الزواج المحرم... 11

تدخل فريده مكتبها وتلاقي " بنت ملامحها جميله جداا بيضاء..طويله شعرها أصفر وعيونها عسلي وشكلها أمور جدا ولبسها شيك أوي..." .. الملامح دي مش هتنساها فريده لانها عارفاها كويس...

فريده: أنسه ملك !!

ملك: أهلا فريده ... أزيك :)

فريده باستغراب: أنا تمام الحمد لله .. 

ملك:.............................

فريده : مممم طب حضرتك تشربي ايه؟ :)

ملك: لا انا لسه شاربه عند صلاح بيه.. 

فريده: أها ..

ملك: أنا طبعا عارفه انك مستغربه وجودي .. وعلشان كده هدخل في الموضوع ع طول

فريده: اه طبعا اتفضلي...

ملك: بصي .. أنتي طبعا عندك خلفيه عن مشروع القريه المشترك اللي بين شركتنا وشركتكوا صح.؟؟

فريده: اه طبعا  عارفه..

ملك: جميل جدااا... أنا بقي المدير التنفيذي للمشروع من ناحيه شركتنا... تقدري تقولي المسئول الاول والاخير... لان دادي مشغول في مشاريع تانيه ومعندوش وقت... المهم بقي انا  كنت لسه عند صلاح بيه وو راني التصاميم المبدأيه بتاعه  المشروع... قال ان إنتي اللي عملاها 

فريده:  مممم أها انا .... ليه هيا عليها اعتراض؟؟

ملك: في الحقيقه وبنسبه كبيره اه 

فريده: خلاص نتناقش فيها وأعدل اللي انتي عاوزاه

ملك: ممممممممممم

فريده : ..؟؟؟؟ o.O

ملك: في الحقيقه يا فريده وانا عند صلاح بيه شوفت كذا تصميم من شغل الباشمهندس  أدهم .... مم عجبني تفكيره وأسلوبه.. مودرن وراقي ومبتكر... واضح انه متأثر بدراسته بره ... لان تصميماته فيها حاجه غريبه  غير تفكيرنا هنا.. انتي فهماني..؟

فريده: .....................

ملك: بصراحه انا عجبني شغله وعاوزاه يعمل التصميمات بتاعه القريه .. هو زيي خريج جديد واكيد زهنه حاضر وهيعمل شغل واو 

فريده: أكيد طبعا معاكي حق .. المهندش ادهم شاطر جدا وشغله علي مستوي فعلا :)

ملك: تمام أوي... في الاجتماع بتاع بكرة هبقي أقترح الفكرة.. انا بس قولت اقولك قبلها لحسن تزعلي مني :)

فريده: لا خالص الشغل مفيهوش زعل 

ملك: تمام ... أستأذن بقي :)

فريده: اتفضلي :)

تخرج ملك من المكتب وفريده تحس أنها علي أخرها ومش قادرة تتكلم... في مليون حاجه مزعلاها ... حاجات كتير جاتلها ورا بعض  خليتها تفقد توازنها ... وكل اللي هيا محتاجاه انها تبعد عن الكل لحد ما ذهنها يصفي وتسترجع توازنها تاني 

................................................................................................................

يوصل أدهم الشركه ... وأول ما يوصل مكتبه تقوله السكرتيره ان صلاح بيه عاوزة... يدخل أدهم لصلاح ويدور الحوار التالي: 

صلاح: ايه يا أدهم .. أتبسطوا امبارح؟؟

أدهم: اه الحمد لله كانت سهرة جميله .. ريناد ورامي أتبسطوا الحمد لله .. ربنا يخليهم لبعض :)

صلاح: طب الحمد لله.. طب وأنت ؟

أدهم: أنا إيه :3 

صلاح: أنت كمان اتبسطت ولا ايه؟؟

أدهم باستغراب : اه عادي يعني الحمد لله 

صلاح: ممممممم .. طب وملك؟؟

أدهم : مالها ؟؟

صلاح: انبسطت؟؟

أدهم وهو مش فاهم باباه يقصد ايه من كل الاسئله دي ... عادي يعني انا متكلمتش معاها علشان اعرف ... بس هيا شكلها كان مبسوط يعني 

صلاح بانزعاج بس يداريه : طب الحمد لله ... أعمل حسابك ان في اجتمااع مهم بكرة وعي تنسي .

أدهم : لا متقلقش هاكون موجود وجاهز في المعاد  :)

يخرج أدهم من عند  صلاح ويدخل مكتبه ويفضل يفكر شويه في فريده ويحس انها كانت غريبه معاه امبارح بعد الحفله ...

يقوم أدهم من مكتبه ويروح لفريده 

********************************************************************************************

في مكتب فريده .....

الباب يخبط وفريده تسمح للي علي الباب في الدخول ...

علي : صباح الخير :)

فريده : صباح النور :)

علي : عامله ايه النهارده :)

فريده: تمام 

علي : هو مش واضح عليكي .. وعلشان كده انا جايلك ..

فريده : تقصد ايه ؟

علي : الشركه مش مكان لكده..

فريده: طب .... ؟؟؟ :/

علي : لو مش هيزعجك ..ممكن اعزمك علي الغدا التهارده ؟؟

فريده : مممممم

علي: صدقني مش هكلمك في حاجه تضايقك ولا هضغط عليكي في حاجه :) 

فريده : خلاص أوكي :) 

يستأذن علي ويقوم ... يفتح الباب ويكون أدهم لسه هيخبط .... نظرات صامته بين الاتنين .. يقطعها علي .. 

علي : أزيك يا باشمهندس ..

أدهم: بخير الحمد لله 

علي : طب بعد اذنك :) 

أدهم: اتفضل 

ويدخل أدهم لفريده  ويعد قصادها وهو متغاظ 

أدهم: ............................

فريده تحاول تتكلم بطريقه كويسه ... ايه يا ديمو .. أخبار السهرة ايه .. أتبسطوا؟؟

أدهم: ......................... مم اه الحمد لله

فريده: ايه مالك.. حصل حاجه امبارح؟

أدهم: لا تمام

فريده : أمال في ايه؟

أدهم: مفيش -_-

فريده: طيب

يستغرب أدهم من ردها وانها مهتمتش تعرف زي عادتها ويحس انه مزعلها..

أدهم: فريده انتي فيكي حاجه ؟؟

فريده تبصله وتقول : لا :)

ادهم: ليه مرضيتيش تخرحي معانا امبارح ؟؟

فريده : كده .. كنت مش قادرة

أدهم: عينيكي زعلانه :(

تسرح فريده .. "يوم هيا اعده في اوضه ادهم وكانت مضايقه جدا ومخنوقه .. ادهم وقتها كان عنده خمس  سنين .. جه وراها الرسمه اللي رسمها ليها .. 

أدهم: بسي "بصي" يا فري .. الرثمه تي ليكي  ^_^ 

فريده : ماشي يا أدهم روح العب دلوقتي :)

أدهم بخيبه أمل : ايه ته هيا مس عكبتك :(

فريده: لأ حلوة اوي .. روح بقي 

أدهم: تب تحالي ألحبي محايا  " تعالي العبي معايا"

فريده : لا انا مش عاوزة العب .. روح لريناد 

أدهم يسكت ويبص لفريده ويبدأ يعيط من غير صوت :( 

فريده: :o ... مالك بس يا أدهم .. بتعيط ليه دلوقتي :/

أدهم: كته.. أنتي زحلانه ... وانا زحلان زيك :( 

فريده : مين قال كده انا مش زعلانه 

أدهم: لأ ... أنتي حينيكي زحلانين :(

تضحك فريده غصب عنها وتحضن أدهم وتقوم تلعب معاه ..."

تفوق فريده وتبص لادهم وتبتسم أوي ...

أدهم: ياااااااااااااه روحتي لفين كده ؟؟

فريده: ولا حاجه :)

أدهم: علي كان عاوز ايه ؟؟

فريده باستغراب : عادي يعني 

ادهم: اها عادي.. طيب 

فريده: طيب

أدهم: انا هروح اشتغل بقي :)

فريده: اوكي 

يخرج ادهم ويقفل الباب .. فريده تفضل باصه علي الباب وهيا مضايقه.. تبدأ دموعها تنزل نتيجه احساسها بالخنقه.. يتفتح الباب فجأة ..يدخل ادهم ويقفل وراه ويروح يقف قدامها..

فريده بصدمه :.. أ ... انا .. يعني اصل...ايه :/

ادهم: كنت متأكد 

فريده : .....................

ادهم: قولي مالك من غير مناقشه ... 

فريده: مفيش شديت مع بابا امبارح وزعلانين سوا..

أدهم: و.....؟؟

فريده: بس كده..

أدهم:.....و؟؟

فريده: يا بني بس كده 

أدهم: و..... -_-

فريده: ادهم انت علقت!!! o.O

ادهم: و...........؟؟

فريده: الشريط سف ولا ايه >.<

أدهم "بصوت يقلد فيه عم أيوب ": ووووووووووووووو نص "

تضحك فريده جامد عليه وتفضل تقوله عمرك ما هتعقل أبدااااااااااااا.. احنا في الشركه يا مجنون 

أدهم: طالما الحاجه دي هتضحكك يبقي طظ في الشركه :D

فريده: ربنا يخليك يا ديمو

أدهم: دموعك غاليه أوي.. بلاش علشان خاطري :)

فريده : :)
............................................................................................................

بعد ما ملك تخرج من شركه صلاح  تفضل تلف شويه بالعربيه وتحس انها متلخبطه ومحتاجه حد تتكلم معاه... ولانها بنت وحيده وكانت منطويه شويه فهيا ملهاش حد تثق فيه وتحكيله كل حاجه الا رامي اخوها... اعدت تفكر شويه وبعد كده قررت تروح البيت علشان تتكلم معااه..

في فيلا سيف .....

يكون رامي لسه نايم في اوضته بسبب سهره امبارح... تدخل ملك  تصحيه ..

ملك:رامي..

رامي : همممم

ملك: قوم بقي كفايه نوم ...

رامي : همممممم

ملك: رامي قوم انا عايزة اتكلم معاك... علشان خاطري قوم 

رامي: هممممممممممم

ملك: رامي :o .. ألحق ريناد يا رامي الحق ....

يهب رامي من مكانه وهو مفزوع ويتزل من ع السرير بسرعه ويفضل يقول ... مالها ..مالها في ايه  مالها ايه اللي حصل ... انطقي يا ملك

ملك تحس انها أفورت وانها خوفته بجد ... تروح تقف عن باب الاوضه وتقول ..

ملك: الحق ريناد بتحبك أوي :P  :D 

 رامي :   >_<  >_<  >_< 

تجري ملك علي أوضتها ويجري وراها رامي وتفضل تجريه وراها الفيلا كلها وهما بيضحكوا لحد ما يمسكها ويفضل يزغزغها لان دي نقطه ضعفها :D 

بعد ما يهدوا ويقعدوا ... هاه يا جزمة  كنتي عايزة ايه مني ؟؟

ملك: موضوع مهم مش عارفه اعمل فيه ايه ومفيش غيرك احكيله ..

رامي يقوم يقعد جنبها وياخدها في حضنه.. ويقولها .. احكي يا لوكه كل حاجه انا سامع اهو

ملك:  ااا... انت عارف يعني.. ممممممم .. انا الصراحه يعني...مممم

وتفضل ملك تدعك ايدها في بعض بارتباك ووشها يحمر وتتوتر 

رامي : متخافيش يا بنتي احكي من غير خوف 

ملك: رامي انا حبيت :/

رامي يفضل متنح شويه وبعد كده يفوق ويبص لملك بابتسامه هاديه ويقولها... أوبا بقي قطتي كبرت وبتحب يا ناس ^_^

ملك بكسوف : هههههه 

رامي : وده مين المحظوظ ده 

ملك: مممممممم.. أدهم :/

رامي بفرحه وصدمه : بجد يا ملك؟؟ بجد أدهم أخو ريناد :D 

ملك : ايوة هو

رامي : يا ولاد الايه.. ده من امتي ده وازاي وبقالكوا اد ايه

ملك: هو ايه ده ..؟؟

رامي: احكي بالتفصيل يا ملك متخافيش.. هو بيحبك من امتي؟؟

ملك: :/ :/ ماهي دي المشكله :(

رامي بعدم فهم:  مشكله ايه دي

ملك: انا معرفش هو بيحبني ولا لأ :(

رامي بصدمه : نعــــــــــــــــــــم!!

ملك: رامي انا من ساعه ما شوفته امبارح وانا حصلالي حاجه مش طبيعيه.. من ساعه ما شوفته وانا مشدوده ليه .. 

رامي: ايوة يا ملك .. بس ده انتوا لسه شايفين بعض امبارح.. انتي اما قولتي انك بتحبيه افتكرتكوا تعرفوا بعض من مده ومش قايلين.. بس كده واضح ان امبارح كانت اول مقابله صح.؟؟

ملك: ايوة :(

رامي : مينفعش يا ملك .. كده الموضوع مش ماشي صح.. ادي نفسك فرصه تعرفيه ..ممم اوعي تجيبي سيره لحد .. وانا كل اللي طالبه منك انك تستني لحد كا تتاكدي من مشاعرك .. وكمان نشوف هو هيتصرف ازاي.. :/

ملك : حاضر :(

يقوم رامي وهو شبه مصدوم وحاسس انه داخل علي مشاكل كتير :/

................................................................................................................
بعد الشغل .. تروح فريده مع علي مطعم في مكان هادي ويقعدوا يتكلموا ...

علي : بصي يا فريده .. انا مقصدتش بكلامي امبارح في الحفله اني اضايقك .. او اسببلك اي ارتباك... انا بس حبيت اقولك علي حاجه في قلبي من زمان...
مخبيش عليكي انا عارف انك مش مشدودة ليا.. أصله بيبان :) .. وعلشان كده عمري ما نطقت ولا قولت من ايام الجامعه.. واما القدر خلاني اشتغل في الشركه معاكوا استغربت.. بس برده لاقيتك زي ما  انتي... 
انا بحبك يا فريده .. حتي لو انتي هترفضي.. انا جربت انسي واشوف حياتي ومقدرتش.. علشان كده قررت اقولك.. جايز ربنا يجمعنا مع بعض 

فريده: :( .... علي,, انت بجد انسان محترم وحساس ومشاعرك دي راقيه جدا .. انا فعلا اول مرة في حياتي اقابل انسان زيك .. عنده وفاء لمشاعره وصادق كده .. بس انا مش مستعده .. صدقني مش هقدر .. انا مش هقدر اسعدك صدقني .. مش بايدي :(

علي: احم ... انا فاهمك طبعا .. وشاكر صراحتك معايا .. ممممم .. اتمني نفضل اصدقاء ومتاخديش مني موقف سلبي

فريده: اكيد لأ .. بالعكس انا احترامي ليك زاد .. بس انا عايزاك تشوف مستقبلك.. انا حاسه ناحيتك بالذنب :(

علي:  لا خالص .. انتي ملكيش ذنب في حاجه ... انا اللي تركيبه دماغي كده :)

فريده : :( 

علي: انا عايز أسألك سؤال وخايف تزعلي مني

فريده : لا اتفضل :)

علي : انتي في حد في قلبك؟؟

فريده: مممممم بص مش هاقولك اني اتفاجئت من سؤالك لاني متوقعاه :) 

علي: طب وهتجاوبي :/ ؟؟

فريده : مش هتصدقني للاسف 

علي : لا قولي انتي بس .. هصدق والله

فريده : انا معرفش انا فيا ايه... معرفش ليه بهرب من الارتباط .. ومعرفش هفضل كده لحد امتي .. ومعرفش اذا في حد في بالي ولا لأ .. صدقني انا مبكدبش والله

علي : مصدقك يا فريده .. واضح انك تعبانه من الموضوع ده 

فريده : فوق ما تتصور.. كل اللي حواليا بيتعاملوا معايا علي اني معقده او فيا حاجه بس انا كده مرتاحه .. اقفل الموضوع ده لاني مش قادرة ولا عايزة اتناقش فيه 

علي : زي ما تحبي :) 

فجاة يرن تليفون فريده ... 

فريده : الو ... 

أدهم : ايوة يا فريده ... انتي فين؟!

فريده : انا بره الشركه يا ادهم ... في حاجه حصلت؟؟

ادهم: لا مفيش.. بره الشركه فين يعني ؟؟

فريده : بره الشركه في مشوار.. ايه في ايه؟!

ادهم: انتي مين معاكي ؟؟

فريده : وأنت مالك!!

أدهم يتصدم من الكلمه ويتحرج جدا ويقول : انا  اسف جدا.. متاسف سلام

فريده تحس انها زعلت ادهم جدا .. وده يزود همومها هم جديد 

علي : واضح ان في مشكله :/

فريده : هه .. لا ابدا 

علي : طب تحبي نقوم ؟!

فريده : اه يلا :)

ويقوم علي مع فريده ويروحوا ...
...................................................................................

توصل فريده البيت وهيا مش طايقه نفسها ... يكون محمود مستنيها علشان يصاالحها .. 

محمود: ازيك يا فريده .. 

فريده : بخير .. حضرتك ازيك النهارده؟

محمود: مش كويس :(

فريده بخضه : مالك يا بابا حاسس بايه؟؟؟ 

محمود: اطمني اانا مش تعبان .. انا مش كويس لاني مزعلك مني :(

فريده : وانا مقدرش ازعل من حضرتك .. :)

محمود: متزعليش يا بنتي والله مكنتش اقصد اضايقك .. ووعد مني مفتحش معاكي الموضوع ده لحد اليوم اللي هتيجي فيه وتقولي انك بتحبي وهترتبطي :)

فريده براحه نسبيه: ان شاء الله يا بابا :) 

 تدخل فريده اوضتها .. ومحمود يفضل يدعي ربنا انه يشوف اليوم ده قبل ما يموت ...

..................................................................................................................

يروح أدهم الفيلا.. ويطلع علي أوضته علي طول وهو مضايق جدا.... يفضل اعد مستني فريده تتصل بيه تصالحه او تقوله هيا ليه كلمته كده ... وفجأة تليفونه يرن ويجري عليه بلهفه .. لكن اول ما يمسكه يلاقي رقم غريب .. فيسيب التليفون .. لكنه يرن تاني وهنا أدهم يكنسل ويكون لسه هيقفل الموب يتفاجئ بمسج .. يفتحها ويلاقي مكتوب فيها 

" ر ............." 

يا تري ايه الرساله اللي جت لادهم دي... ومين اللي بيتصل بيه وعايز ايه؟؟ وايه رد فعل رامي علي كلام ملك.. هل هيحاول يقرب بينها وبين أدهم.. ؟؟

تابعوني <3