الزواج المحرم... 9

ترجع فريده البيت وتدخل بهدوء لانها عارفه انه ده معاد نوم باباها وهيا داخله تلمح حد في المطبخ فتدخل اوضه باباها تلاقيه نايم....تتخض فريده وتطلع الاسبراي من شنطتها وتستخبي ورا الباب ....وفجأه...

تخرج من المطبخ بنت سمرا لابسه هدوم بسيطه وأول ما تشوف فريده تروح مصوتة....تتخض فريده أكتر وتروح مصزتة هيا كمان وراشه الأسبراي في وش البنت دي...والبنت تقع علي الارض متتحركش!! 

يصحي محمود مفزوع من صوت الصويت ويروح ناحيه المطبخ يلاقي فريده واقفه متسمرة مكانها وبتبص علي البنت وأول ما تشوفه.... بابا ألحق :o 

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

في شقه كبيرة  في المعادي... 

يكون رامي آعد علي الأرض وحواليه كركبه ويكون شكل الشقه لسه تحت التوضيب... رامي أعد بيأس وباين علي ملامحه الارهاق ودقنه طويله ومخنوق جدا... يكون ماسك في ايده صورة ريناد يكلمها ويقول...

" ليه يا ريناد..أنا أول مرة أحب حد كل الحب ده..معقول كل الوقت ده مقدرتش أخليكي تحبيني... معقول أكون ضغطت عليها ترتبط بيا!! 
مش هقدر أنساها ومش هقدر أضغط عليها ترتبط بيا ... ااااااااااااااااااه يا ريناد ليه بتعملي فيا كده ليه :( "

وفجأة يفوق رامي من حالته دي علي صوت خبط علي باب الشقه.... يمسح وشه ويقوم بسرعه يفتح الباب ويلاقي ريناد قدامه !!!!

تدخل ريناد وتقفل الباب وتبص لرامي وعيونها كلها دموع ومتتكلمش...

رامي: عرفتي إزاي إني هنا.؟؟؟

ريناد: لسه بحس بيك وبقرأ أفكارك زي ما كنا دايما ...

رامي يفضل سرحان وباصصلها ... يتأمل ملامحها ويحس إنها وحشاااااااااه أوي..

تعيط ريناد بندم...يقرب منها رامي بسرعه وياخدها في حضنه ويضمها ليه أووي... تمسك ريناد في هدومه وكأنها بتتحامي فيه من حاجه مخوفاها..

رامي: طب أهدي علشان خاطري... أنا أسف يا قلبي أســــــــــــــف بس متعيطيش :(

ريناد:.............

رامي: طب بتعيطي ليه طب :(

ريناد: ع...علشان مزعلاك.. وانا بحبك والله :(

رامي: بتحبيني بجد يا ريناد؟؟

ريناد:والله يا رامي بحبك..أنا عارفه أني عمري ما بينتلك ده في تصرفاتي...بس انا مبعرفش...انا بحس اني لو بينتلك اد ايه بحبك ومحتجالك هتسيبني .... انا مبحبش ابان ضعيفه..

رامي: ريناد يا حبيبتي... أنا مش زي أي حد.. انا مش أحمد..ده انسان خسيس وكان بيتسلي.. واهو راح لحاله.. متقارنيهوش بيا ارجوكي 

ريناد... خلاص يا رامي انا اتعلمت من غلطي والله.. متسيبنيش :(

رامي بضحك: لااااااااااااااااا أسيبك مين ده انا لازق هنا أصلا :D 

ريناد:ههههههههههههههههههههههههههه

ريناد: طيب أولا ..تروح تسحب الاستقاله دي علشان الشركه وحشه من غيرك...ثانيا تروح تشتري بدله حلوة كده علشان عندك مناسبه مهمه :D

رامي: مناسبه ايه دي؟؟!!! o.O

ريناد: هحددلك انت وأنكل"سيف" معاد مع بابا ... إحنا خلنا يا رامي ينفع كده يعني :P :D 

رامي :............................... :o :o

ريناد:رااااااااااااااااااااامي 

رامي: هه مين فين ...... بجد :D !!!

ريناد: هههههههههههههههههه ده اتصدم 

يشيلها رامي ويفضل يلف بيها وهيا بتضحك جامد..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

في بيت محمود....

محمود: فريده... ايه اللي انتي عملتيه ده !!

فريده: يا بابا دي حراميه.. دي كانت في المطبخ.. 

محمود: حراميه ايه بس :3 .. دي الشغالة الجديده يا فري :/

فريده :o :(

محمود: انتي عملتي فيها ايييييييييييييه ..؟

فريده: معملتش حاجه... رشيتلها بنج بس 

محود: يا ربي منك

محمود وفريده يشيلوا البنت دي ويحطوها علي سرير صغير في اوضه اتخصصت ليها وتفضل فريده اعده جنبها طول الليل من احساسها بالذنب..

تاني يوم تفوق البنت وتلاقي فريده نايمه قدامها علي الكرسي .. تفتكر البنت اللي حصلها وتخاف من فريده وتفضل تعيط من غير صوت... :( ... تفوق فريده وتلاقي البنت اعده كده فتقول...

فريده: أنا اسفه معلش افتكرتك حرامي مكنتش اعرف... انتي كويسه؟؟

البنت: اه .. انتي مين؟؟

فريده: انا فريده بنت الاستاذ محمود

البنت: يالهوي.. انا اسفه يا ست هانم ... اتفضلي حضرتك اعده هنا ازاي بس 

فريده: هانم ايه بس :o >>> اوعي تقولي كده تاني... انا اسمي فريده وبس :)... انتي بقي اسمك ايه؟؟

البنت : أسمي قمر :)

وتبدأ فريده تسمع حكاية قمر وظروفها الصعبه وتقرر انهم يكونوا اهلها الجداد... وده طبعا مش غريب علي فريده..

.................................................................................................................

"بعد مرور اسبوعين"

تكون فريده نايمه في أوضتها وتدخل عليها قمر وتقول...

قمر: فريده...فريده... استاذ أدهم بره وبيقولك اصحي بسرعه..

فريده: حاااااااااااااااضر قايمه اهو -_-

تصحي فريده وتغسل وشها وتخرج لادهم وهيا لسه مدروخه من النوم

أول ما تخرج فريده يفضل ادهم يضحك  علي منظرها ... 

فريده: ايه في ايه يا بني..الساعه لسه 12 الضهر

أدهم: ريناد يا ستي راكبها عفريت وبتقولي روح هاتها علشان نلحق... لسه هتلفوا كتير حاجات الحفله كتيرة

فريده: مممممممم طيب حاضر هاقوم البس اهو..

وتدخل فريده تلبس وتروح مع أدهم لريناد علشان يبدؤا يشتروا لبس حفله خطوبه ريناد ورامي ويجهزوا نفسهم..

توصل فريده الفيلا وتلاقي باباها جوة ...

فريده: ايه ده هو بابا هنا؟؟

ادهم: اه يا ستي بابا كلمه امبارح وشكل في حاجه مهمه اوي 

فريده: ممممممممممممممم اه ربنا يستر :D 

اول ما ريناد تلمح فريده تجري عليها وتقول... أتأخرتي ليه :/ ورانا مشاوير أأأأأأأأأأأأأأأأأأأأأأأأأأأد كده... الاول هنروح نحجز الفساتين وبعدين نحجز معاد الكوافير وبعدها رامي وادهم يكونوا اتفقوا مع الناس الي هتزين الفيلا وتوضبها وكروت الدعوي يا ادهم ما تنسهاش والبوفيه كمان... وبعدها نروح نشوف البدله مع رامي ... ولازم الكرافت تكون لون الفستان طبعا... و وووو أنا ناسيه حاجه مش فاكره ... يااااااااااااااااااا ربي بقي :(

تبص فريده لأدهم وتقوله أختك اتهبلت :D 


يضحكوا كلهم علي منظر ريناد وتوترها ويبدؤا جولاتهم ....

يدخلوا فريده وريناد مول كبير ويبدؤا يشوفوا الفساتين وبالفعل يجربوا فساتين كتييييييييييييييير وفي الاخر تلاقي ريناد فستان  حلو جدا ويعجبها اوووووووووووووي .. ويكون كده..

بعد كده تفضل فريده تدور وتكون عايزة تجيب تايير او اي حاجه طويله لانها متعودتش تلبس فساتين.. بس ريناد تنقي ليها فستان رقيق جدا وقصير وتصمم انها تجيبه ويكون ده شكله..

...........................................................................
 إلي اللقاء في يوم الخطوبه بقي ... اليوم ده هيكون مليــــــــــــــــــــــئ بالمفاجات ربنا يستر :D 
 يا تري ايه اللي هيحصل؟؟

تابعوني <3