الزواج المحرم... 8

وصلنا لحد ما أدهم سأل فريده  ...

أدهم: فريدة أنتي ليه مرتبطيش لحد دلوقتي ؟؟ :/

فريده تسرح شويه وبعد كده تقول: بص يا أدهم انا مش هرتبط علشان الوقت ...مش هرتبط علشان فكرة الجواز نفسها أو علشان سني أو علشان القطر ميفوتنيش زي ما اللي حواليا قالوا... 

انا يوم ما أفكر أرتبط هيبئي لما الاقي الشخص اللي يخلي قلبي ومشاعري يتحركوا ناحيته وابئي مستعده اعمل علشانه اي حاجه

ناس كتيير اوي ارتبطوا في سن بدري وصغير بس ارتباط تقليدي وفي الاغلب بتم الموافقه حسب تقارب المستوي المادي او لو العريس متريش زي ما بيقولوا وللاسف أغلب الجوازات دي بتفشل واللي فضل منها مكمل.. كمل بتعاسه..مجرد انه عايش مع حد والسلام لكن لا في مشاعر ولا حياه هاديه.....يبئي ليه أعرض نفسي لكده لمجرد أني كبرت شويه في السن ! :)

أدهم كان بيسمع فريده بكل جوارحه وأندمج أوي معاها وعجبه تفكيرها وإيمانها برأيها..

سكتت فريده وقالت لادهم :ايه يا ديمو سرحان في ايه؟.. 

أدهم:في كلامك ...كلامك صح جدااا كملي كملي.. :)

فريده تتنهد وتكمل : يا أدهم أنا زي كل البنات محتاجه أحب وأتحب وأسس أسرة صغيره ...بس ده هيحصل أما الوقت المناسب يجي..

يرد أدهم بسرعه...

أدهم: ووقته ده أمتي؟؟؟ :D 

فريده: لما ربنا يأذن وأقابل الشخص المناسب :)

أدهم: طب لو ربنا أذن وقابلتي الشخص ده دلوقتي هتوافقي ولا هترفضي علشان أنكل محمود؟

فريده: لا طبعا بابا مش مسببلي أي مشاكل لاني كده كده مش هسيبه تحت اي ظرف... :)

يبتسم أدهم ويبدأ يحس انه فرحان جدا ومش فاهم ليه!!

فريده: قولي بئي ...أنت مرتبطش قبل كده؟؟

أدهم: انا لا لا ابدا والله  :o 

فريده: ايه يا بني هو انا اتهمتك بحاجه ..ده سؤال عادي يعني..

أدهم:لا عادي بس انا فعلا مش مرتبط بحد والله  

فريده: ماشي مرتبطش ..طب محبتش حتي لو بينك وبين نفسك!!

أتخض أدهم من سؤال فريده لانه حس انها حطيت ايدها علي حاجه مستخبيه جواه

فريده: ايه يابني ساكت ليه!!

أدهم: هه...لا انا بس خايف شويه :/

فريده: خايف!!! ليه؟  O.o

أدهم : عادي انتي عارفه اننا هنبدأ الشغل بكرة وانا بطبيعتي...

تقاطعه فريده وتقول...

فريده: بتخاف من اي حاجه جديده :D 

أدهم:ههههههه فهماني طول عمرك ^_^

فريده: أصلي زيك انا كمان متوترة ...ان شاء الله خير :) 

أدهم: ان شاء الله :)

فريده : يلا نرجع بئي انا تعبت 

......................................................................................................................................

يرجع أدهم وفريده ويلاقوا ريناد أعده لوحدها ومنهاره من العياط...

فريده: ريناد!!!...مالك يا بنتي في ايه؟  :o

أدهم: وفين رامي ...أنتوا أتخانقتوا ولا ايه؟

ريناد:............ :( :(

فريده: طب أهدي بس عشان نفهم مالك :/

ريناد:............. :'(  :(

أدهم: انا هتصل برامي أفهم ايه اللي حصل...

ريناد بعصبيه: لا متتصلش بحد يا أدهم....روحوني لو سمحتوا :( 

أدهم: طب أهدي ...حاضر هنروحك قومي يلا..

وياخدهم أدهم وريروحوا الفيلا وتفضل فريده جنب ريناد لحد ما تروح في النوم...

..................................................................................................................

في مكتب صلاح...

تخبط السكرتيرة علي المكتب وتدخل تقول..

مديحه: صلاح بيه ...سيف بيه أبو زيد وصل يا فندم...

صلاح: طب دخليه بسرعه ومتدخليليش حد وهو هنا ولا تحوليلي اي تليفونات...مفهوم؟

مديحه: مفهوم يا فندم

يدخل راجل في منتصف الستينات مركزه كبير جدا وده واضح علي مظهره 

صلاح: أهلا أهلا سيف بيه شرفتني,....أتفضل أرتاح

سيف: أهلا بيك يا صلاح بيه الشرف ليا

وبدؤا يتكلموا في في حاجات خاصه بشغلهم...

.......................................................................................................

في فيلا صلاح...

رجاء: ها يا فريده عرفتي مالها؟؟

فريده: لا والله يا ماما مرضيتش تقولي حاجه أبدا...

أدهم: أكيد متخانقه مع رامي لانه سابها ومشي..

رجاء: ربنا يستر بئي :(

فريده: طيب يا ماما أنا همشي بئي علشان ألحق أجهز نفسي لبكرة

رجاء : ماشي يا فري ربنا يوفقكوا يا ولاد

.....................................................................................................

تاني يوم تصحي فريده وتلبس بسرعه وتطمن علي باباها وتنزل علشان تروح الشركه في المعاد...

في مكتب صلاح...

يكون صلاح أعد علي مكتبه وقدامه أوراق بيقرأها والباب يخبط..

صلاح: أتفضل..

مديحه: أنسه فريده الشيمي بره يا فندم..

 

صلاح: دخليها 

فريده: صباح الخير يا أنكل :)

صلاح: صباح النور يا فري :)

فريده: هو أدهم لسه مجاش ؟

صلاح: لأ لسه  ...أتفضلي أستريحي 

ويتكلم صلاح مع فريده ويفهمها بالضبط طبيعه الشغل ويتأكد أنها علي درايه بكتير من شغل الشركه وبعد نص ساعه يوصل أدهم

صلاح: ما لسه بدري يا أدهم بيه! -_-

أدهم: أنا متأسف جدااااا والله صحيت متأخر :/ 

صلاح بجديه: أدهم الشغل مفيهوش دلع أنا هسكت المرة دي علشان أول يوم لكن بعد كده هيبئي فيه جزي -_-

أدهم بتكشيرة: تمام ...حاضر -_-

صلاح: ودلوقتي أنا فهمت فريده  اللي هيحصل وهيا هتكون مديرك المباشر لحد ما تتعلم كل حاجه هتكون هيا معاك فيها ودلوقتي هتقابلوا الباشمهندس "علي فريد" هو هيساعدكوا لحد ما يتأكد انكوا فهمتوا الشغل كويس وهيوريكوا مكاتبكوا...

ودلوقتي تقدروا تتفضلوا ...بالتوفيق :)

ويخرج أدهم وفريده من مكتب صلاح ويروحوا مكتب الاستاذ علي...

تدخل فريده ووراها أدهم ويلاقي أدهم شاب في أواخر العشرينات شكله وسيم ومهتم بمظهره وبيسلم علي فريده بترحاب شديد جدا وواضح انهم يعرفوا بعض...

فريده: أقدملك المهندس علي فريد يا أدهم ... المدير التنفيذي للشركه هنا وكنا انا وهو بنتدرب هنا اثناء الجامعه هو كان زميلي في الدراسه واهو بئي زميل في الشغل برده...

أدهم بابتسامه باهته: تشرفنا :)

فريده: المهندس أدهم يا علي ابن صلاح بيه وهو لسه راجع من لندن كان بيدرس هناك و واخد دكتوراه من هناك وهيبدا في الشغل هنا  وهو طبعا زي اخويا الصغير متربين سوا... :) 

أدهم يتنرفز جدا من كلام فريده ويقول نبدا في الشغل بئي -_-  >_<

............................................................................................................................

توصل ريناد مكتبها ويكون اثر العياط والسهر باين جدا علي ملامحها واول ما توصل.... 

السكرتيره: أنسه ريناد صلاح بيه بيسأل عليكي من بدري وقال اول ما توصلي تروحيله فورا...

ريناد: طيب 

وتروح ريناد مكتب صلاح واول تدخل تلاقيه متعصب جدا ومتضايق

ريناد: صباح الخير يا بابي 

صلاح:......... -_-

ريناد: خير يا بابي في ايه؟؟ 

صلاح: انتي اللي في ايه؟؟

ريناد: مش فاهمه قصد حضرتك؟؟

صلاح بنرفزه:ممكن أفهم انتي عامله ايه لرامي بالضبط؟؟؟

ريناد: ايه ده هو أشتكي لحضرتك مني؟! :o

صلاح: لأ يا هانم هو مشتكاش هو أختصر الطريق وقدم إستقالته دون أبداء أسباب واستنتجت ان انتي اللي ورا الاستقاله اما رجعت ووالدتك حكت عن منظرك وانتي راجعه امبارح ومحدش عارف مالك -_-

ريناد واقفه مصدومه من خبر استقاله رامي ومش قادره تنطق :( :( 

صلاح يكمل بعصبيه زياده:انا عارف انك متدلعه اوووي وانك اكيد بتتهربي منه في موضوع الخطوبه ... مش هتتغيري يا ريناد ...هتفضلي حابسه نفسك في تجربه فاشله لحد امتي!! >_<

ريناد: أرجوك يا بابي كفايه :'(

يكمل صلاح: المشكله انك مش بتضري نفسك ولا بتضري رامي وبس انتي بتضريني انا والشركه لانك عارفه حجم المصالح اللي بيني وبين والد رامي والخساره اللي ممكن تحصل بسبب تهورك ده 

تبص ريناد لباباها بعتاب لانها حست ان كل  همه الشغل والشركه وبس :( 

صلاح: بصي يا ريناد انا مضربتكيش علي ايدك وقولتلك اتجوزي رامي غصب انتي اللي اختارتي بس الحكايه مش لعبه...هيا كلمه واحده انتي في اجازة لحد ما تحلي موضوعك مع رامي ...اتفضلي...

تخرج ريناد من عند باباها وهيا منهاره من طريقته معاها وتركب عربيتها وتطلع بسرعه مجنونة وهيا مش عارفه تروح فين! 

...................................................................................................

بعد ما يعدي نص النهار ويكون فريده وأدهم كل واحد فيهم في مكتبه بيشتغل يزهق أدهم ويحس انه مرهق ويقرر يروح لفريده

في مكتب فريده 

تكون فريده أعده مندمجه في التصميم اللي قدامها وفجأه الباب يخبط...

فريده: أتفضل 

ويدخل أدهم...

أدهم: فري أنا خلاص مش شايف قدامي وتعبان وزهقان وجعان وحالتي صعبه :/ 

فريده : هههههههههههههه براحه بس يا ديمو ايه ده كله كل ده من يوم!! :D 

أدهم: تعبت ودماغي قفلت -_- 

فريده: طب انا قدامي ربع ساعه كده 

أدهم: بصي يا بنتي انا هنزل أطلع العربيه من الجراج واقف قدام باب الشركه خمس دقايق والاقيكي جنبي في العربيه .... باي -_-

تضحك فريده علي طريقه أدهم وتقول ...مجنوووووون :D 

..................................................................................................................

بعد شويه تنزل فريده وتروح ناحيه عربيه ادهم وتلاقيه نايم وشكله مرهق جداا :( 

 

تركب فريده جنب أدهم وتقفل الباب جامد ولكن أدهم ميصحاش برده ...تفضل فريده باصه علي أدهم وهو نايم وتفتكر شكله وهو صغير ومن غير وعي ترفع ايدها وتحطها علي شعره زي ما كانت بتعمل زمان .....يفوق أدهم ويبصلها بابتسامه وهيا تنزل ايدها بكسوف وتقول 

فريده: أنت نمت ؟؟ ^_^ 

أدهم: اه انتي اتاخرتي عليا :( 

فريده: والله لأ ...عموما بلاش نخرج روح نام وارتاح :) 

أدهم : لا انا جعان :/ 

فريده : طيب يلا ^_^

في المطعم......

تكون فريده أعده وقدامها أدهم وفجأه  يقول...

أدهم: وأنتي بئي وعلي كنتوا اصحاب اوي؟؟ -_- 

فريده باستغراب: لا عادي

أدهم بغيظ:عادي ازاي يعني!! -_-

فريده: عادي كان زميلي في الجامعه وبعدها جه الشركه هنا وبابا كان مديره فكنت بقابله صدفه واتدربت معاهم فتره كده...

أدهم: اها 

فريده: في ايه؟؟

أدهم: عادي

فريده: طيب اوكي 

وتترسم علي ملامح فريده ابتسامه مجهوله المصدر!!

أدهم: ممكن سؤال؟....

فريده: اتفضل...

أدهم: ايه مواصفات الانسان اللي ممكن يشدك ليه او يلفت انتباهك يعني؟

فريده: مواصفات ازاي يعني من ناحيه ايه؟

أدهم:يعني كل حاجه فيه سواء الشكل او الشخصيه....

فريده:الشكل ده اخر حاجه ممكن تلفت انتباهي المهم الروح والشخصيه..يعني يكون مثقف وواعي وعنده مبادئ ...ابئي حاسه اني بفهمه بسهوله ميبقاش غامض هادي مرح ويعرف يحتويني...حاجه كده تحس انه نصك التاني ...فاهمني؟

أدهم يبتسم ويقولها اكيد فاهمك :D 

أدهم: طب افترضي انك لاقيتي حد بالمواصفات دي وحبيتيه ولاقيتوا بينكوا فروق كتير ممكن تخلي باباكي يرفض مثلا...هتسيبيه وتبعدي ولا هتتمسكي بيه وتواجهي اي حد يعارضكوا :/ 

تسكت فريده كأنها في المشكله دي فعلا وبعدها تقوله...

فريده: لسه بدري يا أدهم أما يكون موجود فعلا ... وتسرح بعدها 

.....................................................................................................................

ترجع فريده البيت وتدخل بهدوء لانها عارفه انه ده معاد نوم باباها وهيا داخله تلمح حد في المطبخ فتدخل اوضه باباها تلاقيه نايم....تتخض فريده وتطلع الاسبراي من شنطتها وتستخبي ورا الباب ....وفجأه...... :o ..............................................................................................................

يا تري مين اللي هيكون في المطبخ وفريده هتتصرف معاه ازاي :D ...  وايه هو موقف ريناد بعد كلام باباها... وايه التجربه اللي مرت بيها دي؟؟؟
تابعوني <3