الزواج المحرم... 7

فريده ترفع عينها ناحيه أدهم ولاول مرة تبص لملامحه عن قرب وكأنها بتستكشفه!

تبدأ فريده تفتكر الملامح دي وتحس انها عارفها ...بس كانت أصغر من كده ...كانت ملامح طفوليه وكبرت!!

فجأة تقرب أكتر منه وتقول بصوت واطي....أدهم!

أدهم بإبتسامه هاديه... أيوة يا فري :)

تفضل فريده مركزة عيونها عليه وتبدأ الدموع تلمع  في عيونها وتبقي مش مصدقه نفسها ..

وفجأة... تشد أدهم ناحيتها وتحضنه جامد وتفضل تعيط وتضحك في نفس الوقت... وبصوت عالي جدا "نونتــــــــــــــــــي" :D

يضحكوا كلهم علي رد فعل فريده وأدهم يتكسف جدا و وشه يحمر :D  بس في نفس الوقت يكون فرحان ومطمن جدااااااااا

أدهم: هههههههههه يا جدعان هو أنا كل ما حد يشوفني يقعد يضحك ويعيط في نفس الوقت؟؟! إيه الجنان ده :P :D 

فريده تضربه علي كتفه بهزار وتقول: لسه رخم زي ما أنت  :P

أدهم: كده يا فري  :(  ده كلام برده ؟! ... يا بنتي أنا بقيت أرخم من الاول  3:) :D 

يفضلوا كلهم يضحكوا وبعدها تعد فريده مع أدهم وتفضل تسأله عن أخباره في السنين اللي فاتت دي ... يحكي أدهم لفريده عن دراسته وأبحاثه وازاي أخد الدكتوراه وظروف سفره وجاوب علي كل الاستفسارات اللي كانت شاغله بالها ,....

أدهم: بس كده يا ستي  ...وأخدت الدكتوراه  وأول ما خلصت رجعت ع طووووووول 

فريدة: ايوة بئي يا دوك محدش هيعرف يكلمك تاني :P

أدهم: ليه يعني؟؟! :/

فريده بهزار: عادي يعني خريج أكسفورد ودكتوراه من لندن ومستوي بئي ...واحنا علي اد حالنا هندسه جامعه حكوميه 8)  :P

أدهم بزعل:ايه يا فريده ده لا طبعا مفيش فرق بينا !! :(

فريده: ايه يا بني مالك انا بهزر معاك ...انت بس لسه متعودتش ^_^

أدهم: ماشي يا ستي ...ها بئي احكيلي انتي اخبارك ايه ووصلتي لايه؟؟

وبدأت فريده تقول لادهم كل حاجه عنها من الفترة اللي اعتزلت فيها العالم بسبب الدراسه والبيت والمسئوليه اللي هيا شالتها لحد ما اتخرجت واعدت في البيت بارادتها علشان متسبش باباها...

أدهم: انتي مش ممكن .....طب حتي مبتشتغليش بشهادتك!!! 

فريده: بقولك مقدرش اسيب بابا ...انا بساعده في شغله من هنا 

يفضل أدهم باصصلها ومبتسم ..

أدهم: وبعدين تعاليلي هنا... بئي كده تشوفيني ومتعرفنيش :( .. في حد  ميعرفش نونته برده :P 

فريده: ههههههههههههههه يا بني أنت أكيد بتهزر... أنت ما شاء الله كبرت خالص ^_^ .. ده أنا آخر مرة شوفتك فيها ...

أدهم: أحـــــــــــــم... خلاص يا فري خلاص بلاش فضايح -_- :D 

فريده: ههههههههههههه

  ..................................................................................................................................

عدي الشهر اللي بعد كده وبتكون فريده دايما يا اما في الفيلا عند ادهم وريناد او هما عندها في البيت وقربت المسافه بين ادهم وفريده ورجعت زي ايام زمان...

في يوم تكون فريده في الفيلا وتقابل صلاح ويقولها ....

صلاح: صباح الخير يا فري :)

فريده: صباح النور يا أنكل :)

صلاح: محمود كلمك في موضوع الشغل صح؟

فريده: اه يا أنكل بقاله اسبوع بيتكلم  -_-

صلاح: اتمني يكون عرف يقنعك :/

فريده: بابا وأدهم وريناد مش سيبني وافقت علشان اريحهم :/

صلاح: عين العقل..ايوة كده يا فري ريحتيني ^_^

ويكمل صلاح ويقول...

صلاح: أظن يا أدهم بيه كفايه كسل انت واصل من السفر بقالك شهر ..اعملوا حسابكوا انكوا هتنزلوا الشغل بكرة 

يبص أدهم لفريده ويقول..

أدهم: جاهزة؟؟! ;)

فريده: جداااااااااااااااا ^_^

صلاح: تمام كده ...بكرة تكونوا الساعه تمانيه الصبح علي مكتبي..

أدهم:طالما كده بئي يبئي لازم نخرج شويه النهارده اخر ايام الراحه :(

فريده: معاك حق انا هطلع اشوف ريناد :D 

وافقت ريناد علي الفكره واتصلت برامي يروح لهم علي هناك...

.............................................................................................................................

نزلوا التلاته عشان يروحوا النادي وركبوا كلهم مع أدهم 

أدهم: صحيح يا فري أنا مسألتكيش ..هو انتي وقعتي في الحمام كده ازاي؟؟

فريده بخضه:أنت عرفت منين اني وقعت في الحمام!! :o

ريناد: ايه ده يا فري أنتي متعرفيش ان أدهم هو اللي وداكي المستشفي ..اصلا هو اللي دخل شالك ساعتها ..انتي فكراني هقدر انا اشيلك :P 

فريده بضحك مصطنع:ههه أه طبعا معاكي حق انتي رقيقه اصلك :/

ريناد: شامه ريحه تريقه انا -_-

أدهم يلاحظ ارتباك فريده ويفهم انها اتحرجت فيغير الموضوع..

أدهم: ها يا رينو أمال انتي هتعملي خطوبتك امتي ؟؟ :)

ريناد بارتباك : هه,....ان شاء الله قريب ..قريب اوي :)

فريده تبص لريناد بحزن وتقولها باذن الله يا حبيبتي :)

أدهم: عقبالك انتي كمان يا فري  ;)  :P

فريده: سوق يا كابتن وأنت ساكت -_-

يضحك أدهم ويكمل سواقه لحد ما يوصولوا...

..................................................................................................................

في فيلا صلاح..

يكون محمود بدأ يسترد صحته وراح يزور صلاح ورجاء في الفيلا زي عادته..

صلاح: علي فكرة يا محمود أنت كده لازملك شغاله ومش محتاجه نقاش زي كل مرة...

محمود: انا معنديش مشكله ..بالعكس دي هتريحني وتشيل عن فري...بس هيا اللي مبترضاش..

رجاء:فريده حاسه ان البيت بئي مملكتها ورافضه ان حد يقتحمه ...بتفكرني بهدي الله يرحمها :)

محمود: الله يرحمها...فعلا هدي كانت كده وفريده طالعالها..

رجاء:مفيش قدامك غير انك تجيبها امر واقع ..عشان فريده متلحقش تعترض :D

محمود:متعودتش أعمل معاها كده!

رجاء: بص سيب الموضوع ده عليا انا هاقولها ان انا اللي بعتها وانك مكنتش تعرف..

محمود: خلاص اللي تشوفيه.. :)

رجاء: تمام هكلم المكتب  يبعتولك حد أمين 

محمود: تمام 

صلاح: علي فكرة انا قولتلهم انهم هبدؤا الشغل بكرة

محمود: طب كويس فريده قالت ايه.؟؟ 

صلاح: تمام ..قالت انها جاهزة

محمود: طب الحمد لله
..........................................................................................................

في النادي...

بيكون فريده وأدهم وريناد اعدين علي الترابيزة ورامي جاي ناحيتهم من بعيد..

فريده: رينو ..رامي هناك اهو..

ريناد: أوبس!! هو ماله شكله متضايق :/

فريده: مممم..اه فعلا ربنا يستر 

يوصل رامي ويسلم علي الكل ويعد جنب ريناد..

أدهم: ايه يا عم أنتوا مش هتتخطبوا وتخلصونا بئي ...عايزين نفرح شويه :D 

رامي بابتسامه باهته ويكون باصص لريناد: ربنا يسهل يا صاحبي :)

أدهم يبص لفريده باستغراب من شكل رامي ويكون الجو متوتر...

فريده: أهم ايه رأيك نقوم نتمشي شويه؟؟

أدهم: أوكي يلا

ويبص لريناد ويقول..

أدهم: تيجوا معانا؟؟ :/

ريناد: لأ يا أدهم روحوا انتوا 

ويمشي أدهم وفريده ....تبص ريناد لرامي وتقوله..

ريناد: ايه يا حبيبي مالك؟؟؟ :/

رامي: مالي؟ -_-

ريناد: مش عارفه منا بسألك بقالك يومين بتكلمني بالعافيه ومكنتش عايز تيجي النهارده ومبتكلمنيش في المكتب نهائي ..في ايه؟ :(

رامي: ما هي تبئي مصيبه فعلا لو أنتي متعرفيش في ايه يا ريناد!!! -_-

ريناد بقلق من طريقه رامي: في ايه بس يا حبيبي أهدي وفهمني :(

رامي: هو سؤال واحد هسأله وتردي بصراحه لو سمحتي ..

ريناد: حاضر :(

رامي:  ريناد..أنتي بتحبيني؟؟ 

 ريناد بصدمه : نعـــــــــــــــم!! :o 

.........................................................................................

أدهم وفريده يكونوا بيتمشوا في تراك طويل والاتنين ساكتين...

أدهم: مممم...ساكته ليه؟

فريده: مستنياك تسأل السؤال اللي عندك وخايف تقوله  ;) 

أدهم باستغراب: أنتي فظيعه بجد :D 

فريده: هههههههه يا بني أنت تربيتي أصلا :D 

أدهم: منا خايف تزعلي مني  :(

فريده: لا متخافش مش بزعل منك

أدهم: فريده أنتي ليه مرتبطيش لحد دلوقتي؟! :/ 

.........................................................................................................................

عند ترابيزة رامي وريناد تكون ريناد اعده بتعيط ورامي مدور وشه ومستني اجابتها علي سؤاله..

ريناد: رامي انت ايه اللي بتقوله ده!!!! :(

رامي: ردي علي السؤال لو سمحتي -_-

ريناد: يعني أنت متعرفش انا بحبك ولا لأ!! :(

رامي وبدأ صوته يعلي: لأ معرفش معرفش حاجه خالص يا ريناد 

ريناد تبصله بصدمه وتكون خايفه لانه أول مرة يتنرفز عليها 

رامي يكمل بنرفزة:أنا كل اللي أعرفه اني بحبك بقالي تلت سنين وعايز أخطبك وأنتي بتتهربي مني 

ريناد: أصل أدهم...

ولسه ريناد بتكمل يقاطعها رامي بنرفزة ويقول..

رامي: تاني هتقولي أدهم!! انتي فكراني معرفش ان باباكي ومامتك اتحايلوا عليكي نعمل الخطوبه ونأجل الفرح لما أدهم يرجع وانتي اللي رفضتي!!! ده حتي أدهم نفسه كان عارف ده واستغرب لما لاقانا لسه متخطبناش...

ويكمل:طب أهو أدهم رجع ...تقوليلي لما فريده وأنكل محمد يخفوا خالص وأهو عدي شهر وزياده علي خروجهم من المستشفي والحمد لله بئوا بخير..

وبرده يا ريناد لو قولت نعمل الخطوبه بئي هتطلعيلي بمليون حجه وحجه 

ريناد:................... :(  :'(  :'( 

رامي ياخد نفسه ويسكت شويه ويرجع يقول بصوت أهدي:بصي يا ريناد انا معنديش مشكله انك تقولي انك مش عايزاني بس اللي لا يمكن أقبله اني أرتبط بواحده مبتحبنيش حتي لو أنا هاموت من غيرها ..

ريناد بصدمه ودموع: يعني ايه ؟؟؟؟؟ :'(  :o  :(

راني:يعني كده حكايتنا انتهت قبل ما تبدأ يا ريناد :)

ويقوم رامي ويسيب ريناد في حاله انهيار.....

............................................................................................

يا تري إيه اللي حاصل لريناد ومخوفها.. ويا تري هيا بتحب رامي فعلا؟! وإيه هيكون جواب فريده علي سؤال أدهم؟؟

 تابعوني <3