الزواج المحرم..18

فريده تبص لادهم وريناد وتبدأ ضربات قلبها تزيد وتقولهم.... إزاي يعني مش فاهمه !! :o

ريناد: من الاخر... بابا كلم أنكل سيف وأتفق معاه علي معاد علشان يروحله هو و أدهم..

فريده :نعـــــــــــــــم!! بسرعه كده!! :( .... وازاي الكلام ده يحصل من غير ما يكون أدهم عارف!!

ريناد: ما هو ده اللي احنا مستغربينه... مش فاهمين ليه بابا مقالش لادهم... ماهو مستحيل يدبسه يعني :/

أدهم: انا مش متفائل بالتصرف ده... وعايز اعرف المفروض اقول ايه لبابا لما يجي يكلمني

ريناد: هيا دي المشكله الفعليه... انا معرفش بابا بيفكر في ايه :/

فريده: بص يا أدهم .. خلينا نتفق ان أنكل صللاح مبيجيش بالعند... يعني لو عندت معاه وقولت لأ من غير أسباب تقنعه الموضوع هيتعقد أكتر

ريناد: فريده معاها حق تماما... بابا كده فعلا.

أدهم: أيوة أنا برده مش فاهم أقول ايه؟؟ :/

ريناد: أدهم بطل سلبيه... المفروض ان انتوا الاتنين تواجهوا المشاكل وتفكروا سوا... فكر انت كمان مترميش كل حاجه علينا -_-

فريده تبص لادهم بلوم وتسكت... أدهم يحس انه فعلا مش بيحاول يكون شجاع حتي في التفكير زيهم ويسكت... 

ريناد: أنا بقول أدهم يجاري بابا في كلامه.. والرفض هيجي من عند ملك..

فريده تبص لريناد جامد ويكون الكلام  خوفها... و أدهم يقول....

أدهم: ازااي ده يعني... هسيبها للقدر... وأفرضي التانيه أستغلت الموقف وقالت اه... ساعتها هتدبس انا ومش هينفع أرجع... الرأي ده خطر وممكن يدبسنا!

ريناد: مستحيل ملك توافق... هيا اه بتحبك.. بس كمان هيا كرامتها فوق اي حاجه... وهيا باتصلها بيك .. عرفت انك مش وافق

فريده : اصبري يا ريناد... انا معاكي ان ملك مش هتوافق علشان كرامتها... بس أنتي ايش دراكي ان ساعتها باباها يحااول يقنعها زي ما انكل صلاح بيعمل.. واضح ان الجوازة دي وراها مصالح عليا.. والا مكانتش تيجي بالطريقه دي!!

ريناد: ممممممم كلامك معقول... بس احنا كده موصلناش لحل!!

أدهم:  انا بقول اكلم ملك ... واتفاهم معاها يعني ونشوف ااذا هيا رفضت .. ممكن باباها يغصبها .. ولا الموضوع ده بعيد عن شخصيته!!

ريناد: يا ســـــــــلام!!... انت ايه يا بني انت!! يعني مش كفايه انها بتحبك ومتعذبه ... لا كمان نحرجها ونجيبها تساعدنا انك تتجوز غيرها!!... ارحم يا ادهم مش كده... دي انسانه وبتحس علي فكرة.. وبتحب زيك بالضبط :)

تتضايق فريده وتحس انها مخنوقه من الكلام كله.. وتحس انها بتأذي ملك.. بس تقول..

فريده : ادهم .. رينا د معاها حق... مينفعش الانانيه دي... ملك ملهاش ذنب تتعذب معانا اكتر من كده.. هيا دلوقتي اصلا موقفها محرج لوحده.. فكرة ان جايلها عريس مغصوب وهيا عارفه.. وهيا بتحبه.. فكرة صعبه انا مش عارفه انا لو مكانها هيحصلي ايه

ادهم: طب خلاص يا جماعه انا اسف.. كانت مجرد فكرة وخلاص ..ممكن ترسوني علي بر بقي .... لان بمجرد مرواحي الفيلا .. بابا هيكلمني لا محاله

فريده : انا تعبت ومش عارفه افكر :( ..... تسكت فريده وترجع ضهرها لورا وتبدا الدموع تلمع في عينها ومياخدش باله منها الا أدهم..

ريناد: انا قولت ان الموضوع صعب :/

ادهم بعصبيه..: وانا بقي مش هتنازل عنها... وكده كده هما هيعرفوا... وانا مش هتجوز حد الا فريده... لازم بابا يفهم كده كويس :/

ويقوم أدهم يجري علي عربيته.. تقوم فريده و وراها ريناد يجروا وراه... تفضل فريده تنده عليها لكنه ميردش... وميقدروش يلحقوة..

فريده: المجنـــــــــــــون ... هيهد الدنيا فوق ر اسنا بطيشه ده!

ريناد: غبي ... هيبوظ الدنيا كده...  بابا ميجيش بالطريقه دي عمره >_<

فريده : طب والعمل!!

ريناد: فريده إحنا مش قدامنا حاجه الا اننا نصبر ونشوف اللي هيحصل .. وان شاء الله ربنا يستر ...

فريده بخوف : يا رب :(

*********************************************

 في فيلا سيف...

تكون ملك معرفتش تنام طول الليل .. فضلت تفكر في اللي ممكن يحصل... وحست انها تعبت من كل حاجه بتحصل حواليها... وانها بالرغم من كل اللي حصل مش عارفه تبطل تحب أدهم.. :/

تقرر ملك انها تنسحب من كل ده بهدوء علشان تهدي وتعرف تنسي..

تقوم ملك تروح لرامي أوضته ويدور الحوار التالي...

ملك: رو ... أخبارك ايه يا جميل ^_^

رامي بفرحه.. ملووووووووووووك .. ياه اخيرا طلعتي من العزله دي!!

ملك: اها كفايه كده :D 

رامي : عين العقل يا قلبي

ملك: بص يا رامي .... وتحكي ملك لرامي كل حاجه حصلت ومكالمه صلاح لسيف وموقف ادهم... وبعد كده ...

رامي : ده ايه اللي بيحصل ده.. طب انتي شايفه ايه ولا هتتصرفي ازاي!!

ملك: ما هو ده اللي منغص عليا... انا مش عارفه مالي!! .. عارفه انه بيحب ومرتبط ومع ذلك مش قادرة اكرهه... انا عايزة ابعد يا رامي.. والله تعبت و كرهت اليوم اللي قلبي دق فيه :(

رامي بفزع : تبعدي!! ممكن افهم قصدك!!

ملك: انا عايزة اسافر فرنسا  فترة .. لحد ما المشاكل دي تخلص.. انا تعبت يا رامي

رامي : لأ .. كله الا كده بقي.. كده الموضوع زاد اووي ... يعني محصلش نصيب وقولنا ماشي واحترمنا انه بيحب.. بس كمان مينفعش اللي بيحصل ده.. ادهم جبان.. مش عارف يواجه والده ... لو كان قاله ماكنش حطك ولا حط نفسه في موقف زي ده!!... لكن هو عارف انه غلط... علشان كده مش عارف يقول حاجه.. انسان سلبي >_<

ملك: اهدي يا رامي .. ادهم لسه عارف الكلام ده امبارح بس.. لسه ملحقش... اكيد هيواجه والده ... بس انا مش عايزة افضل اعده منتظره اللي هيحصل.. انا محتاجه ابعد لاني اتخنقت

رامي : ملك انا كمان اتخانقت ومحتاج ابعد.. بس ممكن نسافر سوا يومين شرم لكن اللي في دماغك ده لا 

ملك: :/

رامي : علشان خاطري :(

ملك : ماشي :)

****************************************************

يخرج رامي من عند ملك وهو حاسس انه السبب في اللي اخته فيه بطريقه او بأخري.. يتصل رامي بريناد ويحاو يسيطر علي اعصابه..

رامي : ريناد.. عامله ايه؟

ريناد: تمام يا حبيبي .. انت ايه اخبارك؟

رامي : كويس

ريناد: مممممم في حاجات كتير حصلت عايزة احكيهالك

رامي : مممم زي ايه؟

ريناد: لا مش هينفع علي الفون.. لازم اشوفك

رامي : طيب جايلك

(تقفل ريناد مع رامي وتكون متاكده انه عرف كل حاجه من ملك ومضايق... بس تروح تقابله علشان تتاكد..)

وفعلا يتقابلوا الاتنين وتلاحظ ريناد تغيير مقابله رامي ليها

رامي : ها ايه بقي الاخبار..؟

تحكي ريناد اللي حصل معاهم تاني... وتقول علي كلامها مع ادهم وانها هتقف جنبهم للانهم فعلا بيحبوا بعض وتحكي عن المشكله اللي متوقعينها بس من غير ما تجيب سيرة ملك

رامي : مممممممممم يعني انتي هتقفي معاهم؟! 

ريناد: مقدرش اقف في وشهم... بيحبوا بعض مأجرموش 

رامي : مش عارف اقولك ايه الحقيقه

ريناد: هتقولي ايه يعني!!.. قول انا سامعاك

رامي : ريناد الوضع كده بيتخنق عليا... 

ريناد: تقصد ايه!!

رامي : اقصد ان انتي كده واقفه مع اخوكي وصحبه عمرك.. وده حقك طبعا.. وانا اختي بتتعذب وانا غصب عني لازم اقف جنبها

ريناد: رامي الموضوع مش حرب.. وبعدين ملك بره الموضوع

رامي بنرفزة.. اه ,, بره الموضوع ده قبل ما باباكي يتصل ويقول انه جاي هو واخوكي.. والكلام ده تفسيره معروف للكل.. انتي مش فاهمه هيا حاسه بايه دلوقتي.. الانسان اللي بتحبه مغصوب عليه.. ايه هو انتي مبتحسيش!... اهي عايزة تطفش وتسيب البلد كلها >_<

ريناد تدمع وتقول.. أنا مبحسش!! .. عموما ربنا عارف وشاهد انا بتكلم عن ملك ازاي وحاسه بيها اد ايه.. و .. تبدأ تعيط وتقول..

 وشكرا يا رامي علي الوعد اللي حافظت عليه... أنت فعلا مسمحتش للموضوع ده يأثر علي علاقتنا... لا و كمان مقدر اني مهدده في أي لحظه أخسر أقرب الناس لقلبي .. مش عارفه أقولك ايه بجد.. واسفه انك اكتفت مؤخرا اني مبحسش :)

وتقوم ريناد تمشي ويفضل رامي اعد مكانه بيستوعب اللي هو عمله ....

****************************************************

يوصل أدهم الفيلا وزي ما توقع كان صلاح في انتظاره...

صلاح: ايه يا بني كنت فين.. انا مش قايل امبارح اني عايزك؟؟

ادهم: معلش يا بابا .. كنت في النادي

صلاح: طب اعد عايزك

ادهم: خير ؟

صلاح: بص من غير مقدمات... ايه رأيك في ملك ؟؟

ادهم: من ناحيه ايه؟

صلاح : من ناحيه انها تكون زوجتك المستقبليه؟

ادهم يكون متوقع بس يلاقي والده واخد الموضوع بجراة وتصميم.. فيقول

ادهم: منكرش انها جميله وهاديه ومثقفه .. يعني هيا انسانه هايله...

صلاح : طب جميل جدااا

ادهم: بس مش ليا

تتغير ملامح صلاح وتختفي الابتسامه من علي وشه. ويقول

صلاح:ممممم وده ليه بقي؟؟

ادهم: لاني مبحبهاش.. في فرق بين الاعجاب والحب

صلاح: الاعجاب طريق اخره حب.. بعد الجواز والعشرة هتحبها طالما معجب بيها يبقي مفيش مشكله

ادهم: لا يا بابا ... انا معتقدش ده ... انا مش هارتبط بواحده مبحبهاش... انا قولت انها انسانه كويسه وهايله. بس لغيري مش ليا

صلاح: انت مدتش نفسك فرصه تعرفها علشان تحبها

ادهم: الحب مش محتاج فرص... لما تحب حد بتحبه في لحظه مش بتدرب نفسك انك تحبه

صلاح: ادهم بلاش كلام الفلسفه ده وبطل عند... انا مش شايف سبب مقنع للرفض... انت كده بتدلع

ادهم: العكس تماما .. انا مقولتش حاجه غلط... انا مبحبهاش بالتالي مش هرتبط بيها

صلاح: ايه رايك بقي اننا هنروح نتقدملها الاحد الجاي!

ادهم: ده اعتبره اجبار؟؟

صلاح: لا تعتبره خوف علي مصلحتك ومصالح الشركه واختك كمان

ادهم: كل اللي حضرتك بتقوله ده جميل .. بس مظنش علشان مصالح كل دول اعيش مع واحده مبحبهاش.. وكمان انا مش فاهم .. من امتي الجواز بيتبني علي المصالح!!

صلاح: ده مش السبب الاساسي.. ده مجرد سبب من ضمن اسباب

ادهم: بابا .. انا مش هتجوز ملك

صلاح: اديني سبب مقنع... انت مرتبط بحد يا ولد!!

ادهم: انا مش ولد..  انا كبرت وبقيت راجل.. واه مرتبط

صلاح: ما شاء الله... ودي مين بقي اللي عامله فيك كده... تبقي بنت مين وتيجي ايه في ملك!

ادهم: انا ارفض انها تتقارن بحد اصلا... ملك بره الموضوع ده

صلاح: مممممممممممم طالما قولت كده يبقي هيا متتقارنش بملك لانها اكي اقل منها في كل حاجه

ادهم: لو سمحت يا بابا... انا مش فاهم ايه لازمتها المقارنه اصلا... انا مبحبش ملك وانتهي الامر

صلاح: مش انت اللي هتقولي امتي انهي كلامي وامتي ابدأة يا ادهم... والموضوع مخلصش لحد كده... 

ادهم:..............................

صلاح: انطق وقولي تبقي مين البنت دي!!

ادهم: ................................

صلاح: رد عليا وكلمني زي ما بكلمك

ادهم: بابا انا مش هروح اطلب حد.. حضرتك اتصرفت من غير ما تقولي وانا مقبلش بكده

(يتنرفز صلاح من طريقه كلام ادهم واسلوبه ويضرب بالقلم)

ادهم يتصدم من رد فعل صلاح ويجري من قدامه ويخرج من الفيلا...

رجاء تسمع صوت الزعيق وتنزل جري تلاقي ادهم بيخرج من الفيلا... تدخل لصلاح تلاقيه واقف مصدوم ووشه باين عليه النرفزة.. 

رجاء: هو في ايه!!

صلاح:... يحكي صلاح لرجاء  كل اللي حصل... ويسيبها ويطلع اوضته...

تفضل رجاء اعده مهمومه وبتفكر لحد ما تسمع صوت الباب...تقوم تشوف مين وتلاقي ريناد..

رجاء : كنتي فين ومالك كده انتي كمان!!

ريناد: مفيش حاجه ... هو في ايه اللي حصل؟

رجاء : باباكي اتخانق مع ادهم وضربه

ريناد بفزع : نعـــــــــــم ! ضربه .. مش ممكن :(  .. احكيلي اللي حصل بالضبط يا ماما

وبعد ما تحكي رجاء تلاقي ريناد مش مصدومة وكأنها عارفه كل حاجه ..

رجاء: انتي كنتي تعرفي !!

ريناد :....................

رجاء : قوليلي مين هيا علشان اعرف اساعده... 

ريناد : :/

رجاء : يا بنتي اتكلمي.. ماهو كده كده هنعرف ولا هو هيتجوز في السر!!

ريناد : خليه هو يقول يا ماما

رجاء : ريناد يا حبيبتي انا مامتكوا يعني مفيش حد في الدنيا عايز مصلحتكوا ادي.. قولي مين علشان افهم واساعده

ريناد: مممممممممممم فريده :/

رجاء: ميـــــــــــــــــن!!

******************************************************

يا تري ايه رد فعل رجاء.. وهل فعلا هتساعدهم ويكون موقفها زي ريناد؟؟ ويا تري ادهم هيعمل ايه

بعد اللي حصل بينه وبين والده؟؟؟ ورامي هيكمل مع ريناد ولا دي نهايتهم؟؟

تابعوني<3

الزواج المحرم..17

الحلقة السابعة عشر...

يخلص صلاح كلامه مع رجاء وينزل يتصل  بسيف بيه ويدور الحوار التالي...

سيف: ألو.؟؟

صلاح: الو .. سيف بيه .. 

سيف: اه.. أهلا يا صلاح بيه 

صلاح: احم.. انا متأسف اني متصل فجأة كده.. بس انا كنت عايز اقابل حضرتك بصفه شخصيه.. كنت عايز اجي انا وادهم ابني نتكلم مع حضرتك في موضوع

سيف بابتسامه ونبرة صوته تبقي مرحبه.. اه طبعا .. انت تنور يا صلاح بيه في اي وقت.. تنورنا طبعا..

صلاح: خلاص حضرتك حدد الميعاد المناسب وهنكون عندك فيه ان شاء الله :)

سيف : الأحد الجاي مناسب؟؟

صلاح: خلاص تمام ان شاء الله نكون عند حضرتك في الميعاد

سيف : مستنيك :)

ويقفل صلاح ويحس انه أنقذ نفسه بالموقف ده وباله أرتاح ...

يطلع صلاح لرجاء ويحكيلها علي المكالمه.. 

رجاء: معقول الاسبوع الجاي كده علي طول!!

صلاح: وايه المشكله؟؟

رجاء: أنت ناسي ان كل ده أدهم مش عارف حاجه؟؟

صلاح: ابنك فاهم وبيستهبل ويتهرب

رجاء: لو انت عارف كده وعملت اللي عملته ده تبقي كارثه..

صلاح: ليه يعني؟!

رجاء: لانه ساعتها هيكون هروبه ده وهو فاهم قصدك انه مش عايزها.. ومش معقول

يعني هنجبر الولد.. ولسه تكون رجاء هتكمل كلامها يقاطعها صلاح بحده ويقول

صلاح: لأ .. المرة دي بالذات مش هينفع أسيب أدهم يعمل اللي هو عايزة... الا الراجل

ده وولاده... أدهم مينفعش يتدلع.. مفيش سبب للرفض اصلا.. لا ملك وحشه.. ولا

شخصيتها وحشه ولا مركزها .. دي فرصه عمره.. سيف بالنسبالي اصلا فرصه

رجاء باستغراب: صلاح .. انت اول مرة تفكيرك يبقي مادي كده!!

صلاح بنرفزة: أنتي مش فاهمه حاجه ومش هتفهمي.. انا هكلم أدهم بكرة .. خليكي انتي بعيد

تسكت رجاء ومتردش ..

*********************************

في فيلا سيف....

بعد مكالمة صلاح لسيف .. يقوم سيف يطلع لملك... ويدور بينهم الحوار ده.....

سيف: حبيبه بابي عامله ايه دلوقتي

ملك بكسل تقوم من السرير وتقرب من سيف وتعد في حضنه وتقوله.. انا تمام يا بابي

سيف بتريقه وضحك: انا تمام يا بابي.. يا سلام.. وهو ده كده شكل ملوكتي برده!!

ملك: عادي يا بابي والله.. شويه زهق وكسل مش أكتر

سيف بابتسامة خبيثة بس يبين انه تلقائي.....

سيف: بس انا عايزك تروقي لان عندنا ضيوف الاسبوع الجاي ومينفعش تقابليهم بالمود ده 

ملك : ضيوف مين دول؟؟

سيف بابتسامة مكارة: أدهم و صلاح بيه

ملك بعدم إستعياب: مممم حضرتك عازمهم يعني كلهم .. علشان ريناد ورامي يعني؟؟

سيف: وهو انا جيبت سيرة ريناد ورامي دلوقتي؟؟ 

ملك: مش فاهمه حاجه

سيف : صلاح بيه وأبنه أدهم جايين يشربوا معايا الشاي.. 

ملك بعدم تصديق: ليه!

سيف يستغرب سؤال ملك الصريح ده بس يقول....

سيف: معرفش .. الراجل اتصل وقال انه عايز يزورني هو وابنه .. اقوله ليه برده؟!

ملك تفضل باصه لباباها وساكته تماما

سيف: انا قولت اقولك علشان تكوني موجوده اليوم ده

ملك: وانا مالي بيهم!!

سيف يستغرب من ملك ويقولها.. حبيبتي مش اصول يجوا ومتكونيش موجوده.. انتي ملكه البيت ده .. ولا ايه يا قلب بابي :)

ملك بابتسامه باهته تهز راسها وتسكت.. يخرج سيف من عندها وهو محتار..... بس ملك تكون حيرتها أكبر..

ملك لنفسها.. معقول!! معني تلميح بابا انهم جايين يطلبوني.. ملهاش تفسير تاني... بس 

انا مش فاهمه ادهم ليه  يعمل كده.. يكون باباه غصبه؟؟ ... ده كلام برده في ناس 

متفتحه وهاي كلاس هتفكر التفكير ده.. ولو أدهم مقتنع ومش مغصوب.. ليه

ميقوليش!!.. ليه ميعرفنيش انا الاول ويشوف رأيي!!... لاااااا الموضوع ده محتاج

يتفهم... يكونوا جايين في حاه تخص الشغل!!... مكانش بابي جه وقالي ... يمكن في

حاجه حاصله بين ريناد ورامي!!.. طب حتي لو كان أنكل صلاح ومدام رجاء هما اللي جم.. انا دماغي هتنفجر..

بس لاقيتهاااااااااااااا.. انا أتصل بأدهم نفسه.. منا مش هفضل في الحيرة دي كتير


تتصل ملك بأدهم أكتر من مرة وتلاقي تليفونه مقفول... تفضل تجرب كذا مرة من غير يأس...

***************************************
في أوضه أدهم...

في الوقت ده .. تكون ريناد وأدهم بيتخانقوا ....

ريناد بصدمه تعد علي السرير زي ما تكون نزلت عليها صاعقه وتقوله بصوت مقطع...
ريناد: ليه كده يا أدهم... ليه حرام عليك.. انت كده خليتنا نخسر بعض.. فريده هتبعد..

ومش هنرجع عمرنا زي الاول... حرام عليك دي اختي الوحيده... ليه انت اناني

اوووي كده... متصور انها هتبص لاخوها الصغير يا غبي!! حرااااااااااااااام عليك
تعيط ريناد جامد وتبدا تضرب في ادهم بإيدها الاتنين وهيا متعصبه  جدااا ويحاول ادهم

يهديها ولكنه ميقدرش.. بس فجأة يمسك ايدها جامد ويشد عليها علشان تسكت وفجأة

يقول.... فريده كمان بتحبني يا ريناد..

ريناد: نعــــــــــــــم!! .. مستحيــــــــل .. أنــت بتقول ايـــــــه!!

أدهم: بقول اللي سمعتيه.. فريده كمان بتحبني من زمان.. ومكانتش بتقول .. كانت 

بتحبني كل الوقت ده وخايفه.. زيي بالضبط.. بسبب الرعب اللي انتوا فرضينه علينا.. 

علشان كده كل الوقت ده مكانتش راضيه تتجوز

ريناد تحس ان الدنيا بتلف بيها ومش مستوعبه كلام ادهم

يكمل أدهم ويقول.. ريناد... الحب عمره ما كان عيب.. وانا وفريده بنحب بعض بجد.. ومفيش سبب يخليكي مصدومه اوي كده

ريناد تحاول تتكلم وبصوت مش طالع تقول.. ايه اللي مخليني مصدومه!!.. انا مصدومه 

لاني اكتشفت ان اخويا واختي" الكبيرة" بيحبوا بعض.. علشان أكتشفت ان صاحبه

 عمري وأهتي طلعت معرفهاش.. طلعت معرفش سرها الكبير... انا !! انا طلعت معرفكوش... انتوا ازاي كده!!... ليه؟؟ ليه يا ادهم :(

أدهم: هو ايه اللي ليه يا ريناد!!.. الحب مفيهوش الاعتبارات الخايبه دي.. حافظ كل 

الكلام اللي هتقوليه.. دي اختك.. دي مربياك.. دي اكبر منك.. دي مش عارف ايه.. انا 

وهي اصحاب الشأن.. وانا وهي تجاوزنا العواقب دي.. احنا بنحب بعض.. وكنا فاكرينك هتحسي بينا.. لان انتي بتحبي يا ريناد :(

ريناد تبدأ تتقبل كلام أدهم  وبطريقه أهدي تقول.. بس برده صدمه.. الموضوع صعب

 يا أدهم.. انا عارفه ان الحب ملوش قواعد.. وعارفه ان صعب تشوف عيوب في 

حبيبك.. بس انا خايفه عليكوا.. الموضوع مش سهل ابدااااااااا.. هتقابلوا 100  عقبه في طريقكوا.... ليه تتعذبوا وتعذبوا اللي حواليكوا

أدهم: مفيش حاجه سهله.. انا عارف ان الموضوع صعب.. بس انا حبي ليها اقوي.. 

ومتخافيش... اللي حوالينا بيحبونا .. مش هيعملوا حاجه .. هيا مجرد صدمه في الاول وبعدين هيفرحوا بينا.. احنا ولادهم يا رينو :)

ريناد: ربنا يستر يا ادهم... انا مش مطمنه :/

أدهم: لا أطمني.. انا متأكد انك فرحانه.. بس انتي اللي بتحبي تقفلي الدنيا كده .. نكد :P

ريناد: هههههههه ... مكدبش عليك.. انا بفرح اما بشوف اتنين بيحبوا بعض ومتمسكين ببعض.. بس برده لسه مصدومه

ادهم: انتي دلوقتي تروحي تفوقي من الصدمه برحتك وبعد كده تروحي لفريده وتكلميها براحه.. لان هيا مرعوبة

ريناد: الكلبه دي حسابها معايا اما اشوفها.. بتعرف تخبي عني ... هعضهالك بس اصبر :P 

ادهم: هههههههههههههه هروح انا ساعتها اقتلك رامي :P

ريناد: ههههههههههههههههههه ماشي ماشي

وتقوم ريناد تحضن أدهم وتقوله انها حاسه بيهم وهتقف جنبهم.. وان انفعالها كان خوف عليهم مش اكتر..

تخرج ريناد من الاوضه ويفتح أدهم موبايله علشان يكلم فريده يطمنها .. ويعرفها ان 

ريناد عرفت ... بس يلاقي فوق الخمسين missed من ملك... يستغرب أدهم جداا من كميه الاتصالات دي ويقرر يكلمها قبل فريده ويفهم في ايه!

*****************************

في أوضه ملك.... تكون ملك اعده مش علي بعضها ورايحه جايه في أوضتها وكل 

شويه تروح تمسك التليفون تتطلب ادهم وتلاقي موبايله مغلق... وفجأة يرت موبايلها وتجري ترد عليه ويكون أدهم...

ملك: ألو .. ادهم ازيك

ادهم: ملك.. ازيك عامله ايه

ادهم: انا تمام .. الحمد لله

ادهم:خير يا ملك.. انا كنت قافل الموب واما فتحته لاقيت اتصالات كتير اوي منك.. هو في حاجه؟؟

ملك بارتباك: ممم.. هو.. اصل يعني.. انا مش عارفه اقولك ايه

ادهم بقلق: في ايه يا ملك.. قولي قلقتييني

ملك: بص اسمعني كويس.. انا مبدايا متصله افهم منك لاني مش فاهمه.. والدك اتصل بـبابي النهارده.. وقاله انكوا جايين تشربوا معاه شاي الاحد الجاي!

ادهم بعد استيعاب: احنا مين!!.. وليه يعني.. ومعناه ايه الكلام ده!!

ملك تحس باحباط وخيبه امل اما تلاقي ادهم مش فاهم حاجه وتفهم ان والده اتصرف من دماغه...

ملك: انا شكلي لخبطت الدنيا علي الاخر :/

ادهم: ملك ارجوكي اتكلمي وفهميني

ملك: هو بيقول ان هو وانت جايين يوم الاحد لانكوا عايزين بابي في موضوع.. انا معرفش ايه ده وقولت اسالك.. لان بابي جالي وقالي اكون موجوده :(

ادهم بصدمه ورعب: بابا عمل كده!!!!!!!!

ملك: واضح انك متعرفش :( 

ادهم: هه.. لا.. مممممممم

ملك: متقولش حاجه.. انا متصله علشان استغربت مش اكتر.. كويس اني نبهتك

ادهم: ......................

ملك: سلام :)

يقفل ادهم مع ملك ويحس ان الدنيا وقفت وان كل حاجه هتطربق علي راسه اسرع مما كان يتخيل.. مكانش متخيل ان الموضوع يوصل لكده

يتصل ادهم بفريده بسرررعه ......

*********************************

تكون فريده راحت في النوم وفجأة موبايلها يرن.. تاخده فريده من غير ما تبصله وتحطه علي ودنها وهيا نعسانه وفجأة تقوم وهيا مصدومة وتقول...

فريده: أدهم!!!! في ايه مصيبه ايه اللي بتقول عليها دي!!

ادهم: واقع في مشكله .. انا محتاج اتكلم معاكي..

فريده : طب ما هو اكيد مش هينفع دلوقتي... انت وقعت قلبي .. قول في ايه !! مصيبه ايه يا ادهم؟؟

ادهم: بصي .. انا مش هينفع ارغي في التليفون .. انا لازم اشوفك بكرة ع طول.. 

فريده : طيب طيب... طب هو حد عندك عرف يعني!!

ادهم: اه ريناد.. ومتخافيش مش هيا دي المشكله..

فريده : امال ايه بس تعبتني

ادهم: بكرة بقي.. نامي معلش اني ازعجتك :/

فريده : انام اه -_- هو بعد كلامك ده هعرف انام!! ... عموما متقلقش دايما كل مشكله ليها حل.. تصبح علي خير يا حبيبي :)

تقفل فريده مع ادهم وتحس انها خايفه بس برده تحس ان ادهم مش هيقدر يواجه المشاكل اللي ممكن تقف قدامهم ...

فريده : ربنا يستر.. ويقوي قلبك يا أدهم شويه  :/

**********************************************

تاني يوم...... تنزل فريده الصبح بدري وتقول لباباها انها هتروح النادي شويه.. وفعلا تقابل ادهم في النادي اللي متعودين يروحوه.. بس تلاقي معاه ريناد...

فريده تسلم عليهم وتعد ريناد جنبها وتبدأ تقول...

ريناد: طبعا يا فري انا عرفت كل حاجه... كنت اتمني انك متخبيش عني حاجه زي دي طول الفترة اللي فاتت دي لاني المفترض ان توأمك زي ما بتقولي :/

فريده : مكانش ينفع.. انا مكنتش حاطه في دماغي ان ده ممكن يحصل اصلا يا ريناد.. بس اما للاقيت ادهم بيحبني مقدرتش اخبي اكتر... سامحيني اني مقولتلكيش :/

ريناد: خلاص يا قلبي ولا يهمك... المهم دلوقتي ان فيه حاجه حصلت امبارح ولازم نعرف هنعمل ايه فيها... لا شكل المواجهات قربت.. :/

فريده تبلع ريقها بخوف وتقول... في ايه يا جماعه... سيبتوا أعصابي :/

ريناد:بصي يا فري.. من الاخر... بابا عايز يجوز ملك لادهم :/


فريده : كنت حاسه يا ريناد.. أنكل صلاح كان بيحاول يقرب بينهم و ده كان باين اوي في حفله خطوبتك :/ 

ريناد: ممممممم... ماهي المشكله انها مش مجرد فكرة أو محاوله :(

فريده تبص لادهم وريناد وتبدأ ضربات قلبها تزيد وتقولهم.... إزاي يعني مش فاهمه !! :o

ريناد: من الاخر... بابا كلم أنكل سيف وأتفق معاه علي معاد علشان يروحله هو و أدهم..

فريده : :o

**************************************

الحكايه بدأت تسخن.. والمواجهات قربت.. يا تري فريده هتعمل ايه في اللي هيا سمعته... و هل أدهم هيخبي علي باباه موضوع فريده اما يجي يكلمه عن ملك؟؟... 

أنتظروا الحلقه الجايه مع مزيد من المفاجأت :D

تابعوني <3