الزواج المحرم..17

الحلقة السابعة عشر...

يخلص صلاح كلامه مع رجاء وينزل يتصل  بسيف بيه ويدور الحوار التالي...

سيف: ألو.؟؟

صلاح: الو .. سيف بيه .. 

سيف: اه.. أهلا يا صلاح بيه 

صلاح: احم.. انا متأسف اني متصل فجأة كده.. بس انا كنت عايز اقابل حضرتك بصفه شخصيه.. كنت عايز اجي انا وادهم ابني نتكلم مع حضرتك في موضوع

سيف بابتسامه ونبرة صوته تبقي مرحبه.. اه طبعا .. انت تنور يا صلاح بيه في اي وقت.. تنورنا طبعا..

صلاح: خلاص حضرتك حدد الميعاد المناسب وهنكون عندك فيه ان شاء الله :)

سيف : الأحد الجاي مناسب؟؟

صلاح: خلاص تمام ان شاء الله نكون عند حضرتك في الميعاد

سيف : مستنيك :)

ويقفل صلاح ويحس انه أنقذ نفسه بالموقف ده وباله أرتاح ...

يطلع صلاح لرجاء ويحكيلها علي المكالمه.. 

رجاء: معقول الاسبوع الجاي كده علي طول!!

صلاح: وايه المشكله؟؟

رجاء: أنت ناسي ان كل ده أدهم مش عارف حاجه؟؟

صلاح: ابنك فاهم وبيستهبل ويتهرب

رجاء: لو انت عارف كده وعملت اللي عملته ده تبقي كارثه..

صلاح: ليه يعني؟!

رجاء: لانه ساعتها هيكون هروبه ده وهو فاهم قصدك انه مش عايزها.. ومش معقول

يعني هنجبر الولد.. ولسه تكون رجاء هتكمل كلامها يقاطعها صلاح بحده ويقول

صلاح: لأ .. المرة دي بالذات مش هينفع أسيب أدهم يعمل اللي هو عايزة... الا الراجل

ده وولاده... أدهم مينفعش يتدلع.. مفيش سبب للرفض اصلا.. لا ملك وحشه.. ولا

شخصيتها وحشه ولا مركزها .. دي فرصه عمره.. سيف بالنسبالي اصلا فرصه

رجاء باستغراب: صلاح .. انت اول مرة تفكيرك يبقي مادي كده!!

صلاح بنرفزة: أنتي مش فاهمه حاجه ومش هتفهمي.. انا هكلم أدهم بكرة .. خليكي انتي بعيد

تسكت رجاء ومتردش ..

*********************************

في فيلا سيف....

بعد مكالمة صلاح لسيف .. يقوم سيف يطلع لملك... ويدور بينهم الحوار ده.....

سيف: حبيبه بابي عامله ايه دلوقتي

ملك بكسل تقوم من السرير وتقرب من سيف وتعد في حضنه وتقوله.. انا تمام يا بابي

سيف بتريقه وضحك: انا تمام يا بابي.. يا سلام.. وهو ده كده شكل ملوكتي برده!!

ملك: عادي يا بابي والله.. شويه زهق وكسل مش أكتر

سيف بابتسامة خبيثة بس يبين انه تلقائي.....

سيف: بس انا عايزك تروقي لان عندنا ضيوف الاسبوع الجاي ومينفعش تقابليهم بالمود ده 

ملك : ضيوف مين دول؟؟

سيف بابتسامة مكارة: أدهم و صلاح بيه

ملك بعدم إستعياب: مممم حضرتك عازمهم يعني كلهم .. علشان ريناد ورامي يعني؟؟

سيف: وهو انا جيبت سيرة ريناد ورامي دلوقتي؟؟ 

ملك: مش فاهمه حاجه

سيف : صلاح بيه وأبنه أدهم جايين يشربوا معايا الشاي.. 

ملك بعدم تصديق: ليه!

سيف يستغرب سؤال ملك الصريح ده بس يقول....

سيف: معرفش .. الراجل اتصل وقال انه عايز يزورني هو وابنه .. اقوله ليه برده؟!

ملك تفضل باصه لباباها وساكته تماما

سيف: انا قولت اقولك علشان تكوني موجوده اليوم ده

ملك: وانا مالي بيهم!!

سيف يستغرب من ملك ويقولها.. حبيبتي مش اصول يجوا ومتكونيش موجوده.. انتي ملكه البيت ده .. ولا ايه يا قلب بابي :)

ملك بابتسامه باهته تهز راسها وتسكت.. يخرج سيف من عندها وهو محتار..... بس ملك تكون حيرتها أكبر..

ملك لنفسها.. معقول!! معني تلميح بابا انهم جايين يطلبوني.. ملهاش تفسير تاني... بس 

انا مش فاهمه ادهم ليه  يعمل كده.. يكون باباه غصبه؟؟ ... ده كلام برده في ناس 

متفتحه وهاي كلاس هتفكر التفكير ده.. ولو أدهم مقتنع ومش مغصوب.. ليه

ميقوليش!!.. ليه ميعرفنيش انا الاول ويشوف رأيي!!... لاااااا الموضوع ده محتاج

يتفهم... يكونوا جايين في حاه تخص الشغل!!... مكانش بابي جه وقالي ... يمكن في

حاجه حاصله بين ريناد ورامي!!.. طب حتي لو كان أنكل صلاح ومدام رجاء هما اللي جم.. انا دماغي هتنفجر..

بس لاقيتهاااااااااااااا.. انا أتصل بأدهم نفسه.. منا مش هفضل في الحيرة دي كتير


تتصل ملك بأدهم أكتر من مرة وتلاقي تليفونه مقفول... تفضل تجرب كذا مرة من غير يأس...

***************************************
في أوضه أدهم...

في الوقت ده .. تكون ريناد وأدهم بيتخانقوا ....

ريناد بصدمه تعد علي السرير زي ما تكون نزلت عليها صاعقه وتقوله بصوت مقطع...
ريناد: ليه كده يا أدهم... ليه حرام عليك.. انت كده خليتنا نخسر بعض.. فريده هتبعد..

ومش هنرجع عمرنا زي الاول... حرام عليك دي اختي الوحيده... ليه انت اناني

اوووي كده... متصور انها هتبص لاخوها الصغير يا غبي!! حرااااااااااااااام عليك
تعيط ريناد جامد وتبدا تضرب في ادهم بإيدها الاتنين وهيا متعصبه  جدااا ويحاول ادهم

يهديها ولكنه ميقدرش.. بس فجأة يمسك ايدها جامد ويشد عليها علشان تسكت وفجأة

يقول.... فريده كمان بتحبني يا ريناد..

ريناد: نعــــــــــــــم!! .. مستحيــــــــل .. أنــت بتقول ايـــــــه!!

أدهم: بقول اللي سمعتيه.. فريده كمان بتحبني من زمان.. ومكانتش بتقول .. كانت 

بتحبني كل الوقت ده وخايفه.. زيي بالضبط.. بسبب الرعب اللي انتوا فرضينه علينا.. 

علشان كده كل الوقت ده مكانتش راضيه تتجوز

ريناد تحس ان الدنيا بتلف بيها ومش مستوعبه كلام ادهم

يكمل أدهم ويقول.. ريناد... الحب عمره ما كان عيب.. وانا وفريده بنحب بعض بجد.. ومفيش سبب يخليكي مصدومه اوي كده

ريناد تحاول تتكلم وبصوت مش طالع تقول.. ايه اللي مخليني مصدومه!!.. انا مصدومه 

لاني اكتشفت ان اخويا واختي" الكبيرة" بيحبوا بعض.. علشان أكتشفت ان صاحبه

 عمري وأهتي طلعت معرفهاش.. طلعت معرفش سرها الكبير... انا !! انا طلعت معرفكوش... انتوا ازاي كده!!... ليه؟؟ ليه يا ادهم :(

أدهم: هو ايه اللي ليه يا ريناد!!.. الحب مفيهوش الاعتبارات الخايبه دي.. حافظ كل 

الكلام اللي هتقوليه.. دي اختك.. دي مربياك.. دي اكبر منك.. دي مش عارف ايه.. انا 

وهي اصحاب الشأن.. وانا وهي تجاوزنا العواقب دي.. احنا بنحب بعض.. وكنا فاكرينك هتحسي بينا.. لان انتي بتحبي يا ريناد :(

ريناد تبدأ تتقبل كلام أدهم  وبطريقه أهدي تقول.. بس برده صدمه.. الموضوع صعب

 يا أدهم.. انا عارفه ان الحب ملوش قواعد.. وعارفه ان صعب تشوف عيوب في 

حبيبك.. بس انا خايفه عليكوا.. الموضوع مش سهل ابدااااااااا.. هتقابلوا 100  عقبه في طريقكوا.... ليه تتعذبوا وتعذبوا اللي حواليكوا

أدهم: مفيش حاجه سهله.. انا عارف ان الموضوع صعب.. بس انا حبي ليها اقوي.. 

ومتخافيش... اللي حوالينا بيحبونا .. مش هيعملوا حاجه .. هيا مجرد صدمه في الاول وبعدين هيفرحوا بينا.. احنا ولادهم يا رينو :)

ريناد: ربنا يستر يا ادهم... انا مش مطمنه :/

أدهم: لا أطمني.. انا متأكد انك فرحانه.. بس انتي اللي بتحبي تقفلي الدنيا كده .. نكد :P

ريناد: هههههههه ... مكدبش عليك.. انا بفرح اما بشوف اتنين بيحبوا بعض ومتمسكين ببعض.. بس برده لسه مصدومه

ادهم: انتي دلوقتي تروحي تفوقي من الصدمه برحتك وبعد كده تروحي لفريده وتكلميها براحه.. لان هيا مرعوبة

ريناد: الكلبه دي حسابها معايا اما اشوفها.. بتعرف تخبي عني ... هعضهالك بس اصبر :P 

ادهم: هههههههههههههه هروح انا ساعتها اقتلك رامي :P

ريناد: ههههههههههههههههههه ماشي ماشي

وتقوم ريناد تحضن أدهم وتقوله انها حاسه بيهم وهتقف جنبهم.. وان انفعالها كان خوف عليهم مش اكتر..

تخرج ريناد من الاوضه ويفتح أدهم موبايله علشان يكلم فريده يطمنها .. ويعرفها ان 

ريناد عرفت ... بس يلاقي فوق الخمسين missed من ملك... يستغرب أدهم جداا من كميه الاتصالات دي ويقرر يكلمها قبل فريده ويفهم في ايه!

*****************************

في أوضه ملك.... تكون ملك اعده مش علي بعضها ورايحه جايه في أوضتها وكل 

شويه تروح تمسك التليفون تتطلب ادهم وتلاقي موبايله مغلق... وفجأة يرت موبايلها وتجري ترد عليه ويكون أدهم...

ملك: ألو .. ادهم ازيك

ادهم: ملك.. ازيك عامله ايه

ادهم: انا تمام .. الحمد لله

ادهم:خير يا ملك.. انا كنت قافل الموب واما فتحته لاقيت اتصالات كتير اوي منك.. هو في حاجه؟؟

ملك بارتباك: ممم.. هو.. اصل يعني.. انا مش عارفه اقولك ايه

ادهم بقلق: في ايه يا ملك.. قولي قلقتييني

ملك: بص اسمعني كويس.. انا مبدايا متصله افهم منك لاني مش فاهمه.. والدك اتصل بـبابي النهارده.. وقاله انكوا جايين تشربوا معاه شاي الاحد الجاي!

ادهم بعد استيعاب: احنا مين!!.. وليه يعني.. ومعناه ايه الكلام ده!!

ملك تحس باحباط وخيبه امل اما تلاقي ادهم مش فاهم حاجه وتفهم ان والده اتصرف من دماغه...

ملك: انا شكلي لخبطت الدنيا علي الاخر :/

ادهم: ملك ارجوكي اتكلمي وفهميني

ملك: هو بيقول ان هو وانت جايين يوم الاحد لانكوا عايزين بابي في موضوع.. انا معرفش ايه ده وقولت اسالك.. لان بابي جالي وقالي اكون موجوده :(

ادهم بصدمه ورعب: بابا عمل كده!!!!!!!!

ملك: واضح انك متعرفش :( 

ادهم: هه.. لا.. مممممممم

ملك: متقولش حاجه.. انا متصله علشان استغربت مش اكتر.. كويس اني نبهتك

ادهم: ......................

ملك: سلام :)

يقفل ادهم مع ملك ويحس ان الدنيا وقفت وان كل حاجه هتطربق علي راسه اسرع مما كان يتخيل.. مكانش متخيل ان الموضوع يوصل لكده

يتصل ادهم بفريده بسرررعه ......

*********************************

تكون فريده راحت في النوم وفجأة موبايلها يرن.. تاخده فريده من غير ما تبصله وتحطه علي ودنها وهيا نعسانه وفجأة تقوم وهيا مصدومة وتقول...

فريده: أدهم!!!! في ايه مصيبه ايه اللي بتقول عليها دي!!

ادهم: واقع في مشكله .. انا محتاج اتكلم معاكي..

فريده : طب ما هو اكيد مش هينفع دلوقتي... انت وقعت قلبي .. قول في ايه !! مصيبه ايه يا ادهم؟؟

ادهم: بصي .. انا مش هينفع ارغي في التليفون .. انا لازم اشوفك بكرة ع طول.. 

فريده : طيب طيب... طب هو حد عندك عرف يعني!!

ادهم: اه ريناد.. ومتخافيش مش هيا دي المشكله..

فريده : امال ايه بس تعبتني

ادهم: بكرة بقي.. نامي معلش اني ازعجتك :/

فريده : انام اه -_- هو بعد كلامك ده هعرف انام!! ... عموما متقلقش دايما كل مشكله ليها حل.. تصبح علي خير يا حبيبي :)

تقفل فريده مع ادهم وتحس انها خايفه بس برده تحس ان ادهم مش هيقدر يواجه المشاكل اللي ممكن تقف قدامهم ...

فريده : ربنا يستر.. ويقوي قلبك يا أدهم شويه  :/

**********************************************

تاني يوم...... تنزل فريده الصبح بدري وتقول لباباها انها هتروح النادي شويه.. وفعلا تقابل ادهم في النادي اللي متعودين يروحوه.. بس تلاقي معاه ريناد...

فريده تسلم عليهم وتعد ريناد جنبها وتبدأ تقول...

ريناد: طبعا يا فري انا عرفت كل حاجه... كنت اتمني انك متخبيش عني حاجه زي دي طول الفترة اللي فاتت دي لاني المفترض ان توأمك زي ما بتقولي :/

فريده : مكانش ينفع.. انا مكنتش حاطه في دماغي ان ده ممكن يحصل اصلا يا ريناد.. بس اما للاقيت ادهم بيحبني مقدرتش اخبي اكتر... سامحيني اني مقولتلكيش :/

ريناد: خلاص يا قلبي ولا يهمك... المهم دلوقتي ان فيه حاجه حصلت امبارح ولازم نعرف هنعمل ايه فيها... لا شكل المواجهات قربت.. :/

فريده تبلع ريقها بخوف وتقول... في ايه يا جماعه... سيبتوا أعصابي :/

ريناد:بصي يا فري.. من الاخر... بابا عايز يجوز ملك لادهم :/


فريده : كنت حاسه يا ريناد.. أنكل صلاح كان بيحاول يقرب بينهم و ده كان باين اوي في حفله خطوبتك :/ 

ريناد: ممممممم... ماهي المشكله انها مش مجرد فكرة أو محاوله :(

فريده تبص لادهم وريناد وتبدأ ضربات قلبها تزيد وتقولهم.... إزاي يعني مش فاهمه !! :o

ريناد: من الاخر... بابا كلم أنكل سيف وأتفق معاه علي معاد علشان يروحله هو و أدهم..

فريده : :o

**************************************

الحكايه بدأت تسخن.. والمواجهات قربت.. يا تري فريده هتعمل ايه في اللي هيا سمعته... و هل أدهم هيخبي علي باباه موضوع فريده اما يجي يكلمه عن ملك؟؟... 

أنتظروا الحلقه الجايه مع مزيد من المفاجأت :D

تابعوني <3






 

 








 



 

الزواج المحرم..16

الحلقة السادسة عشر..


راح أدهم المكان اللي موصوف ليه في الورقه.. فضل يبص حواليه وهو مش لاقي حد.. فضل يتمشي شويه يمكن يلاقي الشخص المجهول ده... وفجأة لقي حد بيخبط علي كتفه...

 لف أدهم وراه لقي حاجه خليته مزهوووووووووووول....

***************************************************************


تقفل ريناد مع أدهم وتقرر تلحق الموقف قبل ما يكبر... قامت لبست بسرعه وراحت علي فيلا سيف....

وصلت ريناد ودخلت كان رامي اعد سرحان والضيقه باينه عليه..... تقرب ريناد منه وتعد جنبه من غير كلام... يبصلها بوجع.. تبصله بعتاب.. يقرب منها ويحط راسه علي كتفها ويبدأ يقول

انا اسف يا ريناد.. مكنش المفروض اتصل اقولك كده.. بس ملك دي اختي الوحيده.. وانا مقدرتش استحمل اشوفها كده,, انا وعدتك ان الموضوع ده ميأثرش ع علاقتنا.. وانا اللي خلفت الوعد

ريناد: يا رامي انا مش زعلانه منك.. انا مقدرة حالتك و والله قلقانه علي ملك زيك... انا اتصلت بأدهم وسألته وأكدلي انه مقالهاش حاجه ولا أحرجها.. وصمم نسألها .. انا متاكده انه مجرحهاش زي ما انت متخيل... اهدي انت بس يا قلبي واما ملك تهدي انا هكلمها وافهم .. وصدقني لو ادهم اذاها بكلمه انا اللي هحاسبه قبلك

يبوس رامي ريناد علي راسها ويقول... ربنا يخليكي ليا...

****************************************************************

يلف ادهم وراه ويلاقي فريده واقفه قدامه بشكل مش متعود عليه.. فارده شعرها البني الطويل .. وحاطه مايك اب خفيف علي غير عادتها ولابسه فستان ابيض طويل مخليها شبه الملايكه... فضل ادهم واقف منبهر بشكل فريده وجمالها وفي نفس الوقت مش فاهم حاجه... ويقول .. هو انتي اللي..؟؟؟

فريده : اه انا... بعت واحد برساله ليك علشان متعرفش انه انا... حبيت افاجئك.. لاني النهارده كل كلمه هاقولهالك هتتفاجئ بيها

أدهم وهو لسه تحت تأثير المفاجأة يقول.. فريده هو ايه اللي بيحصل؟؟

فريده تقف قدام ادهم وتبدا تقول...

ادهم انا فكرت كتير في اللي هعمله ده.. تعبت ومش قادرة اخبي اكتر... انا طول عمري بتمني اسمع الكلام اللي انت قولته ده منك وكنت بعتبره حلم خيالي لا يمكن يتحقق... بس اتحقق وطلعت بتحبني.. مستحيل بعد ده كله اقدر ابعد.. مهما كان اللي هواجه معاك .. عمري اللي عدي وانا مش شايفه غيرك يستحق اني ادافع وحارب علشانه..

أدهم وهو مش مصدق ومصدوم... فريده .. فريده انا ,,انا مش فاهم حاجه.. الله يخليكي فهميني معني كلامك انا دماغي لفت

فريده تقرب من ادهم اكتر وتبص لعيونه جامد وتقوله...

فريده: بحبـــــــــــــــــــــــــك يا أدهم.. بحبك من ساعه ما جيت الدنيا.. من اول مرة شوفتك وانت نونه .. حسيت انك حته مني... انا ارتباطي بيك صعب يتوصف.. بحبك يا ادهم وصعب احب حد زيك

يحاوط أدهم فريده بايديه ويضمها لصدرة جامد.. تستلم فريده لاحساسها بالراحه والدفي في حضنه..

ادهم: فريده انا بجد مش مصدق.. مكنتش اتخيل انك بتحبيني طول الفترة دي.. ده انا حتي اما قولتلك اني بحبك كنت فاقد الامل.. كنت حاسس انك عمري ما هتشوفيني غير اخوكي وبس

فريده: خلينا في اللي جاي يا قلبي .. سيب اللي فات ومتشغلش نفسك بيه المهم اننا نكون مع بعض

ادهم: حاسس اني عايز افضل اقول بحبــــــــــــــــــــــــــــــك وبس.. كل كلامي معاكي يبقي بحبك بحبك بحببببك

فريده : هههههههههههههههههههههههه مش هنبطل جنان ابدا.. يا بني اعقل

ادهم: لو حبي ليك جنان فانا اتشرف اني اكون مجنون :D

تبصله فريده بحب وتمسك ايده "لاول مرة كحبيب مش كأخ" ويفضلوا يتمشوا علي البحر وهما بيتكلموا

*****************************************************

تاني يوم تروح ريناد الفيلا عند رامي علشان تشوف ملك... تطلع ريناد وتقول لرامي يخليه هو تحت وتدخل لملك...

ريناد: ملوووووكه

ملك: رينو ازيك يا قمر :)

ريناد: انا بخير الحمد لله.. ايه الجميل ماله بقي

ملك: مممممم.. طالما قولتي كده يبقي رامي حكي ليكي

ريناد: ملك.. انا مش بس خطيبه رامي ولا اخت ادهم وبس.. انا اختك انتي كمان واكيد عايزة اساعدك.. احكيلي ايه اللي حصل ورجعك منهاره كده

ملك: انتي طبعا عرفتي اني بحب ادهم... بس ادهم عمره ما هيحبني.

ريناد: ليه بس بتقولي كده.. الموضوع كله حكايه وقت.. ادهم لسه معرفكيش كفايه... وبعدين انتي بنوته جميله و...

تقاطعها ملك بشئ من الانهيار وتقول...

ملك: مستحيل... افقدي الامل انه يحب حد غير فريده.. اخوكي بيعشقها مش بس بيحبها


ريناد: !!!!!!!!!!!!!!!!!!!!!!!!!! ايه.. انتي... مين اللي فهمك الكلام ده!!!

ملك: ادهم.. بس بطريقه مش مباشرة... هو مقاليش كده علشان ميجرحنيش.. بس انا فهمت لوحدي.. ريناد لو بتحبني اقفلي الموضوع ده

ريناد: طب بس .. انا عايزاكي تهدي ومتفقديش الامل.. فريده عمرها ما هتوافق بحاجه كده

ملك تبص لريناد بحسرة ومتردش... تقوم ريناد وتسيب ملك تهدي... تنزل لرامي وتحكيله كل حاجه

رامي: طب وبعدين .. وتفتكري فريده ممكن تعمل ايه لو عرفت؟

ريناد: ربنا يستر بس اكيد رد فعلها هيبقي مش حلو ابدا.. :/

رامي : اما نشوف هيحصل ايه

*****************************************************************

تعدي الايام اللي بعد كده ويكون ادهم وفريده مبيتفارقوش الا وقت النوم.. مقضيين وقتم كله سوا بين الشغل والخروج والفسح.. عاشوا الشهر ده كان مفيش في الدنيا غيرهم.. وده قربهم من بعض اكتر من الاول ....

في اليوم اللي المفروض يرجعوا فيه..

فريده : هنعمل ايه يا ادهم.. احنا المفروض راجعين وهنبدا نواجهم.. انا معرفش مين محضر ايه بس مؤكد هيكون في مواجهه.. ومتهيألي اول مواجهه هتبقي مع ريناد

ادهم: مش عارف يا فري.. انا خايف ومش عارف اعمل ايه

فريده : متخافش.. مظنش ان هيكون في حاجه... هما اه هيتفاجئوا بس مش هيحاربونا يعني... متقلقش

ادهم: ربنا يخليكي ليا يا قلبي <3

يرجعوا الاتنين ويروح ادهم يوصل فريده ويروح علي الفيلا...

***************************************************************

في بيت فريده .....

ترجع فريده البيت وتسلم علي محمود وقمر وتفضل تحكي معاهم كتيييييييييييييير عن كل الايام اللي فاتت وتسمع منهم اخر اخبارهم ....

قمر: بس قوليلي يا فريده.. شكلك كده متغير ومحلوة ومدندشه كده :D

فريده : مدندشه!! o.O ..... ده اللي هو يعني ايه يا قمر هانم :D

قمر: يعني متغيرة كده وشايفه نفسك وعينيكي بتضحك لوحديها :D

فريده : مدندشه ولوحديها!! قومي نامي يا قمر >_<

قمر: اقطع دراعي من هنا.. لا دراعي ايه بعد الشر عليا ..اقطع دراع جوز امي من هنا.. انتي فيكي حاجه :D

tفريده : قومي يااااااااااااا لمضه من هناااااااااااااااااااااااااااااااااا

تقوم قمر وتخرج من اوضه فريده .. وتنام فريده علي السرير وتحضن دبدوبها وتنام وعلي وشها ابتسامه رايقه.... "يا رب تدوم"

*******************************************************

في فيلا صلاح...

يرجع ادهم ويكونوا كلهم في انتظاره,,, يسلم عليهم كلهم ويتكلموا عن الشغل و اخبار المشروع وبعد كده يقول صلاح...

صلاح: صحيح يا ادهم.. هي ملك رجعت ليه من عندكوا ؟؟

ادهم: عادي بتقول ان عندها شغل اهم هناك

صلاح: ممممممم ومحاولتش تفهم منها ايه السبب الحقيقي

ادهم: ماهو غالبا ده السبب الحقيقي

صلاح: مش مقتنع

ادهم: مش عارف يا بابا والله

صلاح: طب انا كنت عايز اتكلم معاك في موضوع بخصوصها

ادهم يحس بخوف ويتوقع اللي ممكن يسمعه .. فيقول

ادهم: طب معلش يا بابا مش ممكن ناجل الكلام ده لبكره؟؟

صلاح: طيب اطلع انت ارتاح دلوقتي

يطلع ادهم وتلحقه ريناد واول ما يدخل اوضته تدخل وراه و يدور بينهم الحوار ده.....

ريناد: ا نت قولت لملك انك بتحب فريده ليه يا ادهم

ادهم: انا مقولتش حاجه هيا اللي عرفت

ريناد: اه وعبيطه انا بقي وهصدق!!

ادهم: اه لان دي الحقيقه

ريناد: ادهم انت مخبي عني احاجه .. ايه هيا!!

ادهم: مش مخبي حاجه يا ريناد وبطلي استفزاز واخرجي

ريناد: طالما بتعمل كده تبقي مخبي.. انت اخويا وانا عارفاك... مخبي ايه عليا انطق

ادهم: انتي عايزة مني ايه!!!!!!!

ريناد: عايزة افهم ليه ملك متاكده كده انك بتحب فريده.. وليه مش راضيه تقتنع ان لسه في فرصه لان فريده مش هتعرف اصلا.. القصه دي خلصانه من قبل ما تبدا.. صح يا ادهم؟؟

ادهم:...............................

ريناد بخوف: ادهم انت معترفتش لفريده صح؟؟

ادهم::........................ :/

ريناد تبرأ وتمسك ادهم من هدومه وتحدفه علي السرير وتقوله..

ريناد: انطق احسنلك... انت قولت حاجه لفريده!!!!!!!!!!! ... قولتلها ولا لأ يا ادهم... انطق

ادهم: اه قولتلها كل حاجه يا ريناد.. قولتلها اني بحبها ومش هحب غيرها

ريناد بصدمه تعد علي السرير زي ما تكون نزلت عليها صاعقه وتقوله بصوت مقطع...

ريناد: ليه كده يا أدهم... ليه حرام عليك.. انت كده خليتنا نخسر بعض.. فريده هتبعد.. ومش هنرجع عمرنا زي الاول... حرام عليك دي اختي الوحيده... ليه انت اناني اوووي كده... متصور انها هتبص لاخوها الصغير يا غبي!! حرااااااااااااااام عليك

تعيط ريناد جامد وتبدا تضرب في ادهم بإيدها الاتنين وهيا متعصبه  جدااا ويحاول ادهم يهديها ولكنه ميقدرش.. بس فجأة يمسك ايدها جامد ويشد عليها علشان تسكت وفجأة يقول.... فريده كمان بتحبني يا ريناد..

ريناد: :o

*******************************************************************

في أوضه صلاح ورجاء... يكون صلاح اعد قدام رجاء ومش عارف ينام ويدور الحوار ده...

رجاء: يعني هو قالك ايه!!

صلاح: المشكله انه مبيقولش.. هو لمح ان ملك بنته من ساعه ما رجعت وهيا مضايقه ونفسيتها تعبانه ومبتنزلش الشركه... وبيلمح ان ادهم السبب.. انا قولتلك انه لمح كذا مرة ان الاتنين يكونوا لبعض.. وكان لازم ساعتها اكلمه عليها ... بس ابنك مش مديني فرصه.. شراكتي مع الراجل ده كوم.. وشغلي كله كوم.. ده غير مستقبل بنتك مع ابنه.. انتوا متعرفوش سيف   ده زيي.. انا قلقان لان طريقه كلامه معايا اتغيرت.. ده غير ان اي كلام بينا بقي يبعت مستشاره.. انا لازم اخد خطوة

رجاء: طب وادهم ؟؟؟؟ مينفعش ناخد خطوة من وراه

صلاح: سيبي ادهم عليا... انا هاقوم اكلمه

رجاء: الله لازم دلوقتي يعني !!

صلاح: اه خليني ارتاح من القلق ده.. وبعدين لسه بدري

انا قايم اكلمه....

********************************************************

في اوضه فريده ...

تكون فريده راحت في النوم وفجأة موبايلها يرن.. تاخده فريده من غير ما تبصله وتحطه علي ودنها وهيا نعسانه وفجأة تقوم وهيا مصدومة وتقول ايه!!!!!!!!!!!

*****************************************************

يا تري ايه رد فعل ريناد علي كلام ادهم؟؟؟ وايه الكلام اللي هيقوله صلاح لسيف ويا تري هيكون رد سيف ايه؟؟؟ ومين اللي بيكلم فريده وقالها ايه صدمها كده؟؟؟

تابعوني <3

قصة قصيرة" العشاء الأخير"

بعد قصه حب دامت لسنوات أحست بتغيره تجاهها وبعده عنها ...توجهت له بهدوء وطلبت أن يصارحها بما يجري معه ..

فقال: أنتي تعلمي أنني طالما أحببتك ولكن جدت أشياء أنتي لا تعلمينها ..

ربتت علي كتفيه وقالت : لا تقلق سوف أستمع لك مثلما عهدتني وأقدم لك الحلول المناسبه

وفي لحظات قرر فيها "هو" أن يأخذها إلي مكان ما ولكن دون أن تعلم إلي أين هي ذاهبه .....
أتجها معا بسيارته إلي ذلك المكان المجهول وهيا تتسائل عما يجري ولكن دون أن يجيبها ....وفجأه بدأت تلمع الدموع في مقلتيها عندما أقتربا بالسياره من المكان المنشود...

توقفت السياره أمام إحدي المطاعم الهادئه ذو الشكل الراقي والرومانسي...

إنه هو.... مكان لقائهم الأول .... هنا رأها أول مرة ...هنا قال لها أحبك ...

جلسا علي إحدي الطاولات وبدأ هو في الحديث....

قال: لا أعلم كيف حدث هذا... ولكني أحببت غيرك .... أعلم أنني خذلتك ولم أوفي بعهدي معك ولكن.....!!!

قالت وقد بدأت دموعها تخونها : لقد أخبرتك أول مرة ألتقينا بها أنني لن أتتركك إلا في حال أنقطع حبي من قلبك .... وها أنا ذا أنفذ وعدي إليك ...فقط لأنني لا أخلف وعودي

وبكل قوة وتماسك تركته وراء ظهرها وأختفت للابد وكان هذا هو العشاء الأخير!

الزواج المحرم..15

تطلع فريده علي أوضتها ويا دوب تدخل تلاقي الباب بيخبط تفتح تلاقي أدهم في وشها..
فريده :؟؟؟؟؟؟؟؟؟؟؟؟
أدهم: فريده أنا قررت أخاطر وأقول اللي جوايا ويا صابت  يا الدنيا أتطربقت 
فريده : !!!!!!!!!!!!!!!!!!!!!!
أدهم: فريده .... أنا بحبك

تقف فريده متسمرة مكانها وهيا مش مصدقة اللي سمعته من أدهم.. في الوقت ده أدهم يخاف من رد الفعل فيجري من قدام فريده بسرعه ويخرج من الفندق كله.. تقفل فريده الباب وتفضل واقفه مبتتحركش ودموعها بتنزل بغزارة...


فريده لنفسها... معقول.. أدهم كل الفترة دي بيحبني!!... يعني تصرفاته دي غيرة عليا!! يعني طلع بيحبني زي ما بحبه!!.. طب انا اعمل.. اتصرف ازاي انا... ارد عليه ازاي!!.. انا ازاي مفكرتش في الواجهه دي قبل كده!!.. طب لو مشيت ورا قلبي وأستسلمت ايه اللي هيحصل.. معقول اهلنا يوافقوا؟؟... معقول هيسيبوه يتجوز واحده متربيه معاه وزي اخته؟؟.... وملك!!... معقول أكسر قلبها وأبني سعادتي علي حسابها؟؟... بس هو أصلا مبيحبهاش.. يعني بيا او من غيري مش هيحبها... أعمل ايه بس يا رب.. معقول اما اعرف انه بيحبني تبقي دي حالتي!!... بحبك يا أدهم وخايفه أخسرك :(


 تفضل فريده أعده بنفس الحاله دي لحد ما تتعب وتنام....


**********************************************************************

يخرج أدهم من الفندق ويفضل يجري لحد ما يبعد عن مكان الفندق .. يبدأ يتمشي قدام البحر وهو قلبه بيدق وحاسس انه عامل كارثه...

أدهم: يا تري فريده هتعمل معايا ايه؟؟معقول تاخد مني موقف زي ما ريناد قالت؟؟ بس انا المفروض مكنتش قولتلها.. بس انا خلاص مش قادر.. البنت الوحيده اللي بحبها قدامي دايما ومش عارف أصارحها.. انا معملتش حاجه غلط.. اه انا اعترفت بحبي.. والحب مش جريمه.. هيا علمتني كده.. ااااااااااااااه يا فريده .. لو تعرفي بحبك أد ايه...


يا بختها :)


 يلتفت أدهم لمصدر الصوت ويلاقي ملك قدامه.. 


 أدهم باستغراب.. انتي هنا من امتي؟؟


 ملك: أولا انا كنت هنا قبلك .. اما شوفت الورقه انا اتحرجت وجيت اتمشي هنا .. ولاقيتك دلوقتي قدامي .. جيت اكلمك فسمعت كلامك لان صوتك كان عالي..


أدهم بكسوف وزعل: ملك انا بجد مش عارف أقولك ايه.. انا فعلا حاسس بيكي والله.. بس مفيش في ايدي حاجه اعملها.. انتي بنت فيكي كل الصفات اللي تعجب احسن شاب.. بس انا قلبي مش ملكي.. ويا ريته بفايده :(


 ملك: انا متفهمه الوضع.. المواضيع دي مبتجيش عافيه.. الحب لازم يكون من الطرفين.. وعلشان كده انا محترمه صراحتك معايا.. انا اه هتعب شويه .. بس مع الوقت هكون كويسه.. احسن ما ارتبط بحد مبيحبنيش واعيش باقي عمري تعيسه :)


 ربنا معاك يا أدهم أتمنالك حياه سعيده مع الانسانه اللي بتحبها :)


 أدهم بيأس: الانسانه اللي بحبها عمرها ما هتحس بيا.. لاني ببساطه في نظرها أخوها الصغير.. وحتي لو.. اكيد هنقابل الف عقبه توقفنا

 ملك وهيا بتحاول تمسك دموعها  وبصوت خانقاه الدموع.... متفقدش الامل.. أتكلم معاها الاول.. اتناقشوا وحاول متفكرش في السلبيات من دلوقتي... انت بس سيبها تفكر ومتضغطش عليها.. وابقي طمني عليكوا .. ان شاء الله تكونوا لبعض :)

بعد ما تخلص الجمله دي متقدرش ملك تمسك دموعها وتبدأ تعيط تلف بسرعه علشان تمشي يمسكها أدهم من دراعها  ويلفها ناحيته.. يفضل باصص لعيونها ويمد ايده براحه ويمسحها.. 

أدهم بخنقه: ملك أنا بجد أسف.. انا مش عارف اريحك من الوجع ده.. مكنتش اتمني ابدا اننا نتحط في الموقف ده..

ملك بعياط: أدهم أرجوك كفايه الكلام ده بيزود تعبي أصلا.. انا كمان مكنتش احب اتحط في الموقف ده.. بس في النهايه انا اللي غلط.. مفيش فايده منه الكلام.. انا هبقي كويسه اما ابعد.


أدهم: تبعدي!!.....


 ملك: انا هرجع.. هاقولهم اني هبعت حد مكاني لان الشغل هناك محتاجني اكتر


 ادهم: ملك أرجوكي خليكي.. انا.. انا اسف يا ملك

 ملك: متتاسفش.. خلاص صدقني ده وضع مريح.. بعد اذنك بقي..

يسيبها ادهم وتمشي ملك من قدامه .. يبص للسما ويفضل يدعي ربنا انه يريحه من اللي هو حاسس بيه ده.. ويرجع يتمشي تاني يمكن يهدي 

 
*******************************************************************

تاني يوم تصحي فريده وتلبس علشان تنزل الموقع ويبدأوا شغل.. مكنتش لسه محضرة كلام تقوله لادهم وقررت انها تتهرب منه...

نزلت فريده  الريسبشن ملاقتش ادهم ولا ملك... سألت موظفة الاستقبال قالتلها ان أدهم مرجعش الفندق من امبارح .. وان ملك في اوضتها..

خافت فريده لا يكون ادهم حصله حاجه .. اتصلت بيه رد عليها بصوت تعبان...

فريده : أدهم.. انت فين من امبارح!!

ادهم: انا جاي اهو.. انا كويس متقلقيش

فريده : طب يلا انا مستنياك

وتستني فريده في الريسبشن وتلاقي ملك نازله ومعاها شنط... تقوم فريده ناحيتها وهيا مش فاهمه حاجه...

فريده : ملك .. ايه ده في ايه!!

ملك: انا هرجع مصر يا فري.. مش هقدر استني هنا

فريده : ليه بس يا ملك.. اصبري واديه فرصه

ملك تضحك بسخريه وتقول.. أدهم بيحبك يا فريده ومش ناوي يحب غيرك :)

فريده بصدمه: هو قالك!!

ملك: لا هو باين,, بس انا كنت بكدب نفسي.. واللي عاوزة اقولهولك .. ان انتي كمان بتحبيه.. بلاش تعذبيه وتعذبي نفسك علي الفاضي.. 

فريده تسرح في كلام ملك ومتردش..

ملك: صدقني مفيش حاجه مستاهله.. انتوا الاتنين بتحبوا بعض.. بلاش تبنوا بينكوا حواجز من الوهم.. هو بيقول انك عمرك ما هتحبيه.. وانتي هتقولي الناس ومينفعش وكل ده ممكن يكون وهم وبس.. قربوا وخدوا فرصتكوا.. ربنا يوفقكوا :)

فريده تبص لملك بحب وتحضنها جامد.. تسلم عليها ملك وتمشي.. يرجع ادهم بعد شويه ويلاقي فريده اعده مستنياه.. ادهم بارتباك..

أدهم: ممم انا هطلع البس ع طول وارجعلك معلش أخرتك

فريده : طيب مستنياك

يطلع أدهم بعد ما يفهم من رد فريده انها هتعمل نفسها مسمعتش منه حاجه.. يحس انه قرب يفقد الامل.. واللي يزود حالته سوء هو موقف ملك.. ملك اللي حس انه لولا فريده في حياته كان حبها ومسبهاش.. بس في الواقع ان فريده مسيطره علي كل ذرة في كيانه.. :(

ينزل ادهم لفريده ويروحوا الموقع.. تفضل فريده طول اليوم بتراقب ادهم من بعيد وتحس لاول مرة انه هو بيحبها بجنون.. باين في كل نظره وتصرف انه بيحبها.. ومع ذلك تفضل تتعامل معاه برسميه طول يومهم في الشغل.. بعد الشغل يرجعوا الاتنين الفندق وهما طول الطريق ساكتين ... تطلع فريده علي أوضتها من غير كلام.. ويطلع ادهم ينام لانه كان مرهق ونفسه يهرب بالنوم ...

بعد ساعتين تليفون أوضه أدهم يرن ويرد عليه ........

*************************************************************************

ترجع ملك وتوصل الفيلا ومن سكات تطلع علي اوضتها وتفضل اعده فيها.. شويه ويرجع رامي من الشركه والشغالين يبلغوه ان ملك رجعت.. يطلع رامي بسرعه ويلاقي ملك منهاره من العياط .. أول ما تشوفه تجري ناحيته.. يحضنها رامي ويلاقيها ماسكه في هدومه جامد ودافنه وشها في صدره وبتعيط بحرقه.. رامي يفضل يطبطب عليها ويهديها من غير ما يطلب منها توضيح.. ياخدها رامي علي السرير وياخدها في حضنه ويغطيها.. ويفضل حنبها لحد ما تنام..

ينزل رامي من اوضه ملك وهو علي اخره ويحس انه مغلول ومش قادر يتصرف.. من غير وعي يتصل رامي بريناد واول ما ترد..

رامي: اختي بتموت يا ريناد.. كل ده علشان حبت.. انا مش عارف قالها ايه يبهدلها بالشكل ده.. بس هو عمره ما اتعامل معاها بذوق,, ع طول كان بيحرجها.. ليه بس كده ليه !!

ريناد بخوف: اهدي بس يا رامي والله انا مش فاهمه حاجه.. وبعدين انا مليش ذنب.. انا هتصل بيه وافهم في ايه

رامي بغضب: ولا تتصلي ولا زفت.. احنا مش بنرمي نفسنا عليكوا

ريناد بصدمه: تقصد ايه رامي !!

رامي : مقصدش حاجه.. سلام

ويقفل رامي السكه قبل ما يسع بقيت كلام ريناد.. ريناد تفضل واقفه متنحه ومش مستوعبه تصرف رامي.. تفضل اعده مكانها مزهوله ومش عارفه تتصرف ....

************************************************************************

يرن تليفون أوضه أدهم ويرده ويدور الحوار التالي : 

موظفع الاتسقبال: أستاذ أدهم.. في واحد جه وساب لحضرتك ورقه ومشي.. وقال ان حضرتك لازم تاخدها دلوقتي ضروري

أدهم : ماشي عشر دقايق ونازل

يقوم ادهم يلبس بسرعه وينزل ياخد الورقه ويفتحها.. ويلاقي مكتوب فيها.....

"مستنيك علي الشاطئ.. متتأخرش "

يفضل ادهم واقف مبلم للورقه ومش عارف يروح فين.. وبعد كده يقرر يروح يشوف مين ده وايه الطريقه المريبه دي!!

في الوقت ده .. يرن موبايل أدهم ويلاقي المتصل ريناد... يرد أدهم عليها ويدور الحوار ده ...

ريناد: عملت ايه في ملك يا ادهم... البنت راجعه منهاره.. ليه كده 

ادهم: افهمي يا ريناد.. والله ما عملت حاجه... أسأليها .. انا اترجيتها متسافرش.. هيا اللي اصرت

ريناد: متاكد يا ادهم..رامي اتصل بيا ومتنرفز جدا ومش فاهمين ايه اللي حصل؟

ادهم: سيبيها تهدي وخليها تحكي بنفسها.. والله انا معملتش حاجه.. بس كل شئ قسمه ونصيب... هيا فعلا تتحب.. واكدب عليكي لو قولت اني متشديتش ليها.. بس انا قلبي ملك فريده وبس.. ارجوكي قدري موقفي

ريناد تتنهد بحيرة وتقوله.. خلاص يا ادهم.. ربنا يعينها بقي.. انت ايه اخبارك؟؟

ادهم يخاف لا تسأله عن فريده وتسأل قالها حاجه او لا .. ويقولها... ريناد احنا كويسين الحمد لله بس ان مضطر اقفل لاني قابلت حد اعرف.. يلا سلام

يقفل ادهم مع ريناد ويروح يشوف الانسان المريب اللي عاو يقابله ده... ولما يروح يلاقي....

يا تري مين ده اللي بعت الورقه لادهم وعاوز منه ايه؟؟ وايه رد فعل ريناد علي موقف رامي؟؟ وهل رامي هياخد موقف من ريناد بسبب ادهم؟؟ 

تابعوني <3

قصة قصيرة .. "الخائنه البريئه "

بعد مرور شهر علي زواجهم أضطر الزوج الشاب أن يترك زوجته ويسافر في مهمه تابعه لعمله وقد كانت الفتاه حزينه جدا لفراق زوجها الحبيب وبكت طويلا في لحظه وداعه .....

غادر الشاب المنزل متوجها لمحطه القطار لكي يسافر و طوال الطريق لم تفارق مخيلته صوره زوجته وهي تبكي بين يديه وترجوه أن يبقي معها ولكنه مضطر .....صعد الشاب إلي القطار و جلس بجانب شاب أخر تظهر عليه ملامح  الترف و الطيش ولكنه لم يعيره أي أنتباه ...

وبعد فتره من الوقت قد غفي خلالها الزوج المسافر أستيقظ وسمع الفتي بجانبه يتحدث إلي أحد من خلال هاتفه المحمول ويبدو أنه يتحدث إلي فتاه ويقول...

الفتي: ها يا حبيبتي المغفل سافر ولا لسه عندك؟؟

ويبدو ان الفتاه قد أجابته بأن زوجها قد سافر...

فأستأنف قائلا: تمام أوي سافر النهارده... طيب أن هنزل المحطه الجايه وراجعلك يا عمري ....سلام يا جميل

وبعد أن أغلق الهاتف رأي الرجل بجانبه "الشاب المتزوج" يحدق فيه بصدمه فقال له ...

الفتي: عفوا....هل أزعجتك؟؟

الشاب: ممممم لا لا لم تزعجني ولكن قل لي يا صديقي من تلك الفتاه التي حدثتك....؟؟

فرد الفتي بشئ من الضيق: وما شأنك أنت؟؟

الشاب : لم أقصد أن أزعجك ولكن أردت أن تعرفيني علي واحده مثلها ألهو معها قليلا

ضحك الفتي وقال: إنها إحدي الفاشلات التي أعرفهن متزوجه من فتره قريبه ولكن زوجها كثير السفر وقد سافر الان وهاتفتني  لكي أذهب إليها لحين رجوعه

صدم الشاب وشئ بداخله يخبره بأن تلك الفتاه هي زوجته!

وفي المحطه التاليه أنتظر الشاب نزول الفتي من القطار ونزل خلفه مسرعا وعندها........

أنتظر الشاب حتي نزل الفتي من القطار وركض خلفه مسرعا لكي يلحق به ولكن عندما نزل من القطار لم يجد له أثرا

غضب الشاب بشده وجن جنونه وملأ الشك كيانه وهو لا يعرف ماذا يفعل او كيف يتصرف وهنا خطرت بباله فكره !!....

دخل الشاب أحد الأكشاك وطلب هاتفا وطلب رقم زوجته وأخذ الهاتف يرن مرارا وتكرارا ولم يجيبه أحد وأخذ يكرر ذلك ولكن دون جدوي فتأكد من أنها ليست بالمنزل..

بدأ الزوج يفقد صوابه أكثر فأكثر ولكنه يريد التأكد أولا .... طلب منزل أهل زوجته لسؤالهم عنها فأكدوا أنها لم تأتي إليهم و كمحاوله أخيره طلب زوجته علي هاتفها الخلوي ولكنها ايضا لم تجبه....

هام الزوج علي وجهه وهو غير مستوعب لما يدور حوله وماذا فجأه توقف ونظر حوله وأخذ يجري مقتربا من إحدي سيارات الاجره واستقلها إلي منزله

ظل الشاب يحدث نفسه قائلا: قد يكون مكان لقاؤهم هو بيتي... لقد قال انه ذاهب إليها... كيف يحدث لي هذا ....كيف!

وصلت السياره أمام بيته ونزل هو كالمجنون متجه نحو البيت وصعد السلم سريعا حتي وصل أمام منزله وهو يلهث

فتح باب المنزل ببطء ودخل في هدوء حتي لا يلفت الانتباه... ولكن ما هذا هناك هدوء مخيف يخيم بالمنزل... لا اصوات ..لا ضحكات... ولكنه توقع ان تكون ذهبت هيا اليه .... أقترب أكثر من غرفه نومه ووضع يديه علي مقبض الباب وازدادت ضربات قلبه معلنه خوفها مما سيراه...

فتح الباب...... دخل الغرفه .... و يالا بشاعه ما رأي....

لقد رأي عدم ثقته في زوجته ...رأي عدم إيمانه برقي أخلاقها... رأي شكه بحبها وإخلاصها له... رأي نفسه صغيراااا أمام إخلاص هذه الفتاه له .... فقد رأي هذا الشاب زوجته نائمه وهيا تحتضن صورته وترتدي ملابس نومه التي ارتداها قبل سفره بيوم... رأها نائمه كالملاك وشبح دمعه تهرب من عيناها المغلقه....

أقترب منها وقلبه يدق أسفا وندما وقبل جبينها .... فتحت عينيها ورأته أمامها اندفعت إليه لتحضنه بشوق ولهفه واخذت تبكي بين يديه  وتقول أنها دعت الله لكي لا يغيب عنها طويلا

نظر لها الشاب بشئ من الخجل والندم وقال... لماذا ترتدي تلك الثياب.

أجابته بهي تمسح دموعها وشبح إبتسامة تزيين وجهها : لكي أشعر بك حولي ... أريد ان اشعرك وكأنك بجانبي ولم تتركني

نظر إليها بألم فقد كانت كلماتها النقيه وإحساسها البرئ كافيان لتعذيبه علي سوء ظنه بها......

قصة قصيرة .. "عيد ميلاده"

"عيد ميلاده"

هي وهو متجوزين من شهر ... النهارده عيد ميلاده وهو مش فاكر خالص

"هو" قام من نومه وبص علي مراته بحب وباس راسها ونزل شغله ومرديش يصحيها لانه حس انها منامتش كويس ويقول لنفسه"عارفك اما بتبئي متوترة كده بتكوني بتخططي لحاجه ياتري بتفكري في إيه؟؟ أستر يا رب "

قامت "هي" من النوم ولبست ونزلت وبعد شويه رجعت جايبه حاجات كتييييييييييييييييير...... أرتاحت شويه وبعدها قالت لنفسها...

هي: لما أقوم أبدأ بئي ودخلت المطبخ وفضلت تخرج من الشنط اللي معاها دقيق وبيض ولبن ومكونات التورتة...

هي بانشكاح: هيييييييح كده تمام مفاضلش غير إني أعملها بئي ..... ايييييييييييييه ده الهبل ده أنا معرفش الطريقه أساسا

وتخرج من مطبخها بسرعه وتجيب وصفه من النت وتبدأ تشتغل

وبعد ساعه تكون واقفه مكانها والصنيه قدامها محروقه

هي بعصبيه : إيييييييييييييييييه اللي هببته ده ينفع كده

وتبص في ساعتها تلاقي لسه في وقت قبل ما "هو " يرجع البيت

وبدأت توضب البيت وتزينه وبعدها دخلت تكمل معركتها مع الكيكه من جديد

هي: لن أستسلم نوهائي وهعملها علشان يتفاجئ ويفرح ..... وبعد مرور مده ويكون "هو" رجع يدخل البيت يلاقي الزينه والبلالين بس ميسمعش صوتها .... يدخل الاوضه ميلقيهاش وبعدها يسمع صوت همهمه في المطبخ ويدخل يلاقي منظر عجيييييييييييييب

"هي" أعده في الارض والمطبخ مقلوب ومكركب وهدومها وشعرها مليانين دقيق بس اللي ضايقه مكانش ده.... هو أضايق لانه لاقاها بتعيط جامد وده صعب أوي عليه

هو: ماااااااااااااااااالك يا نونتي بس ايه اللي عامل فيكي كده وبتعيطي ليه ؟؟

هي بعياط : معرفتش أعملك تورته وبوظت المفاجأه

هو يحضنها جامد ويقولها : أولا أنا فعلا أتفاجئت والله شكل البيت بره يجنن البلالين والزينه حلوييييين أوي وانا مكنتش فاكر فعلا وبعدين كفايا عليا إنك حاولتي تعملي ده كله علشاني يا قلبي

هيا بابتسامه: يعني مبزوط مني

هو: مبزوط هي بعد مبزوط دي أكيد هبئي مزقطط

هي : كل سنه وأنت معايا 

هو: بحبـــــــــــــــــك

قصة قصيرة "مجانين"

في ريسبشن بيتهم الصغنن أعدين "هو وهي" يتفرجوا علي فيلم رومانسي ومندمجين أووووي وفجأه تيجي لقطه في الفيلم لاتنين
بيرقصوا سلو!.......... فجأة تمسك هيا الريموت وتكتم الصوت وتبدأ تقول ...

هي: حبي ..

هو: أيوة يا روحي مالك؟؟

هي: انا عايزة نعمل زيهم كده

هو واتعدل في أعدته : مووش فاهم يا حبي

هي: عايزة نرقص سلو كده في جو هادي ومكان شاعري

هو: نعمممممممممممممممممممممم يا أختي

هي: في إيه بس يا حبيبي مالك !!!!

هو: لا ابدا أصل في واحده هنا عايزة تتعض

هي: ليه بئي إن شاء الله ...كل ده علشان عايزة نعيش جو رومانسي مرايه من نفسنا

هو: ليه انتي مش عايشه في رومانسيه معايا يعني

هي: يا قلبي مقصدش انت رومانسي وكل حاجه بس انا نفسي أرقص سلو معاك في مكان هادي كده .... وبعدين مش كفايه يوم فرحنا مردتيش تخلينا نرقص وقولتلي عيب

هو: .......................

هي: يا قلبي علشان خاطري وافق انا زهقانه ونفسي اعمل حاجه جديده ومجنونة

هو: لأ يعني لأ ,,,, وبعدين ده مبدأ انا مردتش أخليكي ترقصي في فرحنا هخليكي ترقصي دلوقتي كده من غير سبب
هي: وايه المشكله منا هرقص معاك انت

هو: اه والناس يتفرجوا علينا ويشوفوا مراتي الامورة وهيا بترقص بدلع ويقعدوا مركزين معاكي صح كده؟؟؟؟؟؟؟؟

هي: ..............

هو: بصي بئي من الاخر ....لو زهقانه ننزل نتفسح نتعشي بره نتمشي شويه اوديكي ملاهي لكن رقص وكلام فارغ لأ

هي: بئي كده يعني؟؟

هو: أيووووووووووووووووووه هو كده بئي

هي: طيب ماشي اللي تشوفه

هو: هتتقمصي بئي صح؟؟

هي:............................

هو: أنتي يا بت

هي:............................

هو: مبتهددش برده انتي حرة....بس هتضيعي عليكي الشيكولا اللي كنت جيبهالك

هي:..........................

هو: بئي كده يعني

هي:.........................

وزعل منها علشان عندها ده وقام دخل الاوضه غاب شويه وخرج لابس ...هيا كانت متابعاه بطرف عيونها وشافته رايح ناحيه الباب وبدأ قلبها يدق جامد وهي بتدعي مينزلش لكن للاسف كان هو فتح الباب وخرج


قامت من مكانها بسرعها وهيا مش مصدقه عيونها وفضلت تعيط كتير لان دي أول مرة يزعل منها ويسيب البيت

هي: انا حمارة مكانش لازم اتقمص علي حاجه هايفه زي كده .... وبعدين هو بيغير عليا مكانش لازم ازعله كده ........... وفضلت اعده مكانها تعيط لحد ما راحت في النوم

رجع هو البيت ولقي بنوتًه نايمه وهيا زعلانه .... اعد جنبها وفضل باصصلها شويه وبعدها باسها علي جبينها وندهلها براحه
فتحت عيونها و لاقته قدامها مبتسم فضلت بصاله ومبتتكلمش

قالها....قومي ألبسي حاجه شيك من بتوعك واجهزي بسرعه من غير كلام

هي: ليه؟؟؟

هو: من غير أسئله يلاااااااااااااااااااااا

هي: حاضر

وبعد شويه خرجت وهيا لابسه فستان شيك اووووووووي وأخدها ونزلوا ركبوا عربيتهم ومشيوا

بعد شويه وصلوا مكان هادي جداااااااااااا وشكله راقي أووووووووووي

نزلت معاه وهيا مش فاهمه ايه اللي غير رأيه

وأول ما دخلت لاقت موسيقي سلو روووووعه وهو بيقولها "تسمحيلي بالرقصه دي "

قامت معاه وبدأوا يرقصوا ومحدش غيرهم في المكان

هي: انا مش مصدقه.... أنت حجزت المكان كله لينا لوحدنا؟؟؟

هو: أيوووووون ....مقدرتش أشوفك زعلانه وفي نفس الوقت مقدرش أخلي حد غيري يشوفك

هي: بحببببببببببببك أوووي بئي

هو: وانا بموت فيكي 

الزواج المحرم.. 14

الحلقة الرابعة عشر....

وفي نفس اللحظه تستجمع شجاعتها وتقول... أدهم

أدهم: ها؟؟

ريناد : أنت بتحب فريده..

أدهم يتفاجئ يكلام ريناد بس يحاول يعكس عليها الكلام ويقول.. انتي هبله!! .. ما انا طبعا بحبها .. مش اختي!!

ريناد تبصله أوي وبكل إصرار تقول: لأ يا أدهم.. أنت بتحب فريده .. بتحبها وعايز ترتبط بيها..

أدهم يفضل باصص لريناد ومش عارف ينطق ويحس ان الدنيا اتهدت فوق راسه...

ريناد تحس بخوف أدهم وتقرب منه وتحضنه أوي وتقول... يا أدهم أنا أختك.. متخافش مني كده.. صارحني بس علشان أقدر أساعدك .. كلامي صح مش كده؟!

أدهم: ممم .. أ.. أنا يعني..مممم... يا ريناد افهمي بس..

ريناد: لا افهم انت ان مفيش مجال للكدب .. مش هصدق حاجه.. لان الكلام باين في عينيك.. باين في تصرفاتك .. غيرتك عليها.. تعلقك العجيب بيها..  وغيرهم ألف تصرف يبين انك بتحبها

أدهم يعد علي السرير ويحط ايده علي راسه وبنبره أقرب للعياط يقول...

أدهم: أيوة بحبها.. ومش بس بحبها ده انا حياتي مبتمشيش خطوة الا بيها.. مبقدرش ابعد عنها ومبقدرش ابطل تفكير بيها.. ريناد ..فريده دي زي الاكسجين بالنسبالي.. بس انا ابقي ايه بالنسبالها!... نونتها.. اخوها الصغير اللي هيا مربياه.. فريده بتبصلي علي اني طفل يا ريناد.. لسه بتعاملني كده ومش هتغير نظرتها ليا .. انا حبي ليها محكوم عليه بالاعدام وهو لسه مظهرش للنور أصلا !..
وهنا تقاطعه ريناد بسرعه وبعيون مدمعه تقول..

ريناد: ومش هيظهر واصلا مينفعش يظهر.. أدهم والله العظيم انا حاسه بيك أوي.. فاهمه ان أصعب حاجه في الدنيا إنك تحب حد وميبقاش حاسس بيك.. والاصعب اما يكون الحد ده اكتر واحد بيفهمك وقريب منك في الدنيا.. بس  كمان فكر كده لو فريده شمت خبر عن اللي في دماغك ده هتعمل ايه!! أكيد هتاخد جنب منك وتبعد.. وساعتها مش بس هتبقي خسرتها كحبيبه.. أنت هتبقي خسرت فريده اللي روحك فيها ومش هيكون لها وجود في حياتك تاني.. أدهم حاول تفكر في كلامي كويس وخد قرار.. بعد اذنك

تخرج ريناد وتسيب أدهم في حاله صعبه :(

************************************************************************

تاني يوم يتجمعوا كلهم في المطار ويسافروا شرم وينزلوا في فندق قريب من مكان الموقع.. في الوقت ده يكون الكلام بين أدهم وفريده متعداش أزيك..صباح الخير وبس.. وتفهم ملك تصرف فريده علي انه مساعده ليها انها تقرب من أدهم.. لكن أدهم يفهم الموقف أن فريده زعلانه منه.. وفي الحقيقه.. تكون فريده بتحاول تبعد عن أدهم علشان يخرج من قلبها !

يطلع كل واحد فيهم علي اوضته في الفندق وبعد شويه ينزل أدهم.... وبعد ثواني معدوده تكون ملك وراه ويدور الحوار ده..

ملك: تسمحلي أعد معاك :)

أدهم: اتفضلي -_-

ملك: انا عارفه انك لسه زعلان مني.. بس انا بجد مقصدتش اللي انت فهمته..  فريده دي زي اختي والله بحبها جدا.. حتي أسألها ده احنا بقينا اصحاب.. متزعلش مني يا أدهم أرجوك.. :(

أدهم : انا مش زعلان خلاص حصل خير

ملك: ممم طب انت منمتش ليه بقي؟؟

أدهم: عادي مجاليش نوم .. مش متعود انام بالنهار

ملك: اها وانا كمان

أدهم:.......................

شويه وتنزل فريده من اوضتها وتكون هيا كمان مقدرتش تنام ونازله تتمشي.. أول ما تنزل يلمحها أدهم ويقوم ناحيتها بسرعه..

أدهم: فريده

فريده: أيوة؟

أدهم: منمتيش ليه :/

فريده : عادي قولت انزل اتمشي شويه لحد ما يجيلي نوم

أدهم: ممم انا كمان كده

فريده:...............

أدهم: ماهو مش هينفع اللي حاصل بينا ده.. لازم نتكلم

فريده : هو ايه اللي حاصل بينا !.. أنسي مفيش حاجه وانا تمام ونسيت الحوار اصلا

أدهم يحس ان فريده بدأت تاخد منه موقف لاول مرة في حياتها..

أدهم: فريده :( بتكلمني كده ليه !!

فريده: بكلمك ازاي يا ادهم.. قولت خلاص مفيش حاجه.. بعد اذنك بقي

وتسيبه فريده وتروح تسلم علي ملك وتخرج من الفندق.. ادهم يروح ناحيه ملك ويقولها انه طالع ينام.. وتطلع ملك هيا كمان بعد ما فقدت الامل انهم يتكلموا

..............................................................................................................

في الشركه يكون رامي اعد في مكتبه بيشتغل وفجأة تخبط ريناد وتدخله ...

رامي: ايه يا حبي مال وشك مصفر ليه كده ! :o

ريناد: رامي في موضوع مهم لازم نتكلم فيه.. ومش هينفع هنا.. انا منمتش من امبارح ومحتاجه اتكلم معاك

رامي : ممممممممم شكل الموضوع كبير.. طب نخرج بعد الشغل

ريناد: تمام

**************************************************************

في الفندق...

يصحي أدهم من النوم ويحس انه مصدع ويقرر ينزل .. أول ما ينزل يلاقي ملك أعده علي ترابيزة لوحدها بعيد ووشكلها متضايق جدا.. يحس ادهم انه كان قليل الذوق معاها وانه من الواجب يروح يشوف مالها بما انها لوحدها

يقرب أدهم من ملك ويلاقيها اعده بتكتب ومش واخده بالها منه... غصب عنه عيونه تروح للي هيا بتكتبه ويتصدم...

أدهم.. انا فعلا حبيتك.. للاسف انا متاكده انك مبتحبنيش.. وحاولت اقرب منك بس مفيش مجال.. قلبك ملك واحده وللاسف مفيش مجال للمنافسه.. انا دخلت موضوع خسران وانا اللي سمحت لنفسي اني اواجه العذاب ده كله لما حبيتك كده من غير سبب.. يا ريتني أعرف انا ليه متعلقه بيك كده مع انك لحد النهارده عمرك ما كلمتني يوم بطريقه تحسسني بوجودي .. انا اللي جبته لنفسي :) وانا اللي هتحمل لوحدي .. لا عرفتك اني بحبك ولا هعرفك اني بتعذب..

يفضل أدهم واقف متسمر مكانه ويحس انه عايز ياخد ملك في حضنه ويتأسفلها !... وفجأة ترفع ملك عينها وتشوفه واقف باصصلها وعيونه مدمعه.. تسيب ملك مكانها وتخرج بسرعه من الفندق..وأدهم يعد مكانها ويمسك الورق ويفضل يقراه أكتر من مرة....

أدهم لنفسه.. انا ايه اللي بيحصلي ده.. هيا ليه صعبت عليا كده !.. انا مش حاسس ناحيتها بحاجه.. بس حاسس بعذابها أوي.. انا زيي زيها.. انا كمان بحب واحده مش هتحس في يوم بيا,, ولا عمرها هتكون من نصيبي.. بس انا مبحبش ملك.. أعمل ايه!.. هظلمها لو ارتبطت بيها لمجرد اني متعاطف معاها وحاسس بوجعها.. ااااااااااااه يا تري اللي جاي شكله ايه يا أدهم :(

**********************************************************************

بعد الشغل ياخد رامي ريناد ويطلعوا يقعدوا في مكان وتبدأ ريناد تتكلم....

ريناد: انا كلمت أدهم يا رامي

رامي بقلق: مممم وقال ايه؟

ريناد: زي ما كنت متوقعه

رامي بحزن: مم اللي هو ايه يا ريناد :(

ريناد: بيحب فعلا ومش أي حب ده واقع علي الاخر

رامي : :(

ريناد: المشكله مش في كده يا رامي

رامي : ازاي يعني .. المشكله في كده.. اختي هتتعب يا ريناد.. ملك هتتعذب وانا خايف عليها

ريناد: مش ملك لوحدها اللي هتتعذب يا رامي

رامي : تقصدي ايه؟؟ :/

ريناد: أنت عارف ادهم بيحب مين !!

رامي : لا  معرفش.. مين يعني !

ريناد: فريده :)

رامي : :o :o

ريناد : :/

رامي : فريده !! فريده اللي هيا .. فريده يعني !!

ريناد : ايوة فريده  -_-

رامي : يا نهار اسود!! دي أكبر منه بست سنين.. ده غير انها متربيه معاكوا وزي اخته !!

ريناد: المشكله انها بتعامله علي انه اخوها الصغير ومش حاسه بيه.. يعني أدهم في نفس حاله ريناد

رامي : ده ايه الدوامه دي بس يا ربي :(

ريناد: الكلام ده سر بينا لحد ما نشوف الموضوع هيرسي علي ايه

رامي : حاضر :/

**********************************************************************

يفضل أدهم مكانه  ويحس انه تعب من كتر التفكير.. بس اللي متاكد منه انه مش هيقدر يحب حد غير فريده.. وفجأة يلاقي فريده داخله الفندق وأول ما يشوفها يجري عليها وهو شبه بيعيط ويقول..

أدهم: فريده :(

فريده تبصله وتضايق من شكله وتقول.. مالك يا أدهم عينيك مالها مدمعه ليه كده

أدهم : انا بجد محتاج اتكلم معاكي

فريده : ممممممم طيب اتفضل

يقعدوا الاتنين علي ترابيزة ويبدأ أدهم يقول..

فريده انا بجد اسف,, انا معرفش انا كلمتك كده ازاي.. انا عارف اني كنت سخيف وعديم الذوق.. بس انا كنت مضايق اما حسيتك مخبيه عني.. انا .. انا.. انا بس متعود انك بتحكيلي كل حاجه.. بس انا عرفت انك لا يمكن تتصرفي غلط.. سامحيني :(

فريده : حصل خير انا مش زعلانه :)

أدهم: طب انا عايز أقولك علي حاجه :(

فريده : قول في ايه..؟

أدهم .. أقري الورقه دي..

فريده تاخد الورقه وتقرأها ومفيش اي انفعال يبان علي وشها ..

أدهم: ايه ده.. انتي مستغربتيش اللي قريتيه!!

فريده : بص يا أدهم.. ملك بتحبك وباين عليها .. وانا كنت حاسه بكده.. هيا بجد بنت رقيقه وحساسه وبتحبك أوي.. ده غير انها جميله ومن عيله ومناسبه ليك.. فكر كويس قبل ما تاخد قرار :)

أدهم وهو مخنوق.. بس انا مبحبهاش

فريده تضغط علي أعصابها وتقول : مع الوقت هتحبها... من حبها ليك هتحبها .. انت بس أديها فرصه تقرب منك

أدهم بحزن.. يعني انتي شايفه كده :(

فريده وهيا بتقاوم انهيارها: ممم اه :)

أدهم يبص لعيون فريده ويقول: والدموع اللي في عيونك دي ليه !!

فريده : دموع ايه دي -_-

ادهم .................... :(

فريده : أدوا نفسكوا فرصه وربنا يتمملكوا بخير :) .. ودلوقتي انا هطلع علي أوضتي بقي...

تطلع فريده علي أوضتها ويا دوب تدخل تلاقي الباب بيخبط تفتح تلاقي أدهم في وشها..

فريده :؟؟؟؟؟؟؟؟؟؟؟؟

أدهم: فريده أنا قررت أخاطر وأقول اللي جوايا ويا صابت  يا الدنيا أتطربقت 

فريده : !!!!!!!!!!!!!!!!!!!!!!

أدهم: فريده .... أنا بحبك

فريده : ........................... :o


يا تري فريده هترد علي أدهم أزاي... وهل هتسمح لنفسها تقرب علي حساب ملك؟؟ وايه هيكون رد فعل ملك علي أدهم بعد ما شاف الورقه.؟؟

تابعوني <3 

الزواج المحرم... 13

في اوضه ملك...

تفضل ملك اعده محتارة تصالح ادهم ازاي وازاي تقرب منه .. وفجأه يجيلها فكرة

ملك: ازاي كانت غايبه عن بالي دي ! :D


وتمسك ملك تليفونها وتحاول تتصل بفريده لكنها تلاقي تليفونها مغلق!!... تحاول كتير بدون فايده لحد ما تحس ان فكرتها فشلت.. وفي ثواني تفاتكر ان ريناد تحت وتقوم جري عليها علشان تاخد منها نمرة بيت فريده...


.......................................................................................................................

يكون في الوقت ده رامي وريناد بيتكلموا تحت...

رامي : ملك بتحب أدهم ... :/

ريناد : نعــــــــــــــــــــــم !!! :o

وفي الوقت ده تدخل ملك عليهم وتتخض ريناد لكنها تحاول تتوه الموضوع..

ملك: اسفه لو كنت قطعت كلامكم..:)

ريناد: لا يا لوكه طبعا..:)

ملك: طيب معلش يا ريناد ممكن تدييني ر قم بيت فريده... بطلبها ع الموب وتليفونها مغلق :/

ريناد باستغراب : مممم في حاجه مهمه؟؟

ملك: اه عادي انا كنت عايزة اكللمها في حاجه بخصوص الشغل

ريناد: اها :)

وتاخد ملك الرقم وتطلع علي اوضتها وتكمل ريناد كلامها مع رامي...

ريناد :....................

رامي: في ايه يا ريناد مالك متنحه ليه كده!!!

ريناد: أنا قلقانه جدا من اللي انت قولته

رامي:  هو انا كمان قلقان.. قلقان لا يكون أدهم في حياته حد.. وساعتها ملك هتتجرح أوي :( انا خايف عليها

ريناد: الموضوع أكبر من كده بكتير يا رامي

رامي : مش فاهم!!

ريناد: بص أنت دلوقتي تحاول تخلي ملك متتصرفش من دماغها لحد مانا أشوف أدهم أخباره ايه

رامي : لا طبعا متكليمهوش

ريناد: أكلمه ايه لا طبعا.. انا بس هشوف اللي اناا حاسه بيه صح ولا لأ

رامي : اللي هو؟؟

ريناد: اما اتأكد يا رامي :)

..........................................................................................................

تطلع ملك وتتصل بفريده في البيت....

قمر: فريده .. فريده تليفون علشانك

فريده تكون اعده في اوضتها و بتعيط ومش عايزة تكلم حد ..

فريده: مين يا قمر -_-

قمر: واحده بتقول أسمها ملك ...وتوطي صوتها وتقول .. صوتها مدي علي عرسه كده :D

تضحك فريده غصب عنها من كلام قمر وتروح تكلم ملك وهيا مستغربه

فريده : ألو

ملك: ألو.. أزيك يا فري

فريده : انا تمام الحمد لله

ملك: انا اسفه اني متصله دلوقتي فجأ كده.. بس انا كنت عايزة أشوفك ضروري

فريده : ممم احنا مسافرين بكره !!

ملك ,,, لا انا عايزة اشوفك قبل ما نسافر :/

فريده : ممم طب خلاص مفيش مشكله.. حاضر :)

وتتفق فريده علي المكان اللي هتقابل فيه ملك وتروح تقابلها ....

..........................................................................................................

يروح أدهم الفيلا ويكون علي أخره ومضايق جدا مع الحاله اللي وصلها مع فريده... يدخل الفيلا ويطلع علي اوضته

بعد شويه تقوم رجاء تطلعله ويدور بينهم الحوار التالي...

رجاء: مالك يا أدهم.. بقالك يومين مضايق ليه كده

أدهم: مفيش يا ماما

رجاء: يا سلام.. شكلك باين عليه

أدهم : مفيش يا ماما حاااااجه

رجاء: طيب يا ادهم ماشي.. انت مسافر بكره خلاص؟؟

ادهم : اه ان شاء الله

رجاء بابتسامه : ابقي خلي بالك علي نفسك وعلي اللي معاك

ادهم : فريده في عنيا متخافيش

رجاء: طبعا فريده في عينيك ده لا مفر منه .. بس انا اقصد ملك.. دي بنت رقيقه وهتكون لوحدها معاكوا وهيا لسه متعرفكوش كويس.. حاول تخليك معاها علشان متزعلش

ادهم: o.O  انتي محسساني اني مسافر مع طفله !! ... عموما يا ماما انا هخلي بالي من الكل .. حاجه تاني؟

رجاء تبصله بزعل وتسيبه وتخرج

يعد ادهم مكانه وهو علي وشك الانفجار
....................................................................................................

ترجع ريناد الفيلا وتلاقي مامتها اعده سرحانه...

ريناد: ماااااامي.. مالك يا حبيبتي اعده ليه كده ؟

رجاء:  مفيش.. اخوكي بقاله يومين مش مضبوط.. اطلعي شوفي ماله

ريناد: ما انتي عارفه ادهم.. مش هيقولي حاجه

رجاء: الولد ده هيجنني...معرفش ماله

ريناد.. أستني اطلع احاول معاه

وتطلع ريناد أوضه ادهم علشان تكلمه

ريناد: يا ديمو يا ديمو :D

ادهم: ايه يا ريناد -_-

ريناد: يا ساتر يا رب :/ ... مالك يا بني

أدهم: يوووووووووووووووه ما قولت مفيش حاجه

ريناد:مممممم ما هو واضح... يا بني انا اختك قولي مالك

ادهم: قولت مفيش بقي

ريناد:المشكله ان اللي بتعرف تخليك تقر محدش عارف يوصلها

ادهم: قافله تليفونها :(

ريناد:ممممممممم .. اه منا عارفه.. وتبصله ريناد بصه خبيثه وتقول.. ده حتي ملك بتطلبها مبتردش.. فاخدت رقم بيتها.. شكل في حاجه مهمه

أدهم بغضب: هيا البنت دي عايزة ايييييييييييييه ... انا مش فاهمها >_<

ريناد باستغراب: ايه ده مالك في ايه؟؟؟ هيا ملك عملتلك ايه !!

ادهم: اوووووووووووف

ريناد: أدهم انا مبهزرش.. قولي ايه اللي حصل علشان اقدر افهم والدنيا متتلخبطش.. متنساش ان ملك اخت رامي.. قولي في ايه

ادهم يتنهد ويقرر يحكي لريناد يمكن تلاقيله حل...

ويحكي ادهم كل حاجه حصلت يوم الاجتماع من اول اعتراض ملك علي التصميمات لحد موقفها في المطعم .. بس ميجبش سيره عن كلامه مع فريده عن علي..

ريناد: مممممممممممم تمام.. علشان خاطري يا ادهم حاول تتعامل مع ملك بذوق علشان خاطر رامي وانا مش طالبه منك اكتر من كده.. ولو هو ده اللي مزعل فريده انا هتأسفلها.. بس بلاش تعامل ملك بعدائيه أرجوك.. ويمكن هيا كانت عايزة رقمها علشات تتأسفلها.. ملك طيبه و وذوق والله.

أدهم: بس انا كمان مزعل فريده مش ملك بس :(

ريناد: نعــــــــــــم !! .. انت ؟؟؟ ليه :/

أدهم يسكت تماما ويحس انه اتدبس

ريناد: ايه يا بني انطق

ادهم: مفيش كنت متنرفز من حاجه في الشغل وبالصدفه كنت بكلمها فاتنرفزت عليها وكنت سخيف اوي.. وهيا اتضايقت

ريناد: لا لا متقلقش,, فريده مبتزعلش منك

أدهم  في سره: يا ريت كان كده المرة دي زعلت بجد.. فريده مصدومة فيا !! :(

ريناد: خلاص بقي فرفش :D

ادهم:  :)

ريناد تستجمع شجاعتها وتقول...

ريناد: ديمو ايه رأيك في علي فريد اللي بيشتغل عندنا في الشركه

أدهم جسمه يسخن فجأة ويحس انه عايز يكسر اي حاجه ويقول

ادهم: ....مممم رأيي فيه ليه وازاي يعني

ريناد تبص لعيون أدهم جامد كأنها بتقرا فيهم حاجه وتقول.. يعني بصراحه انا حاسه انه معجب بفري.. وهيا كالعاده مطنشه.. بس انا شايفاه كويس اوووي وبيحبها .. فبفكر اقنعها يعني

أدهم بغيظ مكتوم: وتقنعيها ليه !! ماهو قدامها لو بتحبه ايه اللي هيمنعها.. وبعدين انتي عرفتي منين انها مطنشاه :/

ريناد : عادي واضحه... هيا قالتلي انه اتقدم وهيا رفضت

أدهم يحس الدنيات بتلف بيه ويكتشف انه ظلم فريده جداااااااااااا وفي نفس الوقت اتطمن ...

ريناد تلاحظ انفعال ادهم وتحس انها داخله متاهه ملهاش أخر....

وفي نفس اللحظه تستجمع شجاعتها وتقول... أدهم

أدهم: ها؟؟

ريناد : أنت بتحب فريده

أدهم :............................. :o

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

 في مكان هادي .. تكون فريده اعده مع ملك وملك تبدأ تكلمها وتقول...

ملك: بصي يا فري.. انا عارفه انك مستغربه تصرفاتي.. بس انا حبيتك جدا وحسيتك جدعه وهتفهميني وتحسي بيا.. انا للاسف مليش اخوات بنات.. علشان كده مش عارفه اخد راي حد في الموضوع ده.. ومن كلام ريناد وادهم عنك حسيت انك هتقدري تسمعيني وتساعديني

تتفاجئ فريده بكلام ملك وتقول... اتفضلي طبعا انا اكيد هسمعك واساعدك لو اقدر

ملك: انا ... انا بحب واحد.. مواصفاته ومركزه مناسب جدا.. المشكله مش في كده.. المشكله ان انا اللي بحبه.. هو مش حاسس.. انا مقدرش اروح اقوله بحبك.. ولما حاولت اروح اقرب منه .. بهدلت الدنيا واتخانقنا..مش عارفه اتصرف وتعبت.. بحبه جدا :(

فريده تتماسك اعصابها وبكل برود تقول: أدهم.. مش كده :)

ملك: أيوة :(

فريده: كنت حاسه.. طب بجد أشمعني انا اللي كلمتيني.. ليه مش ريناد مع انها اقربلك؟؟

ملك: لان أدهم معتبرك أخته أكتر من ريناد... بيحبك جدا وبيقول انك بتفهميه اكتر من ريناد

فريده تتوجع من الكلام مع انه كلام جميل !!.. تكمل فريده وتقول

فريده: طب انا اساعدك ازاي؟

ملك: ممم انا عايزاكي تقربي بينا :/ ... يعني تشوفي هو مايل ناحيه حد ولا لأ .. شايفني ازاي كده يعني :/

فريده : ممممممممم.. خلاص يا ملك .. متشليش هم ربنا يقدم اللي فيه الخير :)

ملك بفرحه: بجد يا فري.. موافقه تساعديني.؟ :D

فريده : اه طبعا.. انتوا اخواتي وانا بتمني تحققوا كل اللي بتتمنوه ..  وطالما في ايدي اساعدك يبقي تمام.. ليه لا :)

ملك: ربنا يخليكي ليا يا اجدع اخت في الدنيا <3

فريده : ^_^

تروح ملك... وتركب فريده عربيتها وتفضل تسوق لحد ما توصل مكان فاضي توقف العربيه وتبص لعيونها في المرايه وتقول...

انتي بتعملي ايه في نفسك؟... بقي انتي فريده العاقله اللي كل الناس بتشكر في تفكيرها... كنتي عايزة ايه.. بتغيري عليه ليه !! مش راضيع تتجوزي ليه؟؟ مستنيه مين يا فريده.. معقول !! معقول اللي بعمله في نفسي ده!!.. انا وصلت لكده!!... اااااااااااااااه يا قلبي ليه بس كده   :'(  .. ده اخويا.. ايوة شاطره يا فري.. ده اخوكي وبس.. واهو هيحب ويتحب ويرتبط.. و ..و ... وأنا بحبــــــــــــــــــــه  :'(  ايوة بحبه.. هفضل انكر لامتي... هو انتي هبله يا فريده !! >_<  طب ماهو طبيعي تحبيه مش أخوكي !!!
لسه هتضحكي علي نفسك تاني !!.. بحبه ومش عارفه احب غيره  بحبه اوووووووووووووووي ... يا رب أرحمني من العذاب  اللي انا داخله عليه ده.. انامش عارفه ازاي وصلت نفسي لكده.. غبيــــــــــــــــه.. كنتي متخيله انه هيحب واحده بيعتبرها أخته ومامته -_- .. يا رب بقي :'(  :(

وتروح فريده وهيا بنفس الحاله وتحضر نفسها للسفر... في الوقت ده يكون النقاش بين أدهم وريناد بيزداد إشتعال  :D

يا تري إيه اللي هيحصل بعد كده... وازاي فريده هتساعد ملك -_- ... وهل أدهم هيعترف لريناد بحاجه ولا هيا متوهمه ؟؟

تابعوني <3