الزواج المحرم... 12

يروح أدهم الفيلا.. ويطلع علي أوضته علي طول وهو مضايق جدا.... يفضل اعد مستني فريده تتصل بيه تصالحه او تقوله هيا ليه كلمته كده ... وفجأة تليفونه يرن ويجري عليه بلهفه .. لكن اول ما يمسكه يلاقي رقم غريب .. فيسيب التليفون .. لكنه يرن تاني وهنا أدهم يكنسل ويكون لسه هيقفل الموب يتفاجئ بمسج .. يفتحها ويلاقي مكتوب فيها ...

"رد ضروري"...

أستغرب أدهم جدا من الرسالة دي و وبسرعه رن عليه نفس الرقم تاني ودار الحوار ده:

المتصل: ألو

أدهم: أيوة مين؟؟

المتصل: أنا ملك يا ادهم :)

أدهم: ملك مين :3


ملك بانزعاج : انا ملك سيف الدين أخت رامي :/

أدهم: اها... اهلا وسهلا... خير يا باشمهندسه؟

ملك: ممم خير ان شاء الله.. انا بس كنت عايزة اقولك حاجه بخصوص المشروع..

أدهم : طب انا بجد متأسف بس احنا ممكن نتكلم بكرة قبل الاجتماع ... اانا بجد اسف بس مشغول دلوقت

ملك باحراج: انا اسفه اني عطلتك.. بعد اذن حضرتك

أدهم: أتفضلي

يقفل أدهم مع ملك ويفضل حاسس انه مضايق وانه لازم يكلم فريده....ويتصل بيها لكنه يلاقي الموب مغلق...يقفل موبايله وينام وهو مضايق

......................................................................................

تاني يوم في شركه صلاح...

يجتمع كل الموظفين المسؤلين عن المشروع ومن ضمنهم أدهم وفريده وطبعا صلاح وملك ... يبدأ الاجتماع ويدور الحوار التالي...

صلاح: طيب يا جماعه احنا الحمد لله كل شغلنا جاهز علي التنفيذ.. المفروض نبدأ نشتغل في المشروع بعد ما التصميمات خلصت

ملك: بعد اذن حضرتك يا صلاح بيه انا كنت عايزة اقول حاجه

صلاح : اكيد طبعا اتفضلي..

ملك:انا معترضه ع التصميمات دي

صلاح: ليه ..؟ دي تصميمات هايله

ملك: ايوة بس في افكار احدث واحسن وعلي مستوي

صلاح : حضرتك في دماغك حاجه معينه؟

ملك بابتسامه وهيا بتبص لادهم: بصراحه انا شوفت تصميمات من شغل الباشمهندس ادهم وعجبتني جداااا

صلاح: ممممممم بس احنا كده هنتأاخر في تنفيذ المشروع!

ملك: .......................

صلاح: ايه رأيك في الكلام ده يا ادهم!

أدهم: انا معترض.. مع احترامي لرأيك يا باشمهندسه انا شايف ان التصميمات الحاليه ممتازة... والباشمهندسه فريده اصلا هيا اللي معلماني... ده رايي :)

صلاح: انا برده شايف كده!

ملك: اوكي تمام

صلاح: تمام حيث كده بقي .. أدهم وفريده وانت يا علي تحضروا نفسكوا للسفر علشان تبدأوا الشغل علي ارض الواقع .. الموقع جاهز والعمال في انتظاركوا :)

علي.. أدهم ,فريده : ان شاء الله :)

وحضرتك يا باشمهندسه مين من طرفكوا هيسافر؟؟

ملك : انا :)

صلاح بابتسامه واسعه .. انتي بنفسك؟؟

ملك: اها ده شغلي :)

يخلص الاجتماع ويخرجوا كلهم ... تروح فريده علي مكتبها مباشرة.. ادهم يكون لسه هيروح وراها بس ملك توقفه ..

ملك: ادهم

أدهم: نعم يا باشمهندسه؟

ملك: لو سمحت خليها ملك بس :)

أدهم: حاضر :)

ملك: طب انا كنت عايزة اكلمك في موضوع مهم

أدهم: خير؟

ملك : مش هينفع هنا

أدهم باستغراب : ؟؟؟؟؟؟؟؟؟؟؟؟

ملك: ممكن اعزمك علي حاجه بره الشركه؟

أدهم باحراج: احم لا طبعا ده واجب عليا  ^_^

ملك: طب يلا؟؟

يبص ادهم علي مكتب فريده بضيق ويقولها اتفضلي :)
أدهم في سره "وهو انا كنت ناقصك يعني -_-"

تفضل فريده في مكتبها وتحس انها ضايقت ادهم جدا وزعلته.. وده مبيحصلش بينهم اصلا.. قامت وهيا واخده قرار تروح تصالحه وتتكلم معاه يمكن ترتاح.. تخرج من مكتبها تلاقيه هو وملك في وشها !

أدهم: .............. :/

فريده : ازيك يا انسه ملك :)

ملك: هاي يا فري :)

فريده: ادهم انا كنت جايالك .. شكلك مشغول :)

ملك: اها احنا خارجين مشوار كده

فريده .......................

ادهم: اا... اصل... هو ...... بصي مش هتاخر .. هكلمك اما ارجع :/

فريده : لا مش مستاهله... متزعلش من كلامي امبارح انا كنت مضايقه شويه مع بابا زي ما قولتلك فرديت عليك بعصبيه... يلا بقي have a nice time :)

وتدخل فريده مكتبها ويخرج ادهم مع ملك  -_-

...........................................................................

يوصل أدهم مع ملك لمكان هادي ويقعدوا الاتنين ساكتين... تقطع ملك الصمت ده وتقوله

ملك: ادهم ما تكلمني عن نفسك شويه

ادهم: مممممممممم هو ده ليه علاقه بالموضوع اللي عايزاني فيه؟

ملك: لا انا كنت عايزة نتعرف ع بعض بما اننا بقينا قرايب وشغالين سوا يعني :)

ادهم بضحكه صفرا : اها :)

ملك: يعني قولي بتحب ايه بتكره ايه ايه ميولك.. كده يعني عايزة افهمك واعرفك اكتر :)

يسرح ادهم شويه ويقول : بصي انا اذا كانت شخصيتي كويسه او افكاري ومبادئي بتعجب الناس فده كله بفضل فريده.. هيا اللي بانيه شخصيتي... هيا اكتر حد بيفهمني .. حتي من غير ما اتكلم.. تعرفي ان ماما وريناد ميعرفونيش زيها!

ملك: ياااااااااااااااه للدرجادي!

ادهم: اها واكتر كمان... فريده دي مفيش زيها اصلا

ملك بغيظ : ياه؟؟ انا مكنتش اعرف انها قريبه منك كده.. كنت فاكراها مجرد واحده بتشتغل عندكوا يعني

ادهم يتفزع من الكلمه وميعرفش يسيطر علي اعصابه ويقول..

ادهم: افندم! ... هيا مين دي اللي شغاله!... مسمحلكيش... فريده دي متربيه معانا.. يعني زيها زي ريناد..

ملك بزعل وخوف.. انا اسفه ,, والله مكنش قصدي سوري

ادهم: حصل خير.. ويلا بينا علشان متتاخريش :)

ملك: ممممم تمام :)

.......................................................................................

يرجع ادهم علي الشركه وهو علي اخره ويدخل مكتب فريده علي طول ...

ادهم :فريده

فريده : نعم يا ادهم؟؟

ادهم: انا عايز اعرف في ايه مغيرك؟؟

فريده : .... انا اتأسفت علي طريقتي امبارح... مفيش داعي نفتح الكلام ده تاني !

ادهم: لا في !  انا مش جاي اعاتبك.. انا عايز اعرف كنتي فين امبارح ومين اللي كان معاكي يا فريده !

فريده: في ايه يا ادهم... من امتي الطريقه دي يعني !!!!!!

ادهم: كده.. انتي مخبيه ومش عارف ليه مع ان مفيهاش حاجه يعني >_<

فريده : هو ايه ده !!!!!!!!!!!! وضح كلامك يا ادهم لو سمحت !!

ادهم: مخبيه عني ليه انك مرتبطه بعلي..؟؟ ليه في السر يا فريده !!!

فريده : :o انت بتقول ايه !!!!!!

ادهم: اللي سمعتيه يا فريده .. مكنتش اتوقع انك تخبي حاجه زي دي عني

فريده : انا مفيش بيني وبين علي حاجه ولو مش متاكد روح اساله.. وشكرا جدا علي حسن ظنك فيا.. فعلا انا مصدومة.. انا يا ادهم تفكر فيا كده !.. انت عارف ان دي مش اخلاقي ولا تربيتي.. مش انا اللي اعمل حاجه في السر !

ادهم.. ا,, انا مقصدش بس..

فريده : انتهي الكلام لحد كده.. بعد اذنك.. تخرج فريده من الشركه وتقفل الموب وتروح ..

يخبط ادهم بايده علي راسه ويقف وهو مش عارف يتصرف :(

.....................................................................................................................

في فيلا سيف...

تدخل ملك وهيا متضايقه جدااا وعلي وشك العياط .. واول ما تدخل تلاقي ريناد ورامي اعدين.. تحاول تبتسم وتسلم عليهم وتطلع علي اوضتها ع طول..

ريناد: ايه ده يا رامي .. ملك شكلها متضايقه اوي

رامي بسرحان ويفتكر ان النهارده كان الاجتماع... اها فعلا ربنا يستر

ريناد: ايه ده في ايه؟؟ مالها؟

رامي : ولا حاجه :/

ريناد: قلبي بيقولي انك محتاج تكلمني ومتردد :)

رامي : انا محتار ومحتاجك ومش قادر اقول !

ريناد : يااااااااااااااااه ده واضح ان الموضوع كبير اوي !!

رامي : اه فوق ما تتخيلي

ريناد : قول يا رامي متخافش

رامي : بس اوعديني ان اللي هاقوله ميأثرش علي علاقتنا :(

ريناد بقلق : اوعدك .. قول بقي!

رامي : ملك بتحب أدهم ... :/

ريناد :..................... :o

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

في اوضه ملك...

تفضل ملك اعده محتارة تصالح ادهم ازاي وازاي تقرب منه .. وفجأه يجيلها فكرة

ملك: ازاي كانت غايبه عن بالي دي ! :D

>>>>>>>>>>>>>>>>>>>>>>>>>>>>>

يا تري ايه هيا الفكرة اللي فكرت فيها ملك؟؟ وايه رد فعل ريناد علي كلام رامي؟؟

وايه اللي هيحصل بين ابطالنا لما يسافروا؟؟ "هيحصل بلاوي " :D :P

تابعوني <3