في مكتب صلاح....
يكون
صلاح بيه أعد علي كرسي مكتبه وقدامه سيده في اوائل الاربعينات وتكون سكيرتيرته
الخاصه ويدور بينهم الحوار التالي:
مديحه: خير يا صلاح بيه الاستاذ محمود عامل
ايه دلوقتي؟؟
صلاح: الحمد لله يا مدام مديحه بخير
مديحه: طب هو هيخرج من المستشفي امتي؟؟
صلاح: هو قدامه يومين ويخرج بس للاسف الدوك
محرج عليه يعمل اي مجهود ومش سامحله غير انه يتمشي في بيته بالعافيه ودي حاجه محمود
ميستحملهاش ده عامل زي الطير لو اتحبس يتخنق
مديحه يظهر عليها التأثر بكلامه : معاك حق يا صلاح
بيه ده كان شعله نشاط وشغل الشركه كله ميمشيش من غيره
صلاح بزعل: ادعيله يرجعلنا بالسلامه
مديحه : يا رب
وتخرج مديحه ويسرح صلاح في ايام شبابه هو
وصاحب عمره محمود....
صلاح ومحمود كانوا اصحاب من صغرهم ودخلوا
جامعه واحده طول عمرهم مع بعض بالرغم من اختلاف المستوي المادي بينهم الا ان ده
مكانش مسبب لهم اي مشاكل وكبروا سوا وكان محمود دايما بيساعد صلاح وبيكبرله شركاته
اللي ورثها من اجداده أينعم محمود بيشتغل عند صلاح الا انهم كانوا بيتعاملوا علي
انهم شركاء وده لوجود المحبه بينهم من زمان
كانت اسرة محمود وصلاح مترتبطه وزوجاتهم
كانوا اصحاب الا ان زوجه محمود توفت بعد ما خلفت فريده بشهور واللي اتفرغ والدها
بتربيتها ... افتكر صلاح فريده وهيا صغيره بعد وفاة والدتها وازاي زوجته مدام رجاء
كانت بتربيها زي بنتها ريناد وازاي هما بئوا اكتر من اخوات
فاق صلاح من ذكرياته وهو بيقول ربنا يقومك
بالسلامه يا محمود وعيونه كلها دموع
...............................................................................................................................................
في اوضه محمود في المستشفي تكون فريده اعده
بتقرا كتاب وباباها باصص عليها والدموع بتلمع في عينه ويتنهد ويقول
محمود: فريده
فريده: ايوة يا بابا عاوز حاجه يا حبيبي؟؟
يسكت محمود ويفضل باصصلها....
فريده: تاني يا بابا عاوز تتكلم في نفس
الموضوع تاني؟!
محمود: ايوة يا فريده تاني وتالت ورابع انا نفسي اطمن عليكي بئي انا
مش ضامن عمري يا بنتي ولسه هيكمل كلامه... تقاطعه فريده وتقول.
فريده: أرجوووووووووووك يا بابا بلاش الكلام
ده علشان خاطري
محمود: يا بنتي انتي ضيعتي عمرك بسببي من
صغرك وانا حاسس ان انتي اللي بتهتمي بيا مش انا اللي براعيكي كل البنات ايام الجامعه
كانت تخرج مع صاحبتها وتتفسح وتشوف الدنيا وانتي كنتي ترجعي تعملي الاكل وتوضبي
البيت وتساعديني في شغلي وتذاكري ضيعتي احلي سنين عمرك عليا وفوق ده كله رافضه
تتجوزي انتي
داخله علي التلاتين يا فريده!
داخله علي التلاتين يا فريده!
فريده تغمض عنيها بوجع وتتماسك وتقول: اولا يا
بابا زي ما انا عيشت عشانك وضحيت زي ما انت بتقول انت كمان مرديتش تتجوز بعد امي
عشان متجيبليش حد يضايقني ضحيت براحتك وصحتك عشان تشتغل وتأمن مستقبلي ... صح ولا
انا غلطانه ؟؟
ويكون محمود لسه هيتكلم تبصله فريده برجاء
وتقول...
فريده: ارجوك يا بابا لو بتحبني متتكلمش في
الموضوع ده تاني ع الاقل لحد ما تخرج من هنا
محمود : ماشي يا بنتي اللي تشوفيه
بس انا عايز اقولك علي قرار مهم اخدته
مريم وتبان علي ملامحها الجديه: خير يا
بابا؟؟
محمود:انا قررت.............
............................................................................................................................
في فيلا صلاح بيه يكون الجو ليل قرب
الفجر والدنيا سكون وفجأه يرن موبايل صلاح
ويقوم مفزوع ويقول.....
صلاح:محموووووووووووووووووووود
تقوم رجاء مفزوعه من صوت صلاح وتقول ايه ماله
محمود جري ايه.؟؟؟؟؟
يبصلها صلاح وهو مش مستوعب ويقولها الموبايل
تبصله رجاء وتقوله خير ان شاء الله رد بس شوف
فيه ايه
صلاح: قلبي مش مطمن يا رجاء خايف اسمع عنه
خبر وحش
رجاء : لا خير باذن الله رد بئي
صلاح وهو بيبلع ريقه وبصوت مرتجف: أ...أ...ألو
المتصل:
وحشتنيييييييييييييييييييييييييي
صلاح:..................
يا تري مين المتصل ده.... وإيه اللي مخليه يتصل في وقت متأخر كده وايه القرار اللي محمود أخده....هنعرف الحلقه الجايه
تابعوني ^_^
صلاح بصدمه: معقول!!
جميله اوي
ردحذفشركة عزل خزانات بعنيزة 0533942977
ردحذفافضل شركة عزل خزانات بعنيزة
ارخص شركة عزل خزانات بعنيزة
مركز عزل خزانات بعنيزة
شركات عزل خزانات بعنيزة
عزل خزانات بعنيزة