3

يخرجوا الاتنين من عند المأذون ويروحوا مكان هادي ورومانسي ويدور بينهم الحوار التالي..

"هو": يااااااااااااااه.. ده انا كنت فاقد الامل انك تكوني من نصيبي

"هي": الحمد لله.. المهم اننا بقينا مع بعض :)

يسكتوا شويه وهما باصين لبعض وبيبتسموا.. وبعد تقول "هي"...

أنا محتاجه أبعد.. ابعد عن كل اللي حصل معايا ده يمكن أقدر انسي

"هو": معاكي حق.. واهي فرصه نبدأ حياة جديده خاصه بينا لوحدنا..بس برده مسيرنا نرجع.. لاننا مش هربانين من حد

هي: بحبك <3

هو: وانا بموت فيكي <3

**********************************************

"بعد مرور سنتين علي كل الاحداث".....

قدام أوضه العمليات في إحدي المستشفيات الكبيرة...يكون أدهم واقف وعلي ملامحه معالم القلق والخوف...وعمال يروح ويجي قدام الاوضه..

ريناد: يا ادهم اهدي.. ان شاء الله تقوم بالسلامه .. متخاااافش هو دايما اول بيبي بيطول كده

ادهم: يا بنتي دي بقالها ساعتين جوه!

ريناد: عادي منا ساعه ولاده" يوسف " فضلت جوه تلت ساعات :D

رامي يحاول يخفف التوتر.. متقلقش يا أدهوم.. هتبقي بخير ان شاء الله وتقوملنا بالسلامه.. حاسس بيك والله ساعه ريناد كنت حاسس ان انا اللي بولد :D

ادهم يضحك ويفضل يدعي ربنا يقوم "زوجته بالسلامه"... بعد شويه توصل رجاء وصلاح 

رجاء: ها يا ادهم..ولدت؟؟

ادهم: لسه يا ماما.. ادعيلها بقي انا تعبت :(

رجاء: ربنا يقومها بالسلامه يا رب..

في نفس الدور.. يجي ممرضين بسرعه يفتحوا الاوضه التانيه ويكون في حركه مريبه بتدل علي ان في حاله طارئه... يتخض ادهم ويحس ان في حاجه.. يروح يسأل ويقولوله ان في حاله ولاده مستعجله جت بدري عن معادها.. شويه ويسمعوا صوت صريخ وبنت بتقول...

"عـــــــــــــــلي" بمووووت ااااااااااااه.. متسيبنيش انا خاااااااااايفه.. يااااااااا رب بقي :( :'( 

علي: متخافيش يا فريده.. أنا جنبك اهو يا حبيبتي.. مش هسيبك.. متخااافيش :(

وتدخل "فريده " أوضة العمليات.. ويفضل "علي" زوجها قدام الاوضه بيدعي تقوم بالسلامه.. يكون أدهم واللي معاه متابعين الموقف في زهول.. يروح ادهم ناحيه علي ويسلم عليه ويدعي ان فريده تقوم بالسلامه.. ويرجع يلاقي الممرضه خارجه ببنته.."سما"

شويه وتخرج "ملك" من العمليات .. يجري عليها أدهم ويبوس راسها ويحضنها هيا وبنته..

والناحيه التانيه .. فريده في سريرها.. حاضنه أبنها اللي لسه مولود.. وعلي اعد جنبها .. وقمر واقفه ببنتهم الكبيرة "هدي"

علي : ها يا حبيبتي هتسميه ايه؟؟

فريده : محمود :)

يبصلها علي بحب ويحضنها هيا وابنهم..

                                                    *النهــــــــــــــــــــــــــــــــايه*

الزواج المحرم..19

الحلقة التاسعة عشر..

وبعد ما تحكي رجاء تلاقي ريناد مش مصدومة وكأنها عارفه كل حاجه ..

رجاء: انتي كنتي تعرفي !!

ريناد :....................

رجاء : قوليلي مين هيا علشان اعرف اساعده... 

ريناد : :/

رجاء : يا بنتي اتكلمي.. ماهو كده كده هنعرف ولا هو هيتجوز في السر!!

ريناد : خليه هو يقول يا ماما

رجاء : ريناد يا حبيبتي انا مامتكوا يعني مفيش حد في الدنيا عايز مصلحتكوا ادي.. قولي مين علشان افهم واساعد

ريناد: مممممممممممم فريده :/

رجاء: ميـــــــــــــــــن!!

ريناد بخوف: فري يا ماما

 تفضل رجاء باصه لريناد وهيا مش مستوعبه كلامها وبعد فترة من السكوت تقول بصوت ضعيف..

 رجاء: فريده!! فريده أخته!... يا نهار أسود... ده أكيد أتجنن... ازاي!.. ده مينفعش بكل المقاييس .. أزااااااااااااااااي

 ريناد: اهدي بس يا ماما

 رجاء: اهدي!! ... اهدي ايه.. دي مصيبه!... أخوكي بيحىب فريده! ... فريده اخته الكبيرة... الاكبر منه بست سنين!.. دي اكبر منك!.. اكبر من اخته الكبيرة ... هتجنن... ادهم اخوكي اتجنن ولا ايــــــــــــــــــــه... ده ابوكي لو شم خبر هيبهدله... وفريده... ده فريده لو عرفت هتقاطعنا... ازاي هتقبل الفكرة.. هتتصدم في ادهم انه فكر فيها كده.. رحمتك يا رب ايه ده انا مش مستوعبه..

تبص ريناد لمامتها وهيا محتاره تقولها ولا لا ,, بس قررت تتكلم لانها لازم تعرف والاحسن تاخد الصدمه كامله :/

ريناد: ممممممم ماهو.. ما هي فريده عرفت يا ماما :/

رجاء : ايه!! عرفت :o !!

ريناد: اه 

 رجاء: وقالت ايه.. عملت ايه في ادهم..أتخانقوا؟؟

ريناد: لأ ..  ماما فريده وأدهم بيحبوت بعض :/

رجاء:نعـــــــــــــم .. أنتي بتقولي ايه!

ريناد: ................. :(

تمشي رجاء من قدام ريناد وتطلع اوضتها وهيا شبه غايبه عن الوعي.. ندهت ريناد عليها اكتر من مرة علشان تحاول تخفف عنها بس رجاء مردتش .. تعد ريناد مكانها وهيا حاسه انها دخلت دوامة غصب عنها ومش هتطلع منها الا وهي خسرانه حد غالي عليها.. بس يا تري مين الحد ده!

تفتكر ريناد كلام رامي معاها وتحس ان الموضوع ده بعدهم عن بعض وغير رامي من ناحيتها.. تصعب عليها نفسها لما تفتكر كلامه وغصب عنها دموعها تنزل :( 

في الوقت ده يكون صلاح نازل من أوضته ويلاقي ريناد أعده بتعيط .. يقرب منها ويحاول يهدي من العصبيه اللي مسيطرة عليه ويبدأ يسأل..

صلاح: رينو حبيبة بابا...

ريناد: نعم يا بابا :)

صلاح: مالك يا حبيبتي.. متخابيش شكلك باين انك بتعيطي

ريناد تتنهد جامد ومتقدرش تسيطر علي دموعها وبصوت مخنوق تقول.. 

ريناد: عادي يا  بابا مجرد خناقات بسيطه مع رامي..

صلاح : مممم ده الطبيعي بين اي اتنين مرتبطين.. بس ايه السبب يعني :) ؟؟

ريناد: عادي حاجات بسيطه كلها .. متقلقش حضرتك

صلاح: الحاجات البسيطه دي متعلقة بملك؟

ريناد تتخض من السؤال وتقول..

ريناد: ملك؟؟ ... لا.. وايه دخل ملك في خلافي مع رامي؟

صلاح: لا.. عادي .. مجرد سؤال

ريناد تحس بتلميح بابها وتقوم بسرعه علشان تتفادي المواجهه وتقول...

ريناد: اوكي يا بابي.. انا هاقوم انام شويه.. بعد اذنك

صلاح بعدم ارتياح.. اتفضلي :/

يحس صلاح انه مخنوق ومش عارف يفكر فيقوم يتصل بمحمود...

صلاح: محمــــــود.. ازيك 

محمود: انا بخير الحمد لله ... ازيك انت يا صلاح

صلاح: انا الحمد لله بخير

محمود: يا رب دايما.. مع ان صوتك بيقول غير كده 

صلاح: فعلا.. انا محتاج اتكلم معاك

محمود: بس كده.. عنيا ليك

صلاح: ربنا يخليك.. خلاص انا مستنيك

محمود: تمام نص ساعه واكون عندك

 في الوقت ده تكون رجاء اتصلت بفريده وقالتلها تيجي بسرعه من غير ما تعرفها حاجه.... تحاول فريده تتصل بريناد تفهم منها بس يكون تليفونها مقفول.. وادهم حكالها علي حواره مع صلاح بس يأكد انه لسه مقالش حاجه عنها...

بعد شويه تكون فريده في الفيلا وتقابل رجاء ويدور بينهم الحوار ده...

فريده : ازيك يا ماما

رجاء: كويسه

فريده : أمال فين ريناد وادهم..؟؟

رجاء: ريناد نايمه وادهم مش هنا

فريده تبدأ تخاف وتقول..

فريده: طب هو حضرتك متضايقه من ايه؟ في حاجه زعلتك؟؟

رجاء:........................

فريده : مالك يا ماما :/

رجاء: ماما!!... يا ريتها كانت نفعت فيكي تربيتي 

فريده تتصدم من الكلمه وتقوم تقف وتقول.. أنا!... ليه كده ... انا عملت ايه علشان تقوليلي كده :(

رجاء: والله!... عملتي ايه!... لسه هتعيشي دور العبيطه ده كتير؟؟

فريده عيونها تدمع وتقول... ماما انا مش فاهمه حاجه.. انا عملت ايه يخليكي تكلميني كده.. حضرتك عمرك ما زعلتي مني كده!

رجاء: اه... ده لما كنت فكراكي عاقله... ده لما كنت فكراكي بتفكري في كل تصرف تتصرفيه قبل ما تعمليه.. لكن انا اتصدمت فيكي صدمه عمري 

فريده تبدأ دموعها تنزل ومتتكلمش :'( 

رجاء: بتحبي أخوكي الصغير!! ... بتحبي أدهم يا فريده؟؟ ... طب هو لسه طايش ومتعلق بيكي علشان متعاملش مع غيرك كتير .. لكن انتي يا استاذة يا ناضجه .. ابرر عملتك بإيه؟

فريده تحاول تستجمع قوتها وتقول... يا ماما أرجوكي.. انا مأذنبتش.. انا حبيت.. عارفه انه حاجه غريبه.. بس انا معملتش حاجه حرام ولا عيب..

رجاء بصدمه: كمان!!... يعني انتي مش شايفه انك عملتي حاجه غلط!... ده اصغر منك بست سنيـــــــــــن... انتي لاغيه عقلك!!... طب هنقول ماشي بتحبيه.. وهنقول انه بيحبك.. وهنفترض انكوا اتجوزتوا... وهنفترض انك خلفتي .. ممكن تقوليلي بعد عشر سنين شكلكوا هيكون ازاي!!... هو هيكون يا دوب 34 سنه... شاب في عز شبابه.. لكن انتي!!... تقدري تقوليلي هتبقي عامله ازاي... التجاعيد اللي  هتكون ملأت وشك وكبرتك فوق عمرك بسبب الحمل والولاده.. هتقولي للناس ايه!... ليه تعذبي نفسك بالمنظر ده!... ليه تحكمي عليه وعلي نفسك انكوا تعيشوا في وضع مش طبيعي... 

فريده كون بتسمع كل ده وهيا منهارة.. مكنتش متوقعه انها هتسمع كلام بالبشاعه دي من أقرب حد ليها... ويفضل جسمها يترعش ويكون كل اللي في دماغها انها عايزة تجري من قدام رجاء وبس.. لان قلبها مش حمل رصاصه كمان من كلام رجاء..

لما صوت رجاء بدأ يعلي تنتبه ريناد وتخرج بسرعه من اوضتها وتفكر ادهم رجع.. تسمع صوت رجاء وتحاول تفهم وفي الاخر تكتشف ان فريده جوة.. تري ريناد علي موبايلها تلاقيه فصل.. تفتحه وتتصل بأدهم بسرعه..

ريناد: أدهم... الحق فريده.. ماما عرفت واتصلت بيها وواضح ان الدنيا والعه بينهم

ادهم: انتي بتقولي ايه :o  >>> وانتي سيبتيهم ليه يا غبيه  >_<

ريناد:مكنتش أعرف... انا قولت لماما وهيا اتصرفت علي طول..

ادهم: انتي!! .. ماشي يا ريناد.. انا جاي

تقفل ريناد مع ادهم وتدخل علشان تحاول تهدي مامتها.

***************************************************************

في الوقت ده يكون محمود وصل وبيتكلم مع صلاح .. صلاح يحكي لمحمود علي رغبته في جواز ملك من أدهم وموقف ادهم الغامض...

محمود: يا صلاح كل كلامم صح وانا مقدر خوفك علي مصالحك مع سيف,,, بس مش علي حساب ادهم

صلاح: متجننيش يا محمود... انت هتبقي معاهم عليا انت كمان :/

محمود: لا طبعا مقصدش.. انت معاك حق في اختيارك فعلا البنت مناسبه لادهم,,, بس مينفعش تغصبه

صلاح: انا مش عارف افكر.. وكمان عايز اعرف مين اللي ملغبطه كيان الولد كده

محمود: في دي معاك حق.. وفي اللحظه دي يدخل ادهم الفيلا وهو قلقان علي فريده .. يلاقي صلاح ومحمود في وشه,,, يستغرب وجود محمود والهدوء اللي سايد المكان... لحظات صامته بيبص فيها محمود وصلاح لأدهم وأدهم بيبص علي السلم اللي بيطلع علي اوضه مامته... ويقطع الصمت صوت صلاح... اهو شرف البيه

محمود: تعالي يا أدهم

أدهم :ممممم ا...طب..

صلاح: تعالي هنا كلم محمود >_<

يروح أدهم علي مضض يعد معاهم وقلبه وعقله مش معاه

محمود: ايه يا أدهم الحكايه.. مزعل بابا ليه؟؟

ادهم: ..................

صلاح: ما ترد يا بني ادم

محمود: اتكلم يا أدهم... انت كبير دلوقتي ومسئول كفايه عن قراراتك.. بس اكيد لازم تعرف والدك انت حابب ترتبط بمين

ادهم.........................

صلاح: قول يا أدهم متخافش... مين هيا دي وبنت مين؟؟

ادهم: .........................

صلاح: شايف يا محمود البرووووود >_<

محمود: اهدي بس يا صلاح... وانت يا ادهم اتكلم يا حبيبي...

ادهم: ماشي... البنت دي تبئي فريده

صلاح: ميـــــــــــن!!

ادهم باصرار: فريــــــــــده

محمود بصدمه... فريده مين يا أدهم.. فريده بنتي!

ادهم : ايوة هي :/

صلاح: تبئي اتجننت... دي اختك الكبيرة...

ادهم: فريده مش أختي.. انا وهيا بنحب بعض..

صلاح : بت إيه!!!!!!!!!!!!!!! بتحبوا بعض!!!!!... يعني هيا عارفه موافقه!!!!!

ادهم:  ايوة

محمود: ادهم.. انت بتقول ايه :o

ادهم:....................

صلاح بغضب شديد يفقد اعصابه ويقول... 

صلاح: اااااااااااااااااااااااااه.... ده اتفاق بئي... بتلعبوا علي الواد... انت وبنتك عايزين تورثوني يعني... هيا تلعب عليه... وانت هنا تقنعني اسيبه براحته ... لعبه يعني هه >_<

محمود بعصبيه.. انت بتخرف تقول ايه!!... ده انت اللي متصل بيا ... اتقي الله انا برجه افكر كده !

صلاح وهو بيزعق وفاقد السيطرة علي اعصابه تماما: أسمعني يا أدهم.. قسما بالله الجوازة دي ما هتم الا علي جثتي... انت تسيب ملك بنت العز والاصل .. وتبص لواحده اكبر منك وبتشتغل عندك!!

أول ما محمود يسمع الكلام ده يحس ان الدنيا بتلف بيه وانه مش قادر ياخد نفسه ... رجاء وفريده وريناد يسمعوا الاصوات وينزلوا جري يشوفوا في ايه... تسمع فريده اخر جملها قالها صلاح لادهم وتحس انها كرهت حياتها فاجئه وانها وسط ناس متعرفهومش... وفجأة تصرخ فريده بصوت عالي وتقول..

بـــــــــــــــــــــــــــــابـــــــــــــــــــــــــا :o :o

********************************************************************

أنتظروني بكرة في الحلقة الاخيرة من "الزواج المحرم" <3